Unicode
ကန်ရေပြင်ကိုဖြတ်ကာ တိုက်ခတ်လာတဲ့လေညင်းဟာ မသာယာနိုင်ခဲ့ ...
ပတ်ဝန်းကျင်တစ်ခုလုံးတွင် ရံဖန်ရံခါကြားရတတ်သော ကျေးငှက်အော်သံများနှင့်လေတိုးသံမှအပ တိတ်ဆိတ်နေခဲ့သည်။ သို့ရာတွင် ကိုကို့လက်က လက်ပတ်နာရီထံမှ တစ်ချက်ချက်မြည်သံက သူ့အားခြောက်လှန့်နေခဲ့တယ်။
သက်ပြင်းတစ်ချက်ချသံ ကိုကို့ဆီမှထွက်ပေါ်လာသည်။
အတန်ကြာတိတ်ဆိတ်နေရာမှ စတင်လာခဲ့သော လှုပ်ရှားမှုတစ်ခုဖြစ်သဖြင့် သူ စိုးရိမ်တကြီးမော့ကြည့်လိုက်မိ၏။
သည်လူသားကို ချစ်လိုက်ရတာ ... မြတ်နိုးလိုက်ရတာဆိုတာ မည်သူမျှသိမည်မထင်ပါ ။ ကိုကိုကရော သိနိုင်ပါမည်တဲ့လားလေ ... ။ မသိလိုက်မသိဘာသာ အနားမှာနေရင်းကနေ တိုးပွားလာတဲ့ချစ်ခြင်းတရားတွေက ကျွန်တော့်စိတ်ကို အရိုင်းဆန်စေခဲ့သည်။
ဘယ်တုန်းကမှ မလွန်ဆန်ခဲ့ဖူးသော ကိုကို့စကားတွေကိုပင် ဆန့်ကျင်ပြီး တဇွတ်ထိုးလုပ်ရပ်တွေ ဖန်တီးခဲ့မိပြီ။
"မင်း ... သိပ်ကြောက်ဖို့ကောင်းတယ် ရမ်နွန် ... "
ဒုတိယအကြိမ်မြောက်ကြားခဲ့ရသည့်အကြောင်းအရာဖြစ်လို့ များစွာမတုန်လှုပ်မိ ။ ဒီစကားကိုပြောတာဟာ ယခုအခါနှင့်ဆို ဒုတိယအကြိမ်မြောက် ...
ကျွန်တော်တိတ်ဆိတ်နေခဲ့မိတယ် ။ အမှန်ပဲလေ ... ကိုကို့စကားတွေမှာ မှားယွင်းခြင်းစိုးစိမျှမပါ ...
"မဖြစ်နိုင်တဲ့အရာတွေကို တွေးပြီးပူလောင်ခံမယ့်အစား အရင်လို ဖြူစင်တဲ့ရမ်နွန်အဖြစ်နဲ့ အကို့အနားမှာဆက်နေပေးပါ့လား ။ အနူးညွတ်တောင်းဆိုတာပါ ... "
ကိုကို့စကားအဆုံးမှာ ကျွန်တော် ပြုံးလိုက်မိတယ် ။
သဘောကျရခြင်းအကြောင်းအရင်းတွေဟာ ဒါကြောင့်လည်းဖြစ်ပါလိမ့်မည်။ ကိုကိုဆိုသည်က ဘယ်သောအခါမှ ရန်လိုဒေါသဖြစ်ခြင်း အလျှင်းမရှိခဲ့တဲ့သူ ။ နူးညံ့လွန်းသူတစ်ယောက် ။ ကျွန်တော်အကြိမ်ကြိမ်မှားယွင်းနေခဲ့သည့်တိုင် လမ်းပြပေးချင်နေခဲ့သူ ။ ဆုံးမ,ချင်နေသူ ...
![](https://img.wattpad.com/cover/352387016-288-k871897.jpg)
CZYTASZ
Ram Non ( ရမ်နွန် )
General FictionShort Story မဖြစ်နိုင်မှန်းသိရက်နဲ့ မျက်စိမှိတ်ကာ ဇွတ်ရူးခဲ့တော့ အပူပြင်းဆုံးအရှိန်နဲ့ လောင်ကျွမ်းရပြီပေါ့ ... ********* Short Story မျဖစ္ႏိုင္မွန္းသိရက္နဲ႔ မ်က္စိမွိတ္ကာ ဇြတ္႐ူးခဲ့ေတာ့ အပူျပင္းဆုံးအ႐ွိန္နဲ႔ ေလာင္ကြၽမ္းရၿပီေပါ့ ... 16.9.2023