المهيار '' غوَائِلُ هَالِكة ''

- التهلكة السادسة -

#المهيار

-
عشت نشغة طفل ..
بگماطه طب دنبوس ..

امي شما تضب الحبل تاذيني
الكلادة ضهرها من الگلب محروك..
يجويها وترد الفضه تجويني.

سيد محمود البعاج 🤍.
-

             𐮛𐮛𐮛𐮛𐮛𐮛𐮛𐮛𐮛𐮛𐮛𐮛𐮛𐮛𐮛𐮛𐮛

مهى

شكَــد جنت خايفه افقدها وبعد مــا اشوفها خاصتاً راح يصيرلها شهر وهيه على هاي الحاله فاقده بس نبض ..
اخذوها للمستشفى نوموها ٣ ايام احمد وامي وماكو كالولهم هاي غيبوبة ويمكن تطول سنين لان عدت الاسبوع وراح يعدي شهر قبل الشهر اذا مــا كعدت خلص تموت ارحملها ..

امي تخبلت من سمعت هيج واحمد ضل مصدوم بيومها نحاجي ميجاوبنه ماعرف شسصارله ، صفا شفتها ماكو ولايمها عبالك ارتاحت ضليت ﻼ اخذ ولا انطي من شفتها سمعت بالخبر واخذت باهرة وصعدت ولايمها حتى احمد مــا بقت يمه ، بيومها لبست تنوره وقميص وجنطه ونزلتلنه طك بكعبها وجانت باهرة وياها محد اله خلكها ومحد اصلا حجه وياها حتى امي كل ماتطلع جانت تسويلها تحقيق بس هلمره عافتها بحالها ..... احمد مــا اتدخل اشرتله رايحه هزلها راسه وراحت ..

بس طلعت دخلت الغرفة امي وشفت زهورتي كمت احاجيها واعتب عليها بقه خمس ايام وتصير شهر وهيه فاقده ..
عدلت الها الكانونه وبست ايدها وطلعت سديت الباب ..

بس طلعت شفت سهاد كبالي مشافتني هيه بس تأشر المصطفى ومصطفى يهز براسه بمعنى لاا ،بقيت واكفه اريد اشوف شنو وراها دوم هيه هيج متوتره ومخليه اخويه بس يصفن مرات اشوفه يريد يحجي شي بس يتراجع وخاصتاً ويا احمد ماعرف ويـن يريدون يوصلون...

اخر شي سحبت ايد سهاد هيه نصدمت من شافتني وصعدتها الغرفتها وسديت الباب ضلت واكفه تباوع عليه وتحجي مستغربه ..
- شكو شبيج مهى ؟

جاوبت اسحب لسانها شكَــد ماكدر اليوم لو انـي لو همه اريد اعرف شبيهم ؟؟

- انتِ شبيج اخويه شبي ؟؟ ليـش هيج صارلكم فتره مو على بعضكم احجيلي شكو ؟

جاوبتني تبعد عينها عني وتعدل بشالها ..
- هاي شنو واني عبالي ماعرف شكو خوفتيني ، قابل شكو مابينه شي بس هوه شغله مو تمام ويفكر بيه وتعبان من ورا  دوم واني هم تعبانه على تعبه  ...

جريت ايدها من الشال حيل وحجيت بغضب مصطنع حتى تخاف وتحجي ..
- سهاد تحجين لو والله العظيم اوصلها الامي وتعرفين عمتج متعوفكم بحالكم هيه هاي الفتره ممهتمه الكم حايره بسبب زاهرة بس والله انبهها عليكم متخلصون ترا !!