ကျောက်စိမ်းတောင်ဂိုဏ်းက လျန်ကျောင့်မှာလည်း တပည့်တစ်ယောက်ဖြစ်ပြီး ငယ်ရွယ်သော်လည်း သူက သူတို့ကို အတော်လေးရှက်နေလေသည်။ ကုရွှမ်းယန်က သူ့ဂိုဏ်းနာမည်ကို ပြောပြီးသည်နှင့် သူ့(လျန်ကျောင့်) မျက်လုံးများတောက်ပလာကာ " ဒါဆို မင်းက ကုရွှမ်းယန်ဖြစ်ရမယ်။ "
သူ့အပြုအမူကို ရှက်ရွံ့သွားပြီး စတင်၍ ရှင်းပြလာသည်။ " အသက်၁၈ နှစ်အရွယ်မှာ ရွှေအမြုတေအဆင့်ကို ဝင်ရောက်နိုင်ခဲ့တဲ့
အစိမ်းရောင်တောင်ထွဍ်ဂိုဏ်းက ကျွမ်းကျင်တဲ့ တပည့်ခေါင်းဆောင် ကုရွှမ်းယန်အကြောင်းကို ငါကြားဖူးတယ်။ ငါနောက်ဆုံးတော့ သူ့ကို လူချင်းတွေ့နိုင်မဲ့ အခွင့်အရေးကို ဒီနေ့ရခဲ့ပြီ။"
ကုရွှမ်းယန်က နှိမ့်နှိမ့်ချချဖြင့် တုံ့ပြန်လာသည်။" ကျေးဇူးတင်ပါတယ်။ ဒါပေမဲ့ အဲ့ဒါက ချဲ့ကားပြောကြတာပါ။ ကျောက်စိမ်းတောင်ဂိုဏ်းက မရေမတွက်နိုင်အောင်များတဲ့ ပင်ကိုစွမ်းရည်တွေကြောင့် ကျော်ကြားတယ်။ မျှော်လင့်ထားသလိုပဲ တွေ့လိုက်ရတော့ ယုံသွားပါပြီ။ "
ကျုံးယန်သည် ဘေးတွင်ရပ်ကာ ကြွက်တစ်ကောင်လို တိတ်ဆိတ်နေလေသည်။ သူ့နှလုံးသားထဲတွင်တော့ တတွတ်တွတ်ညည်းနေမိသည်။ ' wow! ကျင့်ကြံသူတွေက အရမ်းအတုအယောင်ဆန်တာပဲ။' ရုတ်တရပ် အနည်းငယ် အသက်ကြီးသော အသံတစ်ခုက တစ်ဖက်မှထွက်လာခဲ့သည်။ " ဒီပြဿနာကောင်တွေက ဘာလဲ။"
သူတို့ သုံးယောက်လုံးတစ်ပြိုင်တည်း သူတို့ခေါင်းတွေကို လှည့်ကြည့်မိသည်။ လျန်ကျောင့်ဘေးအခန်းတံခါးက ပွင့်လာပြီး မုတ်ဆိတ်ဖြူလူကြီးတစ်ယောက် ထွက်လာသည်။ စိတ်ပျက်နေသောအကြည့်နှင့် သူကအော်လာပြန်သည်။ "ဒီပြဿနာကောင်တွေက ဘာဖြစ်နေတာလဲ။"
သူတို့ သုံးယောက်မှာ စကားပြောနေသော်လည်းသူတို့၏အသံကို တိုးထားကာ အော်နေတာမျိုးမရှိပေ။ လျန်ကျောင့်က အလျင်အမြန် ခါးကိုင်းကာ နှုတ်ဆက်လိုက်သည်။"အကြီးအကဲ ချန်း"
သူဘယ်သူဆိုတာ ကျုံးယန်ချက်ချင်းသိလိုက်သည်။ လျန်ကျောင့်က သူတို့ကို မိတ်ဆက်ပေးလာသည်။ " ဒါက ဆေးဝါးတိမ်တိုက်ဂိုဏ်းက အကြီးအကဲ ချန်းချင်ပါ။ သူတို့က အစိမ်းရောင်တောင်ထွဍ်ဂိုဏ်းက ညီလေး ကုရွှမ်းယန်နဲ့ ညီလေး ချင်မင်ရှီပါ။"
YOU ARE READING
My Junior Still Hasn't Killed Me
Historical Fictionအသက်၂၀ အရွယ် ကျုံးယန်သည် ဝတ္ထုထဲသို့ ကူးပြောင်းလာခဲ့သည်။ ထို့နောက် သူသည် ဗီလိန်ကို မှန်ကန်သောလမ်းသို့ ပို့ဆောင်ရန် mission ရရှိခဲ့သည်။ သူကမ္ဘာပေါ်သို့ ခြေချမိသည်နှင့် သူသည် ဗီလိန်က တစ်စုံတစ်ယောက်ကို သတ်ဖြတ်ခြင်းဖြစ်စဉ်တွင် မျက်မြင်သက်သေဖြစ်လာခဲ့သည်...
