The Billionaire's Surrogate

Chapter 27

Enjoy reading, Sweeties

Bernadette

"What are my appointments today?" Alexandro asked.

"Pwede wait? Inutusan mo palang akong magtimpla ng kape mo, 'di ba?" inis na tanong ko sa kan'ya. Kanina pa kasi siya utos nang utos.

Nakita kong titig na titig sa 'kin si Xandro dahil kanina pa rin naman siya abala sa harapan ng MacBook niya. Natambakan din kasi siya ng mga files na kailangang permahan. Sa dalawang linggo pala noong lumipas ay hindi rin siya pumapasok.

"Who hurt you today? Ang sungit," dinig kong sabi ni Xandro bago ko muling narinig ang pagtipa niya.

Kahapon lang ako nakabalik at talagang umiiyak pa si Kassidy dahil sa wakas daw ay nakabalik na ako sa mataas ang sahod.

Ibinaba ko ang kape ni Xandro bago ko tinignan sa iPad na hawak ko ang schedule niya ngayong araw.

"Wala kang masyadong schedule ng appointments ngayong week pero next week 'yon na ang final meetings mo sa Presidente ng Entertainment Network kung saan meron kang partnership. Sa araw ng Martes... appointment mo kay Rio." Tinuro ko ang kulang itim na folder malapit sa MacBook ni Xandro.

Seryoso lang kasi siyang nakatingin sa akin habang nagsasalita ako, "I've checked every account and nothing suspicious. 'Yong mga ongoing projects, like commercials and all... nandiyan na 'yong mga funds. Kailangan mo na lang basahin at permahan," mahinang sabi ko.

Aalis na sana ako dahil kailangan ko pang i-check bawat department kung meron pang ipapaperma kay Xandro dahil ang tagal nga niyang 'di pumasok sa trabaho.

"Where are you doing?" he asked all of the sudden.

"Magtra-trabaho. Kailangan kong i-check kung may mga reports ka pang kailangan na permahan ngayong araw," mahinang sabi ko at napahawak na ako sa sintido ko. Hindi na ako nakakatulog ng maayos. May pasok na rin kasi ni Brent.

"Hindi... nakikita mo 'yong comforter na nasa couch? Magpahinga ka," seryosong sabi niya bago bumalik sa pagtitipa.

Tinitigan ko naman sa mukha si Xandro dahil sa sinabi niya. Ayan na naman ang abnormal na pagtibok ng puso ko.

"May trabaho ako, Xandro," ani ko.

"Kaya kong iutos sa iba ang trabaho mo. Now, you should rest."

Napalunok ako at pasimpleng humawak sa dibdib ko dahil tila gustong lumabas ng puso ko sa ribs ko dahil sa kagagawan ni Xandro. Hindi ko nagugustuhan ang epekto niya sa 'kin.

"K-kaya ko pa namang magt—"

"Panda ka ba? Nangingitim 'yang ilalim ng mga mata mo. Nangangayayat ka na rin." Mahina ang pagkakasabi niya sa huling salitang lumabas sa bibig niya kaya naman napairap ako sa hangin.

"Ikaw magtrabago ah! Matutulog ako," inis na sabi ko at pumunta sa couch upang mahiga na.

Ayos na rin na pinagpahinga niya ako. Hindi kasi talaga ako nakakatulog ng maayos lately. Ang babaw palagi ng tulog ko kaya wala pakiramdam ko pagod na pagod ako kahit na kagigising ko lang naman.

Mabilis lang akong dinalaw ng antok dahil na rin siguro sa lamig ng aircon dito sa loob ng opisina ni Xandro, malambot na couch at sa mabangong amoy ng opisina niya.

Sandali kong sinilip si Xandro at nagulat ako nang magsalubong ang mga paningin naming dalawa. Agad akong umiwas dahil tila naririnig ko ang abnormal na tibok ng puso ko.

'Kulang lang ako sa tulog.'

Nagpasakop ako sa kadiliman at nagpasalamat na kahit papaano ay hinayaan akong makapagpahinga ni Xandro. Naalimpungatan na lang ako nang maramdaman kong tila may nakatitig sa akin. Nagsalubong ang mga mata namin ni Xandro. Nakaupo siya sa pang-isahang sofa at nakatingin sa akin.