ဒီနေ့မနက် ဝိုင်းမျက်နှာသစ်ပြီး ဘုရားဝတ်ပြုနေ၏၊ ဒွေးလေးကတော့ ခုံပေါ်မှာထိုင်၍ ပုတီးစိတ်နေလျှက်
"ဝိုင်းရေ!! ဝိုင်း"
အိမ်ရှေ့မှ ဇီဇဝါခေါ်သံကြားသဖြင့် ဦးသုံးကြိမ်အမြန်ချကာ အိမ်အောက်ထပ်သို့ ဆင်းလာ၏
"ဇီဇဝါ အစောကြီးရောက်လာပါလား လက်ထဲက ဘာတွေလဲ"
"နင်တို့စားဖို့ ဆီထမင်းပူပူလေး လာပို့တာ"
"အတော်ပဲ ကျုပ်ဗိုက်ဆာနေတာနဲ့"ဟုပြော၍ ဆီထမင်းတစ်ဆုတ်ဆုတ်ကာ ယူစားလိုက်၏
"ဟက် ဝိုင်း လူကြီးတွေတောင်မစားရသေးပဲ နင်ကဦးဦးဖျားဖျား နှိုက်စားနေပြန်ပြီ"
နှစ်ယောက်သားပြောရင်းဆိုရင်း စားပွဲခုံမှာဝင်ထိုင်၍ ရေနွေးကြမ်းငှဲ့သောက်နေ၏
"ဒေါ်လေးရော ဘယ်သွားလဲ"
ဝိုင်း မီးဖိုးချောင်ကိုလှည့်ကြည့်ပြီး
"ဒီနေ့ဘာစိတ်ကူးပေါက်လို့လဲမသိဘူး ကိုယ်တိုင်ချက်ပြုတ်နေတယ်"ဟု တိုးတိုးပြော၏
"ကျုပ်အကိုရော မနိုးသေးဘူးလား"
"နင့်အကိုက အိပ်နေတာကိုသိုးလို့ ငါခေါင်းကို နှစ်ချက်လောက် ထုခဲ့တာတောင် သိတာ မဟုတ်ဘူး"
"ဘယ်သူ့ ခေါင်းကို နှစ်ချက်လောက် ထုခဲ့တာလဲ ဝိုင်း"
အိမ်ပေါ်ထပ်မှဆင်းလာသော ဝန်းရံ၏ မေးခွန်းကြောင့် ဝိုင်း သူခိုးလူမိသလိုဖြစ်နေသည်။
"အကိုအိပ်နေတုန်း အကို့ခေါင်းကို နှစ်ချက်ထုခဲ့တာတဲ့ ဟုတ်တယ်မလားဝိုင်း"
ဝိုင်း ဇီဇဝါအား လက်သီးရွယ်ပြ၍ အံ့ကြိတ်ပြ၏
"ဟက် ဇီဇဝါ ဘာတွေလျှောက်ပြောနေတာလဲ ကျုပ်ပြောတာ အိမ်မှာငါးဟင်းချက်မလို့ ငါးကရှင်နေသေးလို့ နှစ်ချက်လောက် ထုရဦးမယ်ပြောတာ"
ဝန်းရံ ဝိုင်းအနား ဝင်ထိုင်၍
"ဇီဇဝါပြောသလို အကို့ခေါင်းကိုထုတာ လက်ပူးလက်ကြပ်မိလို့ကတော့ မလွယ်ဘူးမှတ်"
ဝိုင်းမကြားချင်ယောင်ဆောင်၍ ရေနွေးကြမ်းကိုအာရုံစိုက်သောက်နေ၏
YOU ARE READING
တောပန်းလေးရဲ့လွမ်းပုံပြင်(Complete)
Romance"ကျုပ်ကြားဖူးတာ ဝါးပင်တွေက တစ်သက်မှာတစ်ခါပဲ အပွင့်ပွင့်၊အသီးသီးကြပြီးသေဆုံးသွားကြတယ်၊ ကျုပ်နှလုံးသား ကလဲ တစ်သက်မှာတစ်ခါပဲ ချစ်ချင်တယ် အဲ့လူရင်ခွင်ထဲမှာပဲ သေဆုံးသွားချင်တယ်"