السمراء وصاحب العكازة

part-46-

- السمراء وصاحب العُكازة
- رهـف هُمـام

- نجمة للبارت تعاليقكم🌟🗨️
- انستغرام فولو:rahaf_hammam

..................
نَـصـار...

من شفتهم عرفت ذولة أشخاص مو مسالمين وإنما مُسلحين بس نوگف السيارة راح يگتلونا وخاصة اكرم جان رايد يتقرب منهم حتى يشوفهم محتاجين شي بس ملابسهم مجان تدل عل خير أنما عل شر...

فلازم ننقذ نفسنا بسرعة حطيت ايدي على راس اكرم ونزلته صرخت
:- نَـزل راسـك اكـرم

بنفس الوقت مديت رجلي السليمة رأسا دست على بانزين بكل قوتي طفر سيارة هم رمونا برصاص تهشمت زجاج سيارة الي ورا حسيت انصابيت بس وين معرف بس حسيت شي اخترق جسدي...

كلشي صار مثل مشهد سريع ضرب طلق نار صراخ سيارة سريعه كلشي صار سريع ولحظة مخيفة الطلق نار صار يتصوب على سيارتنه بس كدرنه نتخطى بلعت ريگي وغمضت عيني بوجع...

فتحت عيوني وشفت دم صرخت:- اكَـرم ديـر بـالك عالطـريـق

هز راسه وصار يسوق رأساً طلعت مسدس وسحبت اقسام مديت ايدي من الجامه ورميت بأي اتجاه

جانو هواي منتشرين وطلق يجي لسيارتنه صحت واني اضرب...

:- اكرررم سوووق بسرعةة نطلع من هذا المكان

رجعت كعدت عل كرسي واني اتنفس سريع باوعلي اكرم وهو يسوق ويلهث:- ولك تيمور ذولة منو

اخذت نفس واني اتفلتت ليورى:- ذولة مسلحين محد يعرف منو بس يگتلون ويمشون بدم بارد مايهم شي غير يذبحون بلناس واي شخص يشوفوا

وسع عيونه وباوعلي:- يعني احنه جنه بين هل اشخاص وردنه نساعدهم !!

هزيت راسي واتنفس بلگوة:- هذا انتَ ردت اتساعد وهذا درس متثق بأي شخص من ملابسهم جانو مبينين مو امان

ضحك ضحكه قوية ومتوترة:- لكك انتَ بطللل

باوعلي وهو مبتسم انتبه لملامحي التعبانه ونزل نظره للدم وسع عيونه منصدم وصاح:- نصاااار انتَ تنزف !!!؟

باوعت بطرف عيني للدم الي ينزف:- مابية شي لتخاف

:- لا لا نصار خلي نوكف بمكان نعالج جرحك

باوعت علي ومديت ايدي لگشن وراه سحبت غترة ولفيت ايدي اردفت:- لاتفكر بهذا شي لان أهنأ خطر احتمال يطلع جماعة لأخ اطلع من أهنأ منبقى