﷽
#الـهَـيْـمَـنـة
بِقَلمَي : مَيَار التَّمِيمِي
متابعة الحساب + التعليق بين الفقرات لطفاً 🤍
instagram : t_5ub
لطالما كُنت أحفظُ الكثيرُ
مِن الأسرار فِي جُعبتي ،
لطالما كُنت أختارُ
الهيئةُ التي أظهرُ بها
أعتقدُ أنني فعلاً لغزُ لا يُحل
أحجيةُ بلا قطع
دائرةُ بلا نهاية
نارُ بلا حِطب
عاصفةُ مِن صقيع
بـغـداد / الساعه ٨:٣٠ ص
صـبَــاح هادئ وأنفاس تحمل تفاؤل وأمل ، جَان يوُم جمعة ونايمة نومة عميقة وبنص نومتي سمعت صوت امي تكول
أيـمـان : كافي نوُم اكعدي راح يجون بيت خالج
فتحت عيوُني واردفت بـ ملل
- أيع يوم شعدهم جايين
ضربتني على راسي بخفة وكالت
- عيب ولــچ لا تحجين هيَچ
شمرت الغطة وكمت
- ما احبهم گوة هـيـة
امي عدها اخو واحــد والي هــو خَــالو (عـمـر) ما احبة لان دوم يسمع كلامها لمرتة وعبالك هـيـة الرجال مــو هــو
مرتة ( جـمـانة ) حية صفره تُلدغ وتضُم راسها عدهم بــس بنية وحدة اسمها ( دالـيـا ) اصغر مني بسنة ، علاقتي مــو هلكد وياها على گد السلام وهـيـة مـن النوع الي تبيع مثاليات وتتدلع وفخفخة واني ما اتحمل هيَچ وحدة طبعي صعب
مـن بعد ما نزلت امي رحت للحمام غسلت ونزلت شفت ابوية كاعد هــو واخوية باوعلي ابوية وكال
- صـبــاح الـخـيـر بنيتي
تقربت بستة بخدة وجاوبتة
- صـبــاح النور حَـبيبي
رحت للمطبخ سويتلي لفة جبن وكعدت أكل يـمكــن ٲنـي لبنية الوحيدة الي متحب تتريگ الصبح ، هيَچ مرات يصدف انوُ اكل بحيث اهلي مـن يشوفوني اتريگ ينصدمون
خلصت اللفة وصعدت لغرفتي غيرت ملابسي ورجعت نزلت وسمعت ابوية كال :- بنيتي جيبلي استكان چاي
ابوية يعشق شــي اسمة چاي لـو الدنيا شرچي هَــم يكول اريد چاي جاوبتة
- اي حَـبيبي تتدلل
رحت صبيتلة چاي واخذتة ألــه كال
- عاشت ايدج
ابتسمتلة ورحت كعدت بصف اخوية
ٲنـي واخوية الوحيدين لأهلي
ٲنـي عمري ١٩ أدرس سادس
واخوية ( خَــالد ) عمره ٢٢ يدرس مرحله ثانيه قسم ترجمة
امي وابوية متزوجين عن حب أبوية وثنينهم مـن محفاظات مختلفة أهل ابوية چـَانو رافضين يتزوج امي لان مـن غـيـر محافظة عدهم لازم تزوج بنت عمك غيرها نتبرة منك ولان ابوية "حبها" لأمي حَارب الكُل واخذها وراح عاش بـ بغداد لان امي اصلها من بغداد واهله تبروا منة ، بيت جدي اهل ابوية أبــد مشايفيهم حتى بالصور وابوية هَــم ممسولفنة عليهم
ورة زواج أبــوية وامي بسنة صــار خالد وره 4 سنوات صرت ٲنـي
KAMU SEDANG MEMBACA
الـهَـيْـمَـنـة
Romansaأتقبلني بما أشعُر ؟ بأخطائي وما يصدُر وما آتيك بالكلماتِ عذرًا عندما أعثُر ! أتقبلني بما فيَّ؟ بدمعي فائض القطرات ضعفي عندما أخسر أتُمسك جيدًا بيدي وحيداً عندما أعبر؟.
