﷽
#الـهَـيْـمَـنـة
بِقَلمَي : مَيَار التَّمِيمِي
متابعة الحساب + التعليق بين الفقرات لطفاً 🤍
instagram : t_5ub
اجي تعبانَ
مــِن الناس
مــِن الحسبات البالي
وتلمني سوالفك وانسى
وتاخذني
بدفو عيونك
واختل جوة جفنك طيف
اليطب لأحلامك تونسه
فـنـار
فزيت الصبح على طبعة بوسة على خدي فتحت عيوُني جَـان صهيب يـمـي أبتسمت وكتله :- صـبــاح الـخـيـر
صـهـيـب : صـبــاح العسل
- شعندك هـنــا
صـهـيـب : انتظرج نتريك
- متبطل هــاي عادتك بلا متت ٲنـي شلــون تتريك ويـَاي بـعـد ؟
مـن حجيتها جانت نيتي شقة خزرني وكال
- يــعــني تتقصدين تضوجيني ؟
فـنـار : لا واللّٰـه مــو هيَچ داتشاقة
- بـعـد اذا جبتي هالسيرة اهفج على حلگج
كمت وكفت يـمـة وحضنتة حيل همست
- شبيك صاير متتحمل شقة ، صاير متحبني
ضحك وعصرني بحضنة كال
- شلــون مــا احَبچ يالمصگوعة بــس لتضوجيني بهاي سوالفج
بسته بخدة واردفت
- صــار
ابتعدت عنه وعدلت الفراش وهو نزل ، غيرت ملابسي بعد مــا خطبني صهيب ملابسي صارت تراكات بالبيت وبدون حجاب لان مــاكو غريب ابسل ومهيمن اخواني والكبار عمامي بــس الفتره الي اجو بيهــا بيت عمه سهاد رجعت البس دشداشة وحجاب لان دثار بأي وقت يجي وعيب منه
غسلت ونزلت كلعاده كاعد ومنتضرني بالمطبخ سويت ريوك وكعدنه نتريك ولان الـيوم جمعه فَــ مــا يرحون للشغل بـعـد مــا خلصنه اكل كعدنه بالصاله يم عمه سهاد وبيبي مر الوقت بين شقه صهيب وأبسل وبين الضحك والسوالف
كمنة للمطبخ ٲنـي وميس نسوي الغدة چـَنت مندمجة اسولف وياها ونخطط على العرس خليت الجدرية على الطباخ وفتحت الغاز ورحت فتحت الطباخ من العين بدون مــا اشعل النار بيهــا اكبر غلط انو ٲنـي فهيت ونسيتها اخذتني السوالف لحد مــا اتذكرت ٲنـي مــا شاعله النار جوة الجدرية رحت داشعلها ولحظات بــس
مــا احس ألــه صار صوت مثل صوت الانفجار والنار گبت بوجهي مـن حلاة روُحـي غطيت وجهي بأيدي ووگعت اخر شــي سمعته صريخ ميس وصهيب وفقدت الوعي تماماً .
YOU ARE READING
الـهَـيْـمَـنـة
Romanceأتقبلني بما أشعُر ؟ بأخطائي وما يصدُر وما آتيك بالكلماتِ عذرًا عندما أعثُر ! أتقبلني بما فيَّ؟ بدمعي فائض القطرات ضعفي عندما أخسر أتُمسك جيدًا بيدي وحيداً عندما أعبر؟.
