《အချပ်ပို ( ၁ ) : မျှော်လင့်ချက်လမ်းတစ်လျှောက် ( ၅ )》
Warning : Mature Contents and dirty words
Read at your own risk or skip this chapter
သူ့အဖျားက မပြင်းထန်သလို ပုံမှန် လှုပ်ရှားမှုတွေမှာ ဘာမှ ပြဿနာရှိသော်လည်း သူ့စိတ်တွင်တော့ အနည်းငယ်မူးဝေနေစမြဲ။ ရေပူစမ်းထဲမှာ ခဏလောက် စိမ်ပြီးသွားသည်နှင့် ချွေးတရွှဲရွှဲဖြစ်လာကာ ပူပြီး စိတ်မသာမယာဖြစ်လာတော့သည်။သူ ထရပ်၍ အပြင်တော့မည်အပြု ၊ ရုတ်တရက် တံခါးခေါက်သံတစ်ချက်ပေါ်လာသည်။
" ဘယ်သူလဲ ? "
" ကျွန်တော်ပါ " ကြည်လင်နေသောအသံလေးက ဆိုလာ၏။
" ဝင်ခဲ့လေ ပေါင်ပေ့အာ "
ရှရှီးအိုက်က တံခါးဖွင့်၍ ရေပူစမ်းထံလျှောက်လာခဲ့သည်။ ကျန်းလျိုရှန်း မျက်လုံးပင့်ကြည့်လိုက်လျှင် သူက နေဗီပြာရောင် စင်းကျားပါ Bathrobe ကို ဝတ်ထားသည်အား မြင်လိုက်ရပြီး ယင်းကပင် သူ့အသားအရေကို အလွန်တရာ ဖြူဖွေးသွားစေသည်။ ယခုမှ ရေချိူးပြီးခဲ့သည့်အလား သူ၏ ဆံပင်တို့မှာ စိုစိစိဖြစ်နေဆဲဖြစ်ပြီး ပါးမို့တွေရဲလျက် မျက်လုံးထဲတွင်လည်း ရေခိုးတချို့ရှိနေသေးသည်။
အရင်ကဆိုပါလျှင် သူ ရှရှီးအိုက်ကို ဤသို့မြင်ပါက သေချာပေါက် အခွင့်ကောင်းယူလိမ့်မည်ဖြစ်သော်လည်း ယနေ့တွင်တော့ သူဖျားနေပြီး အနားကပ်မရသည့်အတွက် နှုတ်ဖြင့်သာ ကျီစယ်နိုင်ခဲ့၏ :
" ညလယ်ကြီးမှာ ကိုယ့်ရည်းစားအခန်းထဲ ဝင်လာတာက အန္တရာယ်များတယ်နော် မင်းသိရဲ့လား ? "
ရှရှီးအိုက်က အဖြေမပေးလာ။ သူက ခြေလှမ်းတချို့နှင့််ကပ်လာကာ ရေပူစမ်းကန်၏ လမ်းတစ်ဝက်မှာ ထိုင်ချလိုက်ပြီးမေးသည် : " ခင်ဗျား...နေလို့ပိုကောင်းလာပြီလား ? "
" ရေပူစမ်းခဏစိမ်ပြီး ချွေးထွက်သွားတော့ အများကြီး ပိုကောင်းလာပါပြီ။ " ကျန်းလျိူရှန်းက လှည့်၍ ကန်အစွန်းမှာလှဲချလိုက်ပြီး မျက်စိတစ်ဖက်မှိတ်ပြလာသည် : " တစ်ကိုယ်လုံးပူလာအောင် တခြားတစ်ခုခု လုပ်လို့ရမယ်ဆို အမြန်ဆုံးပိုကောင်းလာမယ်ထင်တယ် "
YOU ARE READING
သီးသန့်အချစ် || ဘာသာပြန် ||『 Completed』
Romance" ကိုယ့်မိသားစုက ကိုယ့်ကို အဲ့လိုအကြိမ်ပေါင်းများစွာ ပြောခဲ့ပေမယ့် ကိုယ်က အပြစ်ရှိစိတ်နဲ့နောင်တတွေကို ခံစားရတုန်းပဲ။ အဲ့ဒါက--- မင်းနဲ့ မတွေ့ခင်အထိ "