البارت 104:
أسمرينو ✨
واقفة فالحمام من بعد ما دوشات حيدات عليها العيا و ريحة الصبيطار وخا علموها باش متقيسش لماء ولكن شكون تسوق لهم
….. بدات كتنضف الجرحة ووتبدل لفاصمة.
و ريم واقفة حداها كضور ليها بين رجليها باش تهزها … ما هدات تا كلساتها فالكرسي ديالها كتنشف ليها شعرها و كضحك معاها …شلات منها و دازت لشعرها هيا .. كتشوف فالمراية ملامحها.. شعرها لي كطلقو غير فاش كدخل تعوم…
تفكرات فاش كانت كتوقف نفس هاد الوقفة و كتبدا تزرب تقاد فحالتها و تلبس احسن لبسة عندها و تدير الماكياج .. غير باش يجي هو يلقاها نقية و زوينة
من نهار تفارقات معاه تا الكحل ما بقا جا فعينيها .
سهات للحظة وزمان رجع بيها لور
حطات يديها على وجهها كتبتاسم ..كتغزل فراسها
سمعاتو دخل و لاح سوارتو بجهد فوق الطبلة و حيد صباطو لاحو وسط دار
خالد : مرررريم واااامررييم واش مغنتعشااااش هاد نهااار شحال من مرة كنكول ليك نلقى لعشا فوق الطبلة
خرجات عندو لابسة شوميز فابيض طالقة شعرها و دايرة مايكاب ريحتها مالية دار جات لعندو طبعات قبلة خفيفة على خدو .. هز يدو دفعها عاقد فيها حجبانو
مريم : مالك احبيبي.. عارفاك عياان .. ولكن دابا نسا الخدمة دابا راك معايا انا .. دخل دوش و غتلقى لعشى كيتسناك
خالد : مريييم انا را عيان و نتي شوفي فاش كتفكري حطي ليا نحننجر و هادشي ديالك منبببعد انا معندي كااانة
مريم : علاه بسلامة ايمتا كانت عندك الكانة ليااااا
خالد : تفووو ..بديينا بنكيير.. انا مابقاش عندي لكانة من نهار بلزتي البرهوشة .. شوفي كي خسسرتي .. غلاضيتي مابقاش اجي معاك تا حاجة تعياي طلي فديك لكمارة والو زين الله يجيب
ضرب فيها خلاها واقفة عينيها مغرغرين و عقدة واقفة ليها فحلقها …
فاقت من سهوتها
مريم : (كتنهد و كتمشط فشعرها) معامن ضيعتي عماين فحياتك .. مع واحد ميستاهل تا شوفة منك
هزات ريم باستها و مشات لبيت حلات الماريو جبدات حوايجها و حوايج بنتها جبدات تا ماكياجها
لبسات ريم و دازت هي لبسات كسوة غوز تحت الركبة صاوبات شعرها و جمعاتو من جناب و دارت مايكاب خفيف .
وضربات تعكيرة فلحمر:من ليوم غنبغيني ويدك فيه اخالد
رشات عليها لبارفان
زادت لباب منين سمعات دقان
هزات ريم وزادت غير حلات الباب وسعات عينيها تفكرات ولات فينما كتشوفو كتحشم تبقى تشوف فيه
عصام : (حاني راسو)مفهمتش لاش خارجا من سبيطار ونتي ممكملا تا يوماين مقادة هاني جبت لك لحريرة قداتها لك لوليدة عارفاك مغتقدي تاكلي والوو ومعندك رجلين علامن توقفي
أنت تقرأ
(كاملة) ✨ ASSMARINO ✨ أســــمـــريـــــنــــو
Romance🤎حصريا على الواتباد وفقط على بقلم لاذع🤎 ✨أســـــــمـــريــــنــــو ✨ قصة غريبة من عنوانها جامعة من كل فن طرب على ربعا ديال صحاب من مراهقتهم حتى منين كبرو و كل واحد فين داتو دنيا باش يتلاقاو مرة اخرى فقضية غريبة كلهم مشتابهين بيها . تنويــــــ...
