بين الخطيئة والغفران

part 36

� بَـيْـنَ اَلـخَـطِّيئَـةِ وَ اَلـغُـفْـرَانِ �

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ :سَمِيـرَةِ غَــدْ "•

الـفـصـل الأول

الـجـزء : 36

لجين [ وقفت ملتافتة ليها نطقت بإستغراب ] علاش مالو
اسماء [ بأسف ] ماماه مسكينة مريضة بزاف ومشللة ماكتهضر ما كتحرك نهار كامل وهي شادة غير لفراش [ ضورت عينيها ناحية مُحيِي الدين] وهو لي عندها مسكين.. [ رجعت شافت في لجين لي كانو ملامحها كيوحيو لحزن ] وهو لي كيدير شغل دار .. ماكيتيق فحتى وحدة دخل لدارهم
لجين [ نبرة حزينة نطقت قالبة شفايفها] مسكين هادشي كامل عيشو.. كفاش حتى وقع ليها هادشي
اسماء [ هزت كتافها نطقت بهمس مقربة ليها ] كيقولو بسباب جداه مامات ماماه.. خلاتها وهربت مع صاحبها فاش كانت صغيرة.. مامات محي الدين تزوجت او ولدت جوج ولاد لولد لكبير كيقولو تخطف فاش كان صغير ودري صغير هو محي الدين فاش تخطف ولدها مرضات بزاف كترت عليها لهضرة والمعيور من ناس على مها تماك فين تشللت وراجلها هرب عليها وجاو هنا

لجين شافت فيه مزال كيضحك مع صاحبو عينيها لمعو بدموع.. بقا فيها بزاف ملامحو باين بلي صغير ولكن عايش لهم من صغرو ضرها قلبها عليه

*عند محيي الدين

مُحيِي الدين [واقف وقفة مگضرة حاط يد على كتف صاحبو كيضحك معاه نطق بنبرة رجولية] شنو مزال ما بغيتي دير عقلك وتزوج
يعقوب [ بدا يضحك التافتت ناحية لبنات حاط يدو على قلبو نطق بحب ] راه لي داية قلبي.. ومن غيرها ما دخل لداري..

جمع  مُحيِي الدين حواجبو بإستغراب رافع حاجبو ضار فين كيشوف كتبان ليه بنت عاطياه بضهر لي كلو عريان ولكسوة مزيرة على خصرها وحداها اسماء لي عرفها بسرعة التافت ناحية صاحبو كيحك حاجبو عاض على شفايفو كيستغفر الله هز عينو فصاحبو رافع حاجبو

مُحيِي الدين [ بصوت رجولي خشن ] توكل على الله وقصد دار
يعقوب [ خاشي يديه فجيابو مفيكسي عينيه عليها ] خاص نرصي شي امور فالخدمة ونرجع ندوي مع دارهم
مُحيِي الدين [ طبطب على كتفو ] يكون خير.. اهم حاجة ماتفلاش على لبنت وضور بيها فزناقي
يعقوب [ حط يدو على صدرو كيضحك وشاف فيه] لبنت ما كتهز حتى عينها فيا ولا كلمة خرجت .. من شفايفها بقا غير ضور معايا فزناقي [ رجع لجدية ] انت عارف خوك كيف داير ماتحتاج توصي

**عند لجين

اسماء : [ قلبت عينيها] اوى صافي هادشي لي وقع
لجين [ ابتاسمت ليها مصغرة عينيها] هاي هاي.. لبنت ولاو يدقو بابها مابقيتيش سويهلة
اسماء [ خنزرت فيها ] وليت دلاحة [ كتشوف في يعقوب بنص عين ] مانكدبش هو بوكوص ولكن انا ماكنعرفوش.. هو تاني مرة جا لدوار فماغاداش نكون تايقة فيه

يعقوب بحالو بحال مُحيِي الدين من غير لملامح لي مغيريين عليه هو بيض وشهب.. ضحوكي واجتماعي عكس مُحيِي الدين لي كيشوفو ضحكتو غير مو وصاحبو يعقوب .. ساكن فكازا نهار تعارف هو ويعقوب لي كان مشا لكازا فين يداوي مو عرفو في لمستشفى بحكم ان يعقوب طبيب.. ولا يجي عندو مرة مرة وفهاد لمرات تلاقا بي اسماء وقفها مرة وحدة ولكن مابغاتش من تماك مابقاش كيضور من جيهتها حاضيها غير من بعيد باغي يعرف باها ويقصد دار ديريكت.. يتبع..