"အဲလိုပဲငြိမ်ခံနေတာလားအမြဲတမ်း......ဟမ်
ဆရာမကိုသွားမတိုင်ဘူးလား"
အိမ်ပြန်ရောက်ရောက်ချင်းမျက်မှောင်ကြီးကျုံ့ပြီး လေသံမာမာနဲ့မေးလာသူကိုကြည့်ကာ Fourth ဝမ်းနည်းသွားသည်
Fourth မှာဖြင့်နေ့တိုင်းသတိရနေတဲ့ဟာကို....
ခေါင်းကိုပွတ်သပ်ပေးလာမယ့် လက်ဖဝါးကျယ်ကျယ်တွေ......
ရယ်သံဩဩတွေ.....
Fourth ဘာပဲလုပ်လုပ်ခပ်ပြုံးပြုံးနဲ့စိုက်ကြည့်နေတတ်တဲ့ မျက်ဝန်းညိုညိုတွေ......
နူးညံ့စွာစကားဆိုတတ်တဲ့ အသံချိုချိုတွေ....
ဆယ်ရက်လုံးလုံး Fourth အရမ်းသတိရနေခဲ့တာ.....
ကျောင်းကပြန်ရောက်တာနဲ့ ရေမိုးချိုးပြီး ပြန်အလာကိုစောင့်နေမယ်
ပြီးရင် ဖေဖေ့ကိုကြိုသလိုမျိုး စီးကြိုပွေ့ဖက်မယ်
စကားတွေအများကြီးပြောပြီးအတူတူရယ်မောကြမယ်လို့စဉ်းစားထားလိုက်ပေမယ့်
မျှော်လင့်ထားတာနဲ့ တခြားစီဖြစ်လာတဲ့အခြေအနေကြောင့် Fourth အလွန်ဝမ်းနည်းသွားရလေသည်....
လက်ချောင်းလေးတွေကိုအပြန်အလှန်ဆိတ်စွနေရင်း ဘာစကားမှမဆိုပဲခေါင်းငုံ့ထားလိုက်မိသည်....
စိတ်ထဲမှာ လုံးဝနေလို့မကောင်းတော့.....
"ကိုယ်မေးနေတယ်လေ
အဲ့ကလေးတွေက Fourth ကိုအမြဲတမ်းဒီလိုပြောနေကြလား
အဲ့ဒါကိုဘာကြောင့်ငြိမ်ခံနေသလဲ လူကြီးတွေကိုပြောပြရမှာပေါ့ Fourth"
ခေါင်းယမ်းကာအဖြေပေးလိုက်တော့ မေးဖျားကိုပင့်ကိုင်လာသည်မို့ Fourth ဆတ်ခနဲရုန်းကာ မျက်နှာလွဲလိုက်မိသည်.....
မျက်နှာချင်းဆိုင်ရင်ငိုမိမှာစိုးလို့.....
ကလေးဆိုပေမယ့် ကိစ္စသေးသေးလေးအတွက်နဲ့ Fourth မျက်ရည်မလွယ်ချင်ပါ......
"Fourth"
"-----"
"ဟင်း.....ဒီဘက်လှည့်ပါအုံး
ကိုယ့်မှာ ကလေးကိုတွေ့ချင်လွန်းလိုအိမ်တောင်အရင်မပြန်ပဲအလုပ်ထဲကနေတခါထဲတန်းလာခဲ့တာ
အဲ့လိုစိတ်မကောက်ရဘူးလေ"
စိတ်မကောက်ရပါဘူး
စိတ်မကောင်းဖြစ်တာ......
နှာခေါင်းတွေမွှန်ပြီး မျက်ရည်တွေဝေ့တက်လာတာကြောင့် Fourth အသက်ရှူအောင့်ပြီး အောက်နှုတ်ခမ်းကိုအတင်းဖိကိုက်ထားမိသည်.....
YOU ARE READING
Daddy (Completed)
General Fiction"ကိုယ်ကစစ်သားမို့လို့စစ်သားစကားပဲပြောမယ် မင်းကိုယ့်ကိုချစ်သည်ဖြစ်စေမုန်းသည်ဖြစ်စေကိုယ်တော့ မင်းကိုတစ်သက်လုံး နှစ်ဆယ့်လေးနာရီ duty on ပြီးကာကွယ်စောင့်ရှောက်နေမှာ မင်းက Daddy ရဲ့ ထာဝရ VVIP ပဲကလေးလေး" #Gemini "Daddy is everything Everything is Daddy" ...
