Hate The Game (COMPLETED)

Epilogue (Part 4)

Thank you for reading HTG! Hope you had fun reading Samu and Deanne's story. See you in the next story, Alter The Game x

Epilogue (Part 4)

Akala ko ay nagloloko lang si Deanne pero hiningan niya talaga ako ng Cenomar. Humingi din siya ng kopya ng kopya nung certificate ng annulment. Kulang na lang ata ay ipa-verify niya sa courts.

"Are you okay?" I asked her dahil tahimik siya.

Tumingin siya sa akin at tumango. "Mayaman ka pala talaga, noh?"

Kumunot ang noo ko. "What?" I asked because that was so random.

"Sabi mo kasi kapag umuuwi ka, naka-business class ka na ticket," she said. "Ang mahal non!"

"I have to write papers habang nasa flight ako," sabi ko sa kanya. "Can't do that sa economy."

"Sus... Okay lang naman aminin na mayaman ka."

Natawa ako. "Kapag pinakasalan mo ako, e 'di mayaman ka na rin."

"Talaga," she said, scoffing. "Di ba nasabi ko sa 'yo na pangarap ko maging mayaman? Teka, may question pala ako—kayo ba talagang mayayaman e walang pambahay? Kasi sa mga palabas e kahit nasa bahay sila ay naka-dress pa rin sila. Si Mama mo ba, kahit nasa bahay ay nakaayos ang buhok at naka-suot ng pearls?"

Buong byahe namin papunta sa Dubai tapos Dubai pa London ay hindi naubusan ng tanong si Deanne. Pakiramdam ko ay nalasing lang siya sa dami ng champagne na inorder niya. Natawa ako dahil at one point, binigyan na kami ng isang bote nung flight attendant.

Deanne probably had no idea kung paano siya nakarating sa apartment. Naka-tatlong bote siya ng champagne sa buong flight namin.

When I finally got her in bed, inayos ko muna iyong mga gamit namin. I got out to get us food para pagka-gising niya ay may pagkain siya. Pakiramdam ko ay sasakit ang ulo niya sa dami ng nainom niya.

Kausap ko rin si Mama habang naglalakad ako sa labas. She asked me how the flight was. She also asked me about Deanne. Pareho lang silang dalawa ni Mama na kinakabahan na makita ulit ang isa't-isa. I knew they'd be fine.

I knew that Deanne would look for rice kaya naman bumili din ako ng bigas. May nadaanan din ako na flower stand kaya bumili ako ng isang boquet para sa kanya. She used to love receiving flowers from me.

Pagbalik ko sa apartment, nakita ko na tulog pa siya. I immediately started preparing food for her. Kapag ganito na masakit ulo niya ay sinigang ang gusto niyang kainin. Inuna ko na iyong pagsasaing ng bigas para naka-ready na iyong kanina. Dumaan din kasi ako sa Asian store kaya nandoon iyong mga gulay na kailangan ko pang sinigang.

"Tulog ka pa," I told her nang makita ko na naka-tayo siya sa may pintuan ng kwarto. "Gisingin kita mamaya," I continued dahil halos tatlong oras pa lang siyang natutulog.

Umiling siya habang kinukusot ang mga mata. "Pwedeng humingi ng tubig?"

Ibinaba ko iyong sandok saka ikinuha siya ng baso at saka tubig. I poured her a water and handed it to her kasama iyong gamot para sa hangover niya.

"Sinigang 'yan?" she asked nang silipin niya iyong niluluto ko.

I nodded. "Mamaya pa 'to. Kaka-simula ko lang."

"May kangkong dito?"

"Grabe ka naman," sabi ko. "Marami kayang Pilipino dito."

"Grabe, nagtatanong lang! Akala ko pang Pinas lang ang kangkong!" sabi niya habang tinitignan kung ano iyong laman ng grocery bag.