عودة_للأنتقام

15

#عودة_للأنتقام 15
(غسـق) Misho mohammed
•
•
•
•
•
•
•
•
•
تعليقات الحلقة لفاتت تجنننننن 🫂😭
طلعو مع بعض
سهى تشوفله وهي تمشي وراه ف داخلها: مش صاحي هدا ندفع عمري لو كان انسان طبيعي
وطلعوو
وصلو لسيارة وطبعا ديجور رافع السيارة ع العمياني يعني لاشاف الصندوق لاشي
وصلو قدام صندوق السيارة
ديجور مبتسم: واخيرا بنرتاح من وجهك
سهى ابتسمت ابتسامه صفراء: شعور متبادل صدقني
ديجور: 1.2.3.. وفتح الصندوق وهني كانت الصدمه
سهى فنصت فيه حطت ايدها ع الصندوق الخلفي وشافتله: انت بتودرني اكيد مش حاتفتحه ف شرطى وف ناس هني وانت خاطفه ياذكي
ديجور سكت تواني: كيف بتشوفيه
سهى شافتله بشك: متعاطي انت طبيعي
ديجور: ✨طبيعي طبيعي ✨
سهى: استاذ يزيد شن رايك تقعمز شوية وتخلي الدم يوصل لمخك؟
ديجور سكت
سهى ساكته وتشوفله
ديجور: كل مانتعصب ويجي خاطري نرنك كف يوصلك للمركز لحبستيني فيه نذكر ان لقدامي بنت ونبلعها ونسكت
سهى: تفكر بصوت عالي انت؟(خبطت ع الصندوق) الخنزير لجايبه هدا تمشي تسلمه للمركز
ديجور: وحياة عينايا ماسواق عندك انا تبيه خوديه ماتبيشي خليه
سهى تعصبت: مش شوال بطاطا هو ناخده ومناخداش تمشي تسلمه توا (قامت صبعها بتهديد) خير نمشو مع بعض ونهدرزو ف المركز ع الزعتر والميراميه وحياة عينايا
ديجور شاف لدنيا جنبه
سهى تشوفله: مش صاحي انت بجدد
ديجور تعصب جبد شعره للخلف: انتي هدا جوك واخدتيني ماشي جاي تبيني انا نرفعه للمركز
سهى تعصبت عليه: نشده من ايده ونرفعه اناا؟
ديجور تنهد
سهى طلعت تلفونها: خليني نتصل انا بلمركز يجو ياخدوك وياخدوه
ديجور عقد حواجبه: انااا؟
سهى قامت حاجبها: من يقول ان انت لكنت خاطفه؟ من يقول انه انت مهدده؟ او انت... قاطعها
ديجور: موووسع بااالك فاضي لهدرجة انا؟
سهى تشوفله تواني: انت محصر ضربت شمس وحني ف نص الشتي؟ ارفعه للمركز ماتهبلنيش
ديجور كان بيركب ف السيارة
سهى حكت بين عيونه بتوتر: اي وشكرا
ديجور ضيق عيونه شافلها
سهى: ع نصيحتك ان نتكلم مع اختي بسبب كلامك تحسنت شوية وبدت تتنفس طبيعي
ديجور: طهورا.. وركب
سهى بعدت من وراى السيارة
ديجور شافلها من السيارة: اءء شن رايك تخففي مشي وجي ع المركز ف النهاية انتي بنت
سهى: مليكش دخل مش بنت خالتك انا.. وخشت

.
.

الساعه 5:32
كان شاهين ف الكورس يعطي
نفتح الباب وخشت نفس البنت لـ كل يوم لبسة وعطرها يخش قبلها
شاهين شافلها بنظرات مش عاجبه الوضع
رغد قعمزت وبدت اطلع ف مذكرتها والشيت
شاهين عدل نظارته وتنهد بهدوء: There is a small note
(عندي ملاحظه صغيرة)
رغد: Teacher, can we prepare the lesson?
(استاذ..ممكن تعاود الدرس؟)
شاهين: حني قربنا نكملو لو هامك الدرس كنتي جيتي ابكر
رغد سكتت
شاهين: قربنا نكملو بعد مايكملو نعاودلك
رغد هزت راسها
وكمل شرح لعند ماكمل حول نظاراته وقعمز
وبدو الموجودين كبار وصغار يطلعو
شاهين مقعمز يشوف ف هاتفه لو حد رن او ف رساله لعند نفجع بسبب صوت عالي نخبط قام عيونه شاف رغد حدفت شيتاتها ع الارض وطلعو صوت بسبب صدى القاعه
شاهين استفزاته حركاتها بس اكتفي يسكت عشانها كبيره مش محتاجه حد ينصحها وف طلبه قعدين يطلعو
حركاتها مفضوحه غايتها تلفت الانظار
شاهين خدي شيشة الميه شرب ووقف لبس نظراته: يلا رغد جاهزة؟
والطلبة قعدين يطلعو وف منهم يجمعو ف اغراضهم ببطيء وكل مره يطلع حد
صفا قعدت مقعمزه: عادي نحظر؟
شاهين شافلها مع انه ليه اكثر شهر يعطي ف الكورس بس اول مره ينتبهلها: اكيد
رغد قربت ف الكراسي الاماميه
وقعدو زوز طلبة بسسس
صفا ورغد
ملاحظه: اسمها صفا مش صفاء في فرق ف النطق صفى صفا مش صفااءء ركزو 🤌
وبدي شاهين ف بداية ال درس