بين الخطيئة والغفران

part 49

🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ :سَمِيـرَةِ غَــدْ "•

الـفـصـل الأول

الـجـزء : 49

خشا يديه فجيبو جابد منديل عطاه ليها وهو ماكيشوفش فيها خادتو من عندو كتمسح بيه دم فصمت وسقيل هو لي كاين فداك لمكان مفيسكيي عينيه امامو بشرود ميلت راسها عندو كتشوفو ساهي وركت بالمنديل على جرحة عاگراها .. التافت ناحيتها عيونو باردة فيهم خطوطة من دم بسبب قلة نعاس مامولفاش ليه يبقا فايق حتى لهاد لوقت .. ابتاسمت ليه ابتسامة صفرا وهي كتشوف كيف كيشوف فيها لوات المنديل على يدو وهي عاضة على لسانها.. وقفت وتوجهت امامو كتشوف فيه حاطة يدها على جنبها

لجين : صافي لبس علك حوايجك

نفا براسو بملل ضور عينيه شاف كفاش رابطة ليه داك لمنديل بطريقة كيف لوردة ابتاسمة خفيفة مابيناش زارت تغرو هز تيشورط ولبسو عليه

لجين [عقدت حواجبها كتشوف فيه ] علاش دبا مانقدروش نمشيو ؟؟
مُحيِي الدين [ بصوت رجولي هادئ] دبا رجال فدوار قبيلة ماكانوش
لجين [ رفعت حاجبها بتساءل] وانت باش عرفتيهم ماكينينش[ حطت صبعها على شفايفها ] تخيل معايا دبا يجي لواد بصح [ بدات ضحك ] لحماق هدا [ هبطت عينيها عندو كضحك] تخيل دبا صباح مايلقاوش لواد [ عضت على شفايفها كتخيل وجوههم مصدومين ] اتكون اكبر تخويرة[ شافت فيه لقاتو حاط جبهتو على يدو مغمض عينيه] نعستي ؟
مُحيِي الدين [ مزال مغمض عينيه] راسي طبختيه ليا بهضرتك دوزي تجلسي ولا انمشي ونخليك هنا

شافت حتى عيات ومشات جلست فجنبو بحكم لحجرة كانت كبيرة وتقدهم بجوج..دازو ساعات جفونها مرهقة غلبها نعاس .. كتميل براسها وكتعاود تهزو .. حتى غلبها ديال بصح وحطت راسها على كتفو هو لي حس بيها التافت ناحيتها كيشوف فيها هز عينو امامو كيشوف فدوار لي بعيد وضواو بعاد كيبانو ليه مشعولين تنهد بضيب هز زيف لي كان مغطي بيه فوق راسو قبل مايجي وحطو فوق كتفها على لبرد رجع حط راسو على يدو حتى داه حتى هو نعاس معنكشين...يتبع ..