Translator Note
၁၀ရက်လောက်ပျောက်သွားမိတဲ့အတွက် 'Gomene'။ အိမ်ကကြောင်ပေါက်စန ပျောက်သွားတာရော နေမကောင်းဖြစ်တာရောကြောင့် စိတ်ဓါတ်ကျပီးခေါင်းတောင် မထောင်နိုင်ခဲ့လို့ပါ။ ခုတော့နေလည်းကောင်းပီး ကြောင်လည်းပြန်တွေ့ပါပီ။ နောက်အပိုင်းတွေမှန်မှန်တင်ပေးမယ်နော်။ဝေလန်က အခြားသူများနှင့်အတူ ပွဲခန်းမထဲသို့ပြန်လိုက်ရမည်ဟုထင်ထားသော်လည်း ထိုအစား ဖုန်းက ပွဲခန်းမနှင့်ဝေးရာ အခြားတစ်ဖက်သို့ သူမကိုခေါ်ဆောင်သွားခဲ့သည်။ လူမရှိသော စင်္ကြံလမ်းထဲသို့
ရောက်တာနဲ့ ဖုန်းကအစေခံအချို့နဲ့ အစောင့်များအား
ထွက်သွားခ်ိုင်းလိုက်ပီး ဝေလန်ဘက်သို့ပြန်လှည့်လာသည်။ နက်မှောင်သော သူ့မျက်လုံးများက သူမပေါ်ရောက်လာတာနဲ့ ဝေလန်မတတ်နိုင်ပဲ ရှက်သွားရသည်။"မြို့တော်ကပြန်တဲ့အခါ ကိုယ်လိုက်မပို့တော့ဘူးနော်... ထျန်စီရင်စုကို မနက်ဖြန်ကိုယ်သွားရတော့မှာမလို့" ဖုန်းက သူမပါးများကိုအုပ်ကိုင်ထားကာ သူ့မျက်နှာအားကြည့်စေရန် ဝေလန့်ခေါင်းကိုမော့လိုက်သည်။
သူဒီလိုပြောတာကိုကြားလိုက်ရတော့ ဝေလန်မှာ စိတ်ပျက်ခြင်းကို မဖုံးကွယ်နိုင်ခဲ့ပေ။ သူကထွက်သွားတော့မှာလား။ ဝေလန်က သူမ မပြန်ခင် သူတို့ဒီထက်ပိုအတူတူ ရှိကြရဦးမယ်လို့ ထင်ထားတာလေ။
"မင်းကိုယ်မင်းပဲ အပြစ်တင်ရမှာပဲ လန်"
သူ့အသံနှင့်မျက်လုံးများက နူးညံ့သော်လည်း ဖုန်းက
ရက်စက်စွာပြောလာသည်။"ကိုယ်တို့ကြားမှာ အချိန်၂နှစ်လိုချင်တဲ့သူက မင်းပဲလေ မှတ်မိလား"
ဖုန်းက ဝေလန်သူ့အောက်နှုတ်ခမ်းကို ကိုက်နေတာမြင်တော့ သူ့လက်မကိုဝေလန့်နှုတ်ခမ်းပေါ်တင်ကာ
ချစ်ခင်မြတ်နိုးစွာ ပွတ်သပ်ပေး၍ ဝေလန့်ကို နှစ်သိမ့်ပေးလေသည်။"တကယ်လို့များ အဲ့ဒီ၂နှစ်အတွင်းမှာ မင်းကိုယ့်ပေါ်မှာသစ္စာဖောက်တာကို ကိုယ်သိလို့ကတော့ အဲ့ဒီလူကို
ကိုယ်သတ်မယ်...တကယ်၍ဖားမိသားစုက မင်းကိုကောင်းမွန်စွာစောင့်ရှောက်ဖို့ပျက်ကွယ်မယ်ဆိုရင်လည်း သူတို့ကိုဖျက်စီးပစ်မယ်"
သူကထိုစကားများကို ကြောက်မယ်ဖွယ်ကောင်းလောက်အောင်ပင် တည်ငြိမ်စွာဖြင့်ဆက်ပြောသည်။
YOU ARE READING
Fa Wei Lan၏ပြန်လည်မွေးဖွားခြင်း(Myanmar Translation)
Historical FictionI do not own this story and I just translated this story. I give full credit to the original author- @Harui30