أصل .

17

-

5:40 مساءاً

قام من سدحته جالس و صرخ : صحيييت صحيييييت

صوت امه من تحت : قوم يلا

تأفأف و هو يفرك عيونه بنعاس

فتح الباب و طل منه : وش فيك تصارخ ؟؟

جود ناظره بعينه الناعسه : الواحد ما يقدر ينام طبيعي بهالبيت ؟؟

اصيل : وانت شايف ان نومك هالكثر طبيعي ؟؟

جود : نعسان وش اسوي ؟؟

اصيل : تقوم تتمشى تاكل تطلع مع اخوياك تجلس مع امك و ابوك ذا مو نعاس ذا كسل

جود : بتصير نفس امي الحين ؟؟

فتح الباب على وسعه و دخل جلس مقابله على السرير : وبعدين وراك مو طالع عند بيت عمتي نفس العاده ؟؟

جود : بروح لهم بالليل انام عندهم عشان الويكند

اصيل : الا بسألك مالك باقي يجلس معاكم بهالجلسه ؟؟

جود : اكييد كلنا مع بعض

جود ناظره لما شافه هز راسه : اصيل انت جد تحبه ؟؟

اصيل : وانت ليش تسأل ؟؟

جود : مدري بس طول ذي السنين ما حسيتك تحبه حتى وانت تسأل عنه

اصيل : تراني حاط ببالي ان مالك بيرفضني و يذبحني بعد مو بس رفض ف متأقلم

جود : يعني عادي عندك لو رفضك ؟؟

اصيل لوى فمه يفكر : مدري ...

: انت هنا ؟؟

دخل عليهم ملتفتين له

اصيل : ايي

اصف الي شايل كاستين شاي مد لأصيل وحده : خذ

جود : والله اني اخاف منكم لا تجتمعوا

اصيل : ليش بالله ؟

جود : احسكم بتذبحوني

اصف : ما تسوى اضيع حياتي عشانك

اصيل : انت حدك خمسه ريال اضيعهم عليك و اتحسف بعدها

جود قلب عيونه : انتوا امي غلطت ما جابتكم توأم باقي بس الشكل تتشابهون فيه