﷽
#الـهَـيْـمَـنـة
بِقَلمَي : مَيَار التَّمِيمِي
متابعة الحساب + التعليق بين الفقرات لطفاً 🤍
instagram : t_5ub
أحتاج أن أتحرر لكي أحبّك
أن أكتبك دون قيد
أن لا يبعدني الخوف عنك ..
والتردد بين المضي
أو إنتظار المحال
أن أقول أحبّك
دون أن تسبقني الحسرة
فتقطع الحرف الأخير ..
داكل وفزيت مخترعه مـن سمعت صوت خشن وراي
- معناها انتِ ضيفتنا الجديدة
بلعت ريكي والتفت باوعتلة مرعوبة وهــو للحضة انصدم وكأنو شايفني مـن قبل ويعرفني !
حك حَاجبة ودار وجهة ارتبكت وجاوبته بتلعثم
- اي ٲنـي
-الوالدة حجتلي قصتج بــس اريـد اسمعها منج
عيوُنة حادة وبيهن خزرة رغم هــو مخازرني وطويل حيل لابس تراك وبُنية جسمة ضخمة والعضلات تريد تنفجر مـن ملابسة
رجعت التفاحة لمكانها وكال
- تعالي بالصالة نكعد
راح قبلي كعد واني طلعت كعدت بالقنفة المقابيلة مرتبكة ومتوتره لان اول مرة بحياتي احجي وي رجال مااعرفة اردف
- اي يُـبـا سولفي
بلعت ريگي وبديت اسولفلة كُـلشي ودموعي توگع عشرة عشرة وهــو عيوُنة على الارض ويسمعني بتركيز أبــد مباوعلي
مـن ختمتها اردف بصدمة وذهول
- شلــون هيَچ يذبوج بالشارع بدون مــا يحققون مـن الرقم ويشوفون الصور ويتأكون ؟؟
مسحت دموعي وجاوبتة :- نفس الاسئلة الي بعقلي
مسح چبينة وگال :- ما اعرف مصدوم شلــون انطاهم گلبهم وانتِ وحيدتهم !
سكتت ونزلت راسي كلبي يعصرني مـن القهر، اردف وعيوُنه تجدح مـن العصبية :- انطيني عنوانكم
سـديـم : حتروح تحجي وياهم ؟؟
ذب حسرة وكال :- راح اسوي الاكدر علية وافهم منهم السالفة وابين الحق
فرحت حيل وانطيته العنوان صفن وكال
- حالياً ٲنـي مفارغ بسبب الشغل انطيني يومين وامر لمنطقتهم اشوفهم
اردفت بـ فرح :- اي على راحتك اساساً ما اعرف شلــون اشكرك انتَ وخاله سهاد ساعدتوني وفضلكم ما انسا ولو واحد غيركم ميسوي هيَچ يكول چـَانت بالشارع شنعرف عنها
YOU ARE READING
الـهَـيْـمَـنـة
Romanceأتقبلني بما أشعُر ؟ بأخطائي وما يصدُر وما آتيك بالكلماتِ عذرًا عندما أعثُر ! أتقبلني بما فيَّ؟ بدمعي فائض القطرات ضعفي عندما أخسر أتُمسك جيدًا بيدي وحيداً عندما أعبر؟.
