متاهتي

بارت 13

متاهتي✨

------------------------------
جمدت بمكاني من شفت ابن عمي كرار اجه عليه يريد يضربني واجه اشهم لزمه من خوانيگه وضربه بوگس وگعه بالگاع واني اصيح بي

-اشهمم عوفه اشهممم

حجه اشهم وهوه يضرب بي
-حقيررررر اكسر الايد التنمد عليها اكسرهاا افتهمتت

شفته خلص عليه والدم ترس وجه واني بالگوه يالله بعدته منا عافه بالگاع واخذ ايدي وايد ريم وصعدنه بالسياره اباوع على كرار متمدد والدم تارس وجها باوعت ل اشهم باوع عليه وحجه

-سوالج شي حبيبي بيج شي

-لا كلشي ماسوالي بس ليش هيج سويت بي جان بالتفاهم

-خلي يوليي ماتفاهم هاذا ابن الگ*** لو ما گ*** مايمد ايده على مره

ضليت ساكته حتى خربت الطلعه وصلنا البيت نزلنه واني صعدت للغرفه ذبيت الصايه والغراض على صفحه ورحت اساعد نور بالعشاء وريم نست العركه وكامت تحجيلها ششترينا ونور تضحك عليها دكللها باجر عباس يوديني كملنا العشا وصبينا گعدنه نتعشى بسكته وانتبهت على اشهم معصب وجه ما يگصه السيف گملنا وغسلت المواعين وكعدنا نتعلل شويه ل10بليل والكل راح الغرفته رحت لغرفتي فرشت اسناني وغسلت وجهي وتمددت شويه وانفتح الباب دخل اشهم راح غسل واجه تمدد وحضني من خصري وحط راسه على صدري

-رجال شكدك شكبرك حاضن بنيه صغيرونه مثلي

رفع راسه وحجه
-وهاي الصغيرونه شسوت بيه شعلت جدي

-هههه ليش شمسويتلك ترى اني حبابه

-ي انتي وين اكو منج حتى باليابان ماگو

-ي ماكو

رفع راسه وباسني من خدي وحجه
-جبتلك هديه حبيبي

-صدككك. وينها؟

-لحضه

نزل من الجربايه وفتح الكنتور طلع علاكه بيها شي مربع اعتقد كارتون اجه علي تربع عالجربايه وحجت بحماس

-شنو هاذي شو بله اشوف

قدملي الكارتون مبتسم فتحته والضحكه شاكه حلگي اختفت ضحكتي من شفت شنو بالكارتون

-عزززههه هاي شجايب ماتستحي

-شنو هاذا قميص مال نوم شبيج انكرصتي

-يااا انوب يطكها بوجهي عززه صدك بلا خجل

-لا مااخجل يلا گومي البسي

-صخاممم بوجهي صدك تحجي

-ي صدك

باوعت عالقميص جان قميص وبجامه مالت القميص يعني نفس مالت الي يلبسنهن بالافلام نفس هاذا

نفسيته بالشكل حتى نفس اللون ضليت محتاره وهوه يباوعلي ويبتسم هزيت راسي اخذته ورحت للحمام نزعت الدشداشة ولبست القميص والبجامه عززه شكد عيب اطلع هيج مع انو مابي شي عيب بس اني مدري شبيه استحي فتحت الباب جان يمشط شافني واجه عليه
-وكك هاي شطالع حبيبي كيكه خما كيكه اكلك هسه اكلك