အပိုင်း ( 1847 )
"လူသားအင်မော်တယ် ဒုတိယအဆင့်လား"
ချူးယွန်ရဲ့ မျက်လုံးတွေက အနည်းငယ် ကျဉ်းမြောင်းသွားပါတယ်။ နယ်ပယ်အသစ်တွေရဲ့ သတ်မှတ်ပုံကို သူမသိသေးဘူး။
"နယ်ပယ်တွေက လူသားအင်မော်တယ်၊ မြေကမ္ဘာအင်မော်တယ်၊ ကောင်းကင်အင်မော်တယ်လို့ ရှိပြီး နယ်ပယ်တစ်ခုစီမှာ အဆင့်ကိုးခု ရှိတယ်။ ဒါပေါ့၊ နောက်မှာ အခြားနယ်ပယ်တွေလည်း ရှိသေးတယ်။ ဒါပေမဲ့ ငါတို့အဆင့်နဲ့ အများကြီးသိထားရင်တောင် အသုံးမဝင်ဘူး"
လူငယ်က ချူးယွန်ကို အသေးစိတ်ရှင်းပြလိုက်ပါတယ်။
"ငါ့နာမည်က မောက်မင်ပါ၊ မင်း စိတ်မရှိရင် ငါ့ကို အစ်ကိုမောက်လို့ ခေါ်နိုင်တယ်"
"အစ်ကိုမောက်၊ ငါ နားမလည်တာတစ်ခု ရှိနေတုန်းပဲ"
ချူးယွန်က အနည်းငယ်ပြုံးပြီး ပြောလိုက်တယ်။
"ကြယ်ကောင်းကင်ကနေ အင်မော်တယ်နယ်မြေကြီးကိုတက်လာဖို့ ဒီလိုရင်ပြင်တောင်မှ ရှိတယ်ဆိုရင် စည်းမျဉ်းတွေနဲ့ ဘာဖြစ်လို့ ကန်သတ်ထားရတာလဲ"
မောက်မင်က ခါးသက်သက်နဲ့ ပြုံးလိုက်ပါတယ်။ သူက ခေါင်းကိုခါယမ်းပြီး ပြောလိုက်တယ်။
"အခု မင်းကလည်း အင်မော်တယ်ဖြစ်တာကြောင့် ငါတို့တွေ တန်းတူရည်တူ ပြောဆိုဆက်ဆံနိုင်ပါတယ်၊ ငါ မင်းဆီမှာ ဘာကိုမှ ဖုံးကွယ်မထားဘဲ ပြောနိုင်တယ်။ တကယ်တော့ အင်မော်တယ်ကမ္ဘာဆိုတာ အဆုံးမဲ့ ကြယ်ပြောတဲ့ ကမ္ဘာကြီးတစ်ခုပဲ။ ဒါက ဘယ်လောက်ထိ ကြီးမားတယ်ဆိုတာ ဘယ်သူမှ အတိအကျ မသိနိုင်ဘူး။ အတိုချုပ်ပြောရမယ်ဆိုရင် ဒီကမ္ဘာကြီးမှာ မြိုတွေ၊ တိုင်းပြည်တွေ၊ ဂိုဏ်းတွေ မရေမတွက်နိုင်အောင် ရှိတယ်၊ သူတို့တွေမှာ မှီတင်းနေထိုင်တဲ့ အင်မော်တယ်တွေကလည်း မရေမတွက်နိုင်အောင်ပါပဲ။ ဒီလောက်များပြားတဲ့ အင်မော်တယ်တွေ နေထိုင်ကြတဲ့နေရာမှာ မင်းလို အင်မော်တယ်အသစ်လေးတစ်ယောက်ကို တကူးတက လက်ခံပြီး လမ်းညွှန်ပြသမဲ့သူ ရှိနေမယ်လို့ ထင်လို့လား"
"ဒါဆိုရင် ဒါဆိုရင် အရင်းအမြစ်အတွက်လား"
ချူးယွန်က ရေရွတ်လိုက်ပြီးနောက် မောက်မင်ကိုကြည့်ကာ ပြောလိုက်တယ်။
"ဒါပေမဲ့ အင်မော်တယ်တွေက ကြယ်ကောင်းကင်ကြီးကို တိရစ္ဆာန်မွေးမြူဖို့ လှောင်အိမ်တစ်ခုအနေနဲ့ မမှတ်ထားဘူးလား။ သူတို့ကိုယ်သူတို့ တိုးတက်အောင်လုပ်ဖို့ ခွန်အားယူတာမျိုးပေါ့"
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၅ Uni & Zawgyi ေကာင္းကင္စစ္ဝိညာဥ္ အတြဲ-၅
Adventureအပိုင်း ၁၇၇၄ မှ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွားခ...
