السمراء وصاحب العكازة

part-29-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

‏لگيـتك بالـدرب صـَدفه ونسيـت الرايـد امـشيله .

...............
فَـريدة...

مرت فترة واني جنت حيل تعبانة واحس بدوخة ماأكدر اشتغل ويجيني تقيئ لمن رحت حللت طلعت حامل فؤاد حيل فرح وخاصة لمن خبرنه عيالي كلهم فرحوا النه عمتي ام مراد مرة من اهل الطيبة ممقصرة ويا اولادي تهتم بيهم تتطبخلهم...

ولمن عرفت اني حامل صارت تهتم بيهم اكثر متخليني اشتغل تكول ارتاحي وتزعل اذا اشتغل
حتى اطفالي كلش يحبوها وين متروح تاخذهم وياها متعلقين بيها حيل...

يوم عن يوم بطني تبين وتاخذ الايام مجراها بيوم مراد رجع من الشغل سلمت علي وطب جوة يرتاح طبيت ورا اخذ من عنده الجاكيت:- اخوچ هادي خابرني يريدچ بسرعة تجين لكركوك

رأساً باوعت عليه بخوف تقربت مسكت أيده
:- خير صاير شي مراد اخوي بي شي لو تيمور بالسجن مريض احجي

مد ايدة يمسح على خدي ويحط خصلات شعري ورا اذني:- لا حبيبتي الحمدلله تيمور بخير الاسبوع فات رحت زرته بالسجن

فريدة:- وليش مگلت جنت اجي وياك.

مراد:- فريدة شلون اخذچ وانتِ حامل ومريضة

اخذت نفس اتبعد عنه بحيرة:- معرف هادي بشنو طلبني خاف صاير شي

مراد:- لا بس جان من صوته متوتر ومستعجل كلش

التفتت علي واني اكول متسائلة:- هسة نروح ؟

مراد:- لأخليها بأجر من صبح نطلع بكركوك

هزيت راسي رحت اتمشى للمطبخ شفت عمتي واكفة تصب اكل:- ها عمة المن هل اكل

التفتت علي مبتسمة:- هذا لمراد خلي اجة

ضحكت وهزيت راسي:- والله اسرع من البرق استوني شفتچ تصلين

هزت حلكها وهي تحط الماعون:- عينچ تموتني

انتچيت عل حائط واني اكول:- اخوي هادي مخابر مراد يكلة خلي فريدة تجينة بسرعة

وكفت ثواني تباوعلي بأستغراب:- ليش شكو شصاير

هزيت اكتافي:- والله معرف سألت مراد وهو هم ميعرف كال نطلع باجر من الصبح

تقربت وهي تفتح الثلاجة:- هاهية روحوا انتم والاولاد بقيها

فريدة:- لا عمة على بختچ وين ابقيهم اخذهم وياي

:- عليمن هل تعب والله ومسافة طريق وماخذتهم وياچ بقيهم يمي انتِ مريضة وطريق طويل راح يتعبوچ

فريدة:- معرف متعودة بكل روحة اخذهم

:- لا عليمن هل تعب عوفيهم يمي ولتنسين هل مرة انتِ حامل تتعبين اكثر