أصبحت الدروب النوارة ظلام في وجه غلاب الخطاوي

مُقدمة+شخصيـات.

-
الوكرة، قطـر/
كان يفتح سيارته ويتأكد إنه أخذ كل شيء معاه ومانسى شيء ،
حّس بضربه خفيفه على رقبته ولف هو يبتسم: صح النوم
غالب وهو يتمغط: صح بدنك على وين كانك خدامه بتهج
غلاب بضحكه: ظريف بسم الله عليك .. بروح اسيّر على اخوياي بالسعوديه
غالب عقد حواجبه: ما بعد جا الويكند
غلاب: عندي اجازه اليوم وبكره فقلت بروح واشبكها مع الويكند
غالب اومئ: يلا اجل حافظك الله .. بشوف ثاري اذا بيطلع معي طفشان
غلاب وهو يسكر باب السياره: شوفله تكفى ترا مرة ابوك ما تجوز عن طبايعها مكدرّه خاطره كان بيجي معي بعد بس هون اكيد انها رافضه
غالب كشر: قطيعه استغفرالله بس مدري وش شايف فيها ابوي .. ماعليك لاحقينك بعد بكره انا وياه من زمان عن السعوديه واهلها اخر مره رحنا معك يمهم الشتاء الي راح
غلاب اومئ: زين تسوون يسألون عنكم ترا ، يلا بمشي تامر على شي
غالب: علمت ابوي وامي؟
غلاب: ايه معلمهم من صبح
غالب: سلامتك اجل فمان الرحمن ولا تنسى تعلمنا لاوصلت ولا اشوفك ماسك الجوال وانت تمشي والله لاتزعل يا غليب
غلاب ضحك وهو يحرك السياره: ابشر اوامرك طاعه اخوي العزيز
غالب راقب سيارته لين أختفت عن ناظريه وهو يهمس: الله يحفظه يارب
طلع جواله وهو يناظر البيت الي بجنبهم والي ماكان الا بيت مرة ابوه ودخل على الارقام وهو يختار رقم ثاري من بينهم ..
~
الطريق اللي ما بين قطر والسعوديـه/
نواره بضحكه: تخيل يبه نور ما حضرت لإختبارها اليوم ونوير طايحه فيها طّق
طامي إبتسم لطاري بناته: والله اني اشتقت لهم وانا ما بعد كملت يوم عنهم
نواره كشرت: والي معك ماهي ماليه عينك يعني!
طامي كّح قبل يردف: الا والله انتي النظر كله بعد
نواره ابتسمت وهي تثبّت جوالها على طبلون السيارة: بيكلمونا
طامي زادت كحته بلا رد ونواره لفت عليه بقلق: يبه تعبان؟
طامي بصوت واهّن من الكحة: لا يا بنتي ما فيني شيء كحه عاديه
نواره تنهدت براحه وهي تستقبّل مكالمة خواتها
نور بتكشيره: ارجعو خذوني مالي دخل ما ابي اقعد مع هالمتوحشه !
نوير بعصبيه وهي وراها بالكتاب سحبتها: انتي لك عين تدقين بعد .. انثبري قدامي امسكي الكتاب اشوف والله ثم والله ارجع بعد ساعه ما القاك تسمعين لي بالحرّف الواحد ياويلك
لفت على الجوال وهي تسحبه من نور: ها نوري وش صار ما بعد وصلتو؟
نواره وهي تراقب الخط: على وشك الوصول قربنا من الحدود القطرية
نوير: وابوي وش حاله
نواره: الحمدلله الى الان ما فيه شيء .. ان شاءلله بس نلاقي المره الي تعالج بسرعه ، وش فيك على نور؟
نوير تنهدت وهي تفرك حواجبها: قسم بالله المراهقين هذي الأيام مو طبيعيين ، غايبة الأخت ولا ذاكرت للأختبار لأنها سهرانة على مسلسل تركي! وش اسوي فيها ذي علميني تعبت والله
نواره ضحكت: يابنتي عادي كلنا قد سوينا كذا قبلها لا تشدين عليها مره وتعاند
نوير ألقّت نظرة على نور اللي جالسة عند طاولة الطعام وتذاكر وابتسمت: لا حبيبتي شدّتي جابت نتيجة شوفيها قاعده تاكل الكتاب الحين .. يلا انا بروح اجهز لنا شيء خفيف ناكله وانتو اذا وصلتي علميني لاتنسين
نواره عقدت حواجبها من السياره اللي بدّت تلف يمين ويسار وبلعت ريقها وهي ماتبي تبيّن شيء لنوير: تمام يلا سلام
قفلت الجوال بسرعه ولفّت على أبوها اللي شبه دايخ ومسكت الدركسون معه بخوف وهي تصارخ: يبه يبه وش فيك!
طامي كّح بقوة للمرة الثانية وهو يفلت يدينه من الدركسون اللي تشبّثت فيه نوارة وهي تحاول توصل للبريكات عشان توقف السيارة
وقفت السيارة بنّص الخط وأبوها مازال على حالـه وعيونه تتقلّب يمين ويسار
نواره بخوف ودموع ملّت عيونها وهي تجس نبضه: يبه الله يخليك رّد علي تكفى وش فيك .. يبه تسمعني ؟
طامي كان واعي و عيونه فاتحة لكن لسانه ثقيـل و عيونه تروح يمين و يسار
نواره نزلت وهي ترجع للمرتبة اللي ورا تطلّع جهاز قياس السكـر اللي يعاني منه والدها من سنين طويلة واللي صابه فجأة بدون سبب ،
كانت يدينها ترتجّف بتوتر و هي تراقب المكان حولـها، صحراء قاحلة والسيارات ما تمّر وهي عالقة هنا مع أبوها اللي ما تدري وش فيـه .. سمعت صوت سيارة ورفعت رأسها بإرتباك وهي تشوف سيارة جيب باللون الكُحلي توقفت عند سيارتهم ، نزل منها شاب لابس ثوب قطري وغتره بيضاء وركّض جهة سيارتهم وهو يردف: سلامات سلامات وش صاير!
طامي تشبّث بيدينه وهو يأشّر على بنته ويحاول يتكلم
غلاب بعدم فهم: وش بك يا عم؟ *رفع رأسه للمكان اللي يأشّر عليه وأنتبه لوجود بنت واخيرًا* بسم الله انتي معه؟
نواره بيد مُرتجفة وخوف رفعت أبرة السكر بوجهه: لا تقرّب!
غلاب بذهول: وش ابي فيش يوم اقرب
طامي كّح بقوة، قبل يردّف بصوت متقطع: امنتك بالله بنتي بنتي عندكم يا اهل قطر تكفى ياولدي
غلاب حّس برعشة يوم تقفلت عيون طامي وصرّخ بقوة وهو يشلّه: شكله دخل بغيبوبة سكر بسرعه اركبي نوديه للمستشفى
نواره صرخت بهلّع: ابوي ابوي وش فيه ليش غمّض! وين ماخذه أنت تعااال
غلاب بعصبيه وهو يحط طامي بسيارته: اقولش شكله بيدخل غيبوبة سكر تقولين لي وين ماخذه ! بوديه أفسحّه بقطر
وقف عند سيارتهم يبي يقفلها: انزلي بسرعة بقفل السيارة
نواره بعصبيه ممزوجة بخوف وجسمها مازال يرجّف: صاحي أنت وين تبغاني أروح معاك ! رجع ابوي
غلاب ببرود ناظرها وهو يقّط عليها المفتاح: اجل اقعدي هنا لحالك لين أعوّد عليك
نواره نزلت من السياره بسرعه وهي تلحّفه بخوف ناظرت المكان حولـها ، مالها أي خيّار الا إنها تروح معـاه .. على الأقل أبوها معاها حتى لو طايح
نواره بصوت خفيف: هيه أنت
لّف غلاب وهو رافع حاجب: جيتي أخيرًا! لا ارجعي اخاف اخطفك
نواره كشرت وهي تقط عليه المفتاح: قفلها بسرعه وتعال ابوي تعبان
غلاب مسك المفتاح الي ضرّب فيه بقوة وناظرها وهي تمشي قبل يضحك بذهول: والله العظيم حالة!
قفلها وركب السيارة وهو يلّف الطريق ويرجّع داخل إلى قطر مرة ثانيـة ..
~
شخصيـات قطـر /
ضـاحي ، متقاعد من إحدى الوزارات متزوج من إمرأتين و عندّه من الذرية ثلاث أولاد و بنتين ..
زوجته الأولى "غزلـة"
إبنها الأكبر " غالـب " عُمره 32 سنـة .. مُحاضر بِـ جامعة .
إبنتها الثانية " رزان " عُمرها 29 سنة متزوجة
إبنها الثالث "غـلّاب" عُمره 27 سنـة .. طيـار
إبنتها الأخيرة " رهـا" عُمرها 22 سنة تدرس بالجامعة
زوجته الثانية " مشاعـل" عندها ولد واحد بس
" ثـاري" عُمره 26 سنة .. كأنه هو وغلاب توأم بسبب تقارب سنهم والتشابه بينهم وكونهم يقضون وقتهم دايم مع بعـض..
شخصيـات السعوديـة/
طـامي . كان مُعلم مواد دين قبل يشتّد عليه المرض و يتقاعد .. عنده من الذرية ثلاث بنـات
" نوير " أكبر بنـاته عُمرها 28 سنة ، مُمرضة
" نواره " ثاني بناته عُمرها 24 سنة مفروض تتخرج هذي السنة من الجامعة لكنها أجلّت ترم لأجل تنتبه لأبوها بمرضه .. تخصص لغة أنقليزية
" نور " أخر العنقود .. عُمرها 17 سنة أخر سنة ثنوي .
-
سعـد ؛ الجـد
عنده من الذرية ثلاث عيال وبنتين
أكبر اولاده "طـامي" (سبق التعريف عنه)
ثاني عياله "مصلح"؛
زوجته "شمايل" عندهم من الذرية أربع عيال وبنتين
ولدهم الكبير "سعود" يبلغ من العُمر ٣٤ سنة معلم رياضيات
زوجته "عروب" حامل - عمرها ٢٩ سنة تشتغل في بنك
بنتهم الوحيده "غيم" عمرها ثلاث سنين ..
ولدهم الثاني "بندر" عمره ٣١ سنة عاطـل
ولدهم الثالث "ضـاوي" عمره ٢٨ سنة يشتغل بشركة سعودية معروفة ما يطيق اخوه بندر نهائي
بنتهم "نجوان" عمرها ٢٢ سنه اخر ترم بالجامعه تخصصها ادارة اعمال تعشق ضاوي وتاخذه قدوتها بكل شي حتى بالتخصص والمجال المهني
"بدر" عمره٢١ سنه جندي اول
اخر العنقود "ريوف" اخر سنه ثنوي ١٨ سنة مفروض انها اول سنه جامعه لكنها تاخرت بالدراسة سنة
-
ثاني ابناء سعد
"مبـارك" زوجته "حمـده"
عندهم من الذرية ولدين وبنتين
اكبر عيالهم "عدّال" اكره ما على قلبه وجه بندر وطاريه، ضابط عمره ٣٠ سنه
"مهمار" عمره ٢٦ سنه محامي معروف
"رجاوي" رسامه مشهوره وعندها معرض رسم خاص فيها عمرها ٢٤ سنه
"مناوي" عمرها ٢٠ تدرس دبلوم محاسبه
-
اول بنات سعد
"موضي" متطلقه من زوجها وعايشه ببيت ابوها عندها رايف ووريف
"رايف" يدرس هندسة حاسب ٢٣ سنه
"وريف" عمرها ٢٠ سنه ماتحب الدراسه خير شر اول ما خلصت ثنوي قعدت بالبيت
اخر بنات سعد
"دانـه" تبلغ من العمر ٣٠ سنه عايشه ببيت ابوها وشايله فكرة الزواج من بالها نهائي وتكمل دكتوراه بتخصصها

-
🛑 التنزيل اليومي و المُستمر راح يكون في الإنستا ، اما في الواتباد فـ بكُل نهاية إسبوع راح أجمع بارتات الإنستا وأنزلها هنا.