اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
............... نَـصـار...
مَرت الايام ونَازدار حالتها تسوء اكثر من ما تتحسن تَـجي فترات تضـرب نفسهـا تَصرخ تريد الحب بس مااقبل حاولت اكثر من مره اخذها للدكتورة بس جانت تنفر روحة الدكتور وتشرد مني...
لو تكعد تبچي وترفض تروح لكن اخذها غصب عنها للدكتورة تكعد تسمعلها واشوف نازدار تبچي تصرخ وهي تحجي ويا الدكتورة ترددت بجياتي عل دكتورة بس نازدار حالتها اسوء...
تعبتني شوفت التعب بوجها لمن يندك الباب تخاف وتنرعب لكن اطمنها بلكلام اكثر من مره تصرخ وتبچي من دون سبب وهذا الشي الي حيرني شنو سبب صَراخها او فزاتها بليل...
تفز ووجها كله عرگ وترچف من الخوف ماتسولفلي شنو شافت بس بفترة ضغطت عليها لحد حجتلي تشوف احلام وكوابيس مستمرة...
عفت تيمور يمها ووصيته كلش زين متنزل عينه عن امة طلعت ركبت سيارتي وحركتها بسرعة للدكتورة مثلها صفيت السيارة ونزلت كدام عيادتها طبيت جوة مالكيت اكو مراجعين...
فتحت الباب وطبيت بعد ماسمحتلي بلدخول صارت كدامي وهي كاعدة على المكتب:- كُـل الهَـلا استاذ نصار أتفضل
هزيت رأسي اتقربت بعكازتي كعدت عل كَرسي باوعت عل باب مستغربة والتفتت الي قبل لا تسأل سبقتها وأني اكول:- زوجتي نـازداري ماجبتها وياي لان رفضت تجي ماكدرت اغصبها
:- ميخالف حالتها موزينه تجيها فترات متحب تجي الي لان اكثر شي المريضين ميحبون الدكتور ولا يحبون يحجون المضوجهم خاصة زوجتك ترفض تحجيلي بس الح عليها
:- اعرف دكتورة تعبتچ وياي
:- هذا عَملي لازم اأدي بأحسن صورة واني رايدة اطلع زوجتك من العالم الي هي عايشته
:- اذا فارغة حالياً تكدرين تحجيلي عن حالتها اكثر
:- حالتها تعبانة مثل ماتعرف جانت تاخذ حب مهدئ وبعد ماتركته جسمها مااستقبل هل شي وهي جاي تريدة
