المهيار '' غوَائِلُ هَالِكة ''

- التهلكة العاشرة -

#المهيار

-

يا باخلاً بالوصل أنت قتلتني
واصلتني حتى ملكت حشاشتي
ورجعت من بعد الوصال هجرتني
لما ملكت قياد سري بالهوى
وعلمت أني عاشق لك خنتني
ولأقعدن على الطريق فاشتكي
في زي مظلوم وأنت ظلمتني
ولأشكينك عند سلطان الهوى
ليعذبنك مثل ما عذبتني
ولأدعين عليك في جنح الدجى
فعساك تبلى مثل ما أبليتني

-

🝮🝮🝮🝮🝮🝮🝮🝮🝮

زاهرة

اتصلوا عليها جاوبت وحسيتها نكلبت ملامحها ووضعها اتخربط وباوعت عليه بنظره مستحيل انساها ارتبكت حيل وكعدت عدل انتظرها تحجي شي ....

سدت الاتصال ورفعت راسها ضحكت بوجهي وحجت بهدوء ..

- يلا كومي حبيبتي اكعدي بغرفتج كملوها ..

استغربت وحجيت ارد على كلامها ...

- يا غرفه خاله رحمه الله والديج تعبتج وياي وهل شوفيني صرت احسن اريد ارجع الشقتي عندي هواي شغلات ماريد اتعطل ومابقى للشهرين راح يخلصن ..

كامت اجت يمي تساعدني اكوم وصدك لزمت ايدها لان بعدها الصخونه ماخذه من حيلي وماخلتني احجي بعد كلمه جرتني جر وغصبن عليه ماحجيت شي ثاني لان صدك ماعندي طاقه بعد ... دخلنه للبيت كله مرمر بيجي واضائه عبالك نور الكون كله بي وريحته بخور ونضافه ...

والعاملات يفترن بي والجهال عبالك روضه مو بيت شفتهم ڪلهم مــا منطيني اهتمام كملو لعبهم ناس تاكل ناس تلعب ناس تتفرج على التلفزيون والعرفته من كلامي وياها ...

هيه معلمتهم إي ضيف ماتعرفه عليهم ميباعون عليه ولا يتدخلون ولا يسئلون ويصيرون فضولين وفتهمتها متريد يخلوني انسطر لان اذا سمحتلهم راح يـصيـر انقلاب مال اسئله ولازم اجاوب واني مريضه ....

جان الداخلي مال بيت داير مدايره غرفه والمطبخ بالبدايه هوه والاستقبال غرف هواي والعرفته هم كل طفلين الهم غرفه خاصه وهمه عددهم مو ذاك العدد يجي بالعشر اطفال... وكل غرفه بيها رقم عبالك فندق حرفيا ...