عودة_للأنتقام

23

#عودة_للأنتقام 23
(غسـق) Misho mohammed
•
•
•
•
•
سهى: انت خايف نكون مش قد خدمتي؟ علاش رافض انا نكون المحاميه؟
ديجور بمواساه: بلعكس مش حانلقى حد احسن منك يساعدني ومش مجاملة ليك انا شفت فيك حاجات انتي مش ملاحظتيهم بس انا رافض نحطك عشان لو نحبست حايصير عليك تهجم من لكانو سبب حبستي وانتي مش ناقصه
سهى بـ اصرار: انا قدها
ديجور طلعت منه ابتسامه حس بخوفها  عليه: علاش مُصره انتي؟ شن سبب التعاطف والاصرار هدا
سهى: لاني خايفه تنحبس
ديجور مبتسم ابتسامه النصر لف وجها للحيط يخفي ف فرحته ورجع شافله: اي ولو نحبست شنو يعني بتوقف حياتك؟ مش مهم
سهى: مهم
اي شخص يحاول يتقرب مني ولو بطبطه و كلام محفز حايكون مهم عندي
فمابالك انت !!
انا انسانه مش انانيه ز باقي عيلتي انا عمري ماننسى شخص سبب وقفتي وكان سبب نجاح صغير ليا
وانا مشغوله توا عليك ز ماانت كنت تنشغل عليا وتجيني للمستشفى وتحاول تقابلني عشان تتاكد ان مصارلي شي عفكره كنت عارفه تصرفاتك هدا كله كان مش صدفه ونقولهالك بفم مليان انت كنت سبب ف حمايتي
انا قوية وقد كل شي بس بسبب وقفتك ف ظهري عيلتي بدت تخاف تحتك بيا بسببك ❤
ديجور ساكت
سهى: لو سمحت انا معاك حتى وانت غالط
ديجور توتر من جمال كلامها: احممم شوفي انتي مستصغره لصاير
انا واثق وشعوري مستحيل يخيب بما ان ف شخص عارف كل شي عليا بشكل هدا واضح ان انا المره هادي الحظ مش حايكون جنبي وانا عارف ان نهايتي حانكون محبوس
وبلعكس مش مضايق صدقيني يكفي كلامك وانا حاولتي وانا برضو يكفي نشوف الشخص يحاول عشاني 🖤
سهى سكتت استسلمت انه متنح
ديجور: برضو مش حانبخل وحانشوف محامي يساعدني وحتى لو نحبست عادي بنسبالي
ف النهاية كل شي انا درته ومن حقي نتحاسب
انا انسان راضي بكل شي يصيرلي 🖤
سهى ساكته
ديجور ابتسم: انك قلتيلي شن قاعد يصير يكفي شكرا .. وطلع
سهى تنهدت قعمزت وراى مكتبها كان ف اخله هلباا كلام خاطرها اطلعه بس اكتفت بكلمة الجبر : يارب ❤

.
.
ايمن فاق وشاف روحه متاخر ع خدمته اساسا طلع عطول للحوش خش بدون مايدور ولا يكلف روحه يسال ع مراة حامل موجوده عنده لبس بسرعه وعدل روحه ووقف ع المدخل يرش ف عطره ويعدل ف شعره لبس الكدار وطق الباب
ايمن فتح وهني كانت الصدمه بنت بملابس شبه قديمه وجه شاحب قامت ايدها تعدل ف وشاحها ايدها خدوش وجروح
مريم توترت: كلمتي ابلة زهرة ان مرتك الفترة هادي محتاجه (نطقتها بطلاقه) خدامه
ايمن: انتي جايه تساعدي مرتي؟ علاش انتي؟
مريم: لو كنت مش محتاجه ماكنتش حانجي
ريان طلعت وهي لافه طرف الروب الطويل ع جسمها وصوتها نوم ومنظرها منظر وحده شبعانه نوم
مريم شافتلها ورجعت شافت لـ ايمن: ربي ينوضهالك بسلامه استاد
ايمن شاف ريان وحس منظره مش مقبول قدام مريم: انتي طلبتي مساعده؟
ريان: اي بيب قتلك امبارح ولا ناسي
ايمن: لا مش ناسي بس علاش مكلمه امي؟
ريان: لانه كانت عندكم قبل هادي وواتقين فها فا جبتها هيا لاني معنديش وقت نجرب خدمات
ريان شافت مريم: خشي حبيبتي
مريم حولت من رجلها وخشت
ايمن مشي لدار النوم: ريان تعالي
ريان ابتسمت لـ مريم: لحظه.. ومشت تبعبك ببطنها لـ ايمن ف الدار
ايمن: انا مستعجل البنت لجت تناديلها بـ اسمها لا خدامه لا عامله بـ اسمها تنادي وجو بيب وطيط فوتيه مش علينا وجو كل ماتجي امك اوامي او خواتي وتطلعيلهم بطرف الروب شن وضعك انتي ره كلهم عارفين ع من تكدبي؟
ريان: تمام ايمن كله شهور ونطلق فهمت نحاول نوضح ان مرتك اقل شي
ايمن: من طلب منك توضحي؟ خففي تصنع الله يربحك.. وطلع برا الدار شاف مريم قاعده واقفه قدام المدخل تجاهلها وطلع برا الحوش