المهيار '' غوَائِلُ هَالِكة ''

- التهلكة الثامنة -

#المهيار
-

رَأيتُها عَذبة العَينين بَاهِرةً
‏تَلُوحُ مِن وَجنتيها حمرةُ الشفقِ
‏أهلًا بِوجهكِ لاحُجِبتَ عَن ناظرِي
‏يَافِتنة القلبِ بَل يانُزهة البَصر .

-

🝮🝮🝮🝮🝮🝮🝮🝮🝮

مهى

بقينه على هذا الحال شهر ثاني ومحمد مــا عافهم بحالهم ابد كل فتره يروح الكربلاء ومانعرف شنو كاعد يخططله ، وشديسوي هناك ؟؟ المشكله الجان محيرنه من يرجع من كربلاء وجهه مليان كدمات ، جانت شيماء كل يوم مسويتلها زعله وتاخذ ولدها وتروح الاهلها من ورا سفراته ...

عباله متزوج ويروح هناك يخونها بس ! السببب جان واضح بالنسبه الي ... باهره السبب ادري بي يروح يشوفه ويحاول يرجعها بكل طريقه جانت ....

اخر فتره صار دوم يكعد يمي ويفضفضلي اسمعله ... عنده همين ... هم باهره بصفحه وهم ابوها بصفحه ثانيه ...

شيماء مــا جانت تحس بي الشك خبلها ....

اخر سفره اله الكربلاء من رجع منها ... جانت الدنيا ليل واحنه كاعدين كلنا ملتمين ... شيماء جانت موجوده ومنتضرته على احر من الجمر ... سهاد ومصطفى كاعدين يمنه هم وامي بقت يم زاهرة بالغرفه ....

دخللنه بجنطته كمت ارحب بي ... قبل ﻼ اكوم شفت شيماء تباوع عليه والدمعه بعينها .. اخر عركه الهم جانت قبل ﻼ يروح ، اخذت الجنطه من عنده وحضنته ربت على ضهري .. بس حسيته من حضني الثكل كله صار على صدري حسيته خاوي ... اخويه مو على بعضه ڪلش ..

سلموا عليه ڪلهم حتى مرته وراح الغرفته جانت كبال غرفتنه انـي وامي .... دخل وراحت ورا شيماء من بعد مــا اخذت الجنطه من عندي ...

علامات الاستغراب مبينه على وجوهنه انـي ومصطفى وسهاد ... حجه مصطفى وايده على شواربه ..

- محمد مو على بعضه !

وافقته الكلام واني اكول ...
- من حضني عبالك يريد يشاركني الثكل العنده مبين مهموم وصايرله شي بهاي سفرته !!

مسح على شعره متوتر عفتهم ورحت الغرفه امي لان الوقت تأخر حيل وانه النعاس موتني ...

نمت من بعد سوالف لاتنتهي ويا زهورتي ...

فزيت ثاني يوم اسمع حجيهم العالي وصوت عبالك يتعاركون .. بسرعه كمت من فراشي اعدل بشعري وافتح الباب اشوف شبيهم يصيحون وصوتهم راج البيت رج ...

شفت امي كاعد ومخليه ايدها على عيونها وتبجي ... مصطفى ومحمد يتعاركون واحد يصيح على ثاني والبقيه كاعدين .... رحت بسرعه السهاد لان كلشي مامفتهمتت ..