(كاملة) ✨ ASSMARINO ✨ أســــمـــريـــــنــــو

البارت92

البارت92:

أسمرينو✨

زادت معاه دخلو مع لممرضة.

الممرضة: عفاك اسيدي حيد لقاميجة نشوف جرحة.

هز راسو فحوراء: اشنو اراجلي نحيدها؟

خرجات عينيها فيه: كفاش حيد ولا كلس وانا مالي

أسمر: متأكدة؟ مغضربنيش لحيدتها؟ اخر مرة ضربتيني لكرشي زويتيني..

شافت جهة لحيط تتسوط بجهد.

الممرضة: ختي واش نحيدها ؟

الحرة: اختي حيدي زمر لزمر وانا مالي؟

حيد قاميجتو وهو شاد ضحكتوو...بقا بصدرو عريان وعضلات بطنوو بارزين..

عينين لممرضة عليهم 

شافت فيها وشافت فيه: طلقني مغنباتوش هنا.

أسمر: سربي متخليش راجلي يتقلق..مغيار

شافت فيه لممرضة وشافت فالحرة نظرات ممفهومينش..

بدات تداوي جرحة...

أسمر : فاش تبداي لخياطة علميني خص نشوف فراجلي ونتي تتخيطي باش مضرنيش

الحرة: تشوف لعمى فظلمة

اسمر: انا اصلا معمي من زمان كنشوفك غير نتا..

الممرضة: مكاين لاش تخيط ...جرحاا مغرقاش..

دارت ليه لفاصمة..هز قاميجتو كيلبسهاا..

الحرة: انا غنمشي..

يلاه بغات تحل لباب..نطق بلغوات

أسمر: اشش تديري؟

الحرة: اش درت؟

شاد ضحكتو: كتحلي لباب وانا عريان؟ حشومة عليك اراجلي تخلي ناس يشوفوني عريان

هزات راسها تتحلف عليه...خرج منين شاف تيلي كيصوني من لخدمة وهو شاد ضحكتوو..

شافت الحرة فلممرضة لي غير تتشوف فيها وتحني راس..نطقات تحت سنانها:بقات فلعضلات

الحرة: اش تتقولي نتي؟

الممرضة: كثرتووو راحنا فبلد اسلا.مي زعما  راه تعياي مطيري وتبدلي خليقت الله غتبقاي را.جل..

خرجات لممرضة فحين  الحرة خرجات عينيها مصدومة: واش تيقاتو ؟ واش صحابها انا متحو.لة؟فاخر يامي وليت لوبيا؟

خرجات بزربا مع شافتو زادت منقزا عليه: كفاش راجليي أاا؟ وااش حماقيتي؟وبغيتي تحمقني

شاف فيها مبتاسم

أسمر: اشنو واش نقولك مرتي؟

الحرة: متقولي منقولك! الممرضة بسبابك صحابها انا انا...

ابتسم جنب: معندنا منديرو اعزري دوار ديالي ماشي كولشي غيتقبلو علاقتنا..

زاد غادي كيموت بضحك عليها فحين هي تبعاتوو بجرا منقزا على ضهرو مدورا يدها على عنقو: انا غنوريك طنز لعكري كي داير..ماشي عطيتك جوج ضربات تردني را.جل

بدات تدابز معاه .هزات راسها  منين عيطات لها: حوراء    اسمر!

شافت فيها مصدومة: صافية؟!