بين الخطيئة والغفران

part 41

🥂 بَـيْـنَ اَلـخَـطِّيئَـةِ وَ اَلـغُـفْـرَانِ 🥂

•" كُنْتِي سَبَبَ رُجُوعِي إِلَى خَالِقِي فَصِّرْتِي جَائِزَتِي وَ شَّفِيعَتِي يَوْمَ اَلحِسَابِ "•

•" بِـرِيـشَـةِ :سَمِيـرَةِ غَــدْ "•

الـفـصـل الأول

الـجـزء : 41

لجين وسعت عينيها بصدمة ودهشة شنو كتقول هادي صدرها بدا يطلع وينزل عينيها تعماو وقفت بسرعة كتشوف فيها بصدمة

لجين : واش عارفة شنو كتقولي ؟؟ كفاش شي حاجة مني خاصها تكون فالواد شنو هاد لجهل والخرافات؟؟ هدا راه شرك بالله واش فاهمة ؟؟ ولا غير كتخورو ؟ واش عارفين شنو باغين ديرو شحال من وحدة ماتت بالجهل ديالكم ؟ واخا تجيبو دم ديال كاع زوهريين ماغادي يوقع والو الى مابغاش الله ديك لحاجة

سكتت لكبيرة وخرجت لجين لبيتها.. لقات اسماء مشات سدت عليها لباب تمشات ناحية سرجم كتشوف زنقة مزال واقفين رجال حطت جبهتها على زاجة ودموعها كيطيحو دمعة دمعة من عينيها

لجين [ بحسرة ] فين جبتيني ابابا هادشي لي بغيتي.. بغيتي غير نبعد علك هانا غادة نبعد

صباح يوم جديد

شمس طلعات.. ولي عندو شي شغل ناض يقضيه بطاقة حماسية علاش لا وهوما كيسحابو صافي لخير غادي ينعم عليهم .. 3 ديال لعشية ومزال لجين ناعسة ولا نقولو يله شد فيها نعاس وهي ليل كامل كتخمم حتى طلع صباح ..حلت عينيها على دقات فالباب حتى تسمع لباب تخبط ناضت قافزة كتشوف اسماء داخلة عندها تقادات فجلستها كتحك فعينيها

لجين [ مخنزرة ] الله يعطيك دود
اسماء [ كطلع وتنزل فيها ] دود هو لي غادي ياكلك ليوم
لجين [ خبطت لفراش بيدها قالبة شفايفها بحزن ] اوووف ماتفكرينيش [ هزت عينيها بيأس] معاش
اسماء : 8

جلسو حدا بعضياتهم كينسيو حتى يجي لوقت لجين قلبها كيضرب بخوف خايفة من ديك ليلة كيف غادة دوز بوحدها لا والي ولا تالي كتفكر بلي يقدرو لكلاب يجيو حتى لعندها كتشدها تبوريشة داز داك نهار مستريسي عند كولشي من غير عمامها لي باغينها فيها اما لكبيرة فداك نهار غبرت فيه وصلت 7 اسماء ولجين جالسين فصالون فصمت حتى كيشوفو فالكبيرة لابسة جلابتها ولتامها وداخلة من لباب عينيها مشاو عند لبنات لي جالسين وخصوصا لجين لي باين عليها لحزن

لكبيرة [ تمشات جلست حداهم حيدت لتام نطقت بصوت هادئ] لوقت قرب [ شافت في اسماء ] جيبي ليا ديك رزمة راها في بيتي

بخطوات سريعة مشات جابتها وجلست حداهم شدتها من عندها لكبيرة وحلت لعقدات كتشوف وسطها هزت فيديها قميص فالابيض سامبل ايفازي عطاتو لجين تلبسو.. مشات لبيتها لبساتو جا عليها هو هداك .. نزلت لصالون وقفت قداهم

لجين : كتلبسيني قفطان بحالا راك غادة تزوجيني
لكبيرة [ ميقت فيها ] تي مالك مع هاد زواج [ بدات ضور فراسها] اصبري ليوم يتزوجك شي عاشق
لجين [ سرطت ريقها فاش تخيلت لمنضر] الله ينجيني فالك يبقا حدا فنك[ خنزرت في لكبيرة] سكتي اشارفة باقا شي حاجة ما درتيهاش

هزت لكبيرة زيزوار فيدها جرت يد لجين لي كتشوف في لكبيرة وزيزوار باستغراب بدون ماتستوعب شنو وقع حتى حست بدم خارج من يدها شرطت ليها يدها خرجت عينيها نترت يدها بسرعة كتشوف فدم خارج من يدها هزت عينيها بصدمة فالكبيرة

لجين : [ بعدم استعاب ] شنو درتي
لكبيرة : غير تقاليد وصافي [ سمعت صوت طرقات لباب] يله يله ناس كيتسناو

خرجو كاملين لباب دار بانو ليهم 3 رجال وجوج عيالات واقفين قدام لباب كيتسناو في لجين تخرج كتشوف بخوف خرجت عندهم كتودع في اسماء .. فوسط جبال لعالية لا طير ولا بشر تم دنيا خالية وكتخلع وليل بدا يطيح سرطت ريقها برعب كتشوف فدوك رجال ونسا ضايرين بيها

رجل 1 : [ بصوت خشن ] ماتحركيش من هنا.. تسمعي لي سمعتي ماتحركيش

كتشوفهم كيضورو عليها شي حاجة بيضاء خرج واحد منهم كموسة عامرة بدم ديال لجين وسطها شي حاجة.. جر يد لجين حطها وسطها وسد وسطها

راجل 2:[ بتحدير] وياك تحيدي هادشي من يدك

بقاو يوصيو فيها ويخلعو فيها حتى زادها رعب فوق رعب كتشوف فيهم غادين وكيختافيو فداك جبال راجعين لدوار لي كان بعيد على جبال بقات بوحدها فداك لخلا وقلبها كيضرب بخوف... يتبع