بًسِمً آلَلَهّ آلَرحًمًنِ آلَرحًيَمً
روٌآيَهّ مًتٌآهّتٌيَ ✨
بًقُلَمً آيَآتٌ 💚
،،،،،،،،،،،،،،،،،،،،،،،،،،
وهاي اني بعدني انحب
وبعدني شما عتگ لوني
ارد من اول اترتب يما
تدري ذهب مرغوب
لاينمل ولاينذب: 🤎
'''''''''''''''''''''''''''''''
- اشهم الكيلي مكان اهلي اريد اروحلهم
نهاريت بالبجي مختنكه ضمني لحضنه قوي وهمس
- اني هسه ادگ على صاحبي يدور عليهم. بس سكتي بنيتي انتي اششش كافي شو باوعيلي. باوعي
باوعت علي باسني من عيوني ومسح دموعي اردفت بجي اشهك واحجي
- اش اشهم ابويه ابويه اجاني بالحلم يكلي ها بنيتي نسيتينه. اشهم والله مانسيتهم بكل ضحكه والم اتذكرهم واتذكر حبهم اشهم والله مانسيتهم
ابجي وهوه يواسيني وحاضني كل قوته
- كافي حبيبي. كافي بجي مو مرمرتي كلبي. كافي ياعيني كافي اني هسه اخابر. كومي كومي توضي وصلي واستغفري اني رايح وأنشاءلله من اجي اوديج الهم بس خلي الكي مكانهم
هزيت راسي كومني رحت غسلت وهوه راح كعدت عالمصلاه ادعي ربي يلكي مكانهم حتى ازورهم مسحت دموعي ولميت المصلاه صفطتها وحطيتها عالميز كعدت عالجربايه واخذت التيلفون التهي بي رحت عالتيكتوك اول ماانفتح طلعت لطميه،، راحو ماخذوني،، اشتغلت گانما اشتمعت كل جروحي وجعي وعذابي كلشي تذكرت بهاي اللطميه دموعي احسهن نار ويجون خدي
،، راحو وما خذوني،،
،، هلي ويمكن نسوني،،
،، بعدهم يتموني،،
،، وانا صغير على همي،،
،، يادنيا وين اهلنا،،
،، وين اهل المحنه،،
،، تفارگنه بحزنه،،
،، ويبس دمعي ويا دمي،،
اسمعها وازيد بالبجي احس اهلي توه ماتو كعدت بالكاع وتنعاد اللطميه من جديد واني ابجي احس رجفه صارت بيه ونسي ضاگ انفتح الباب ودخلن ريم ورهف ركضن علي ملهوفات حضنيني وحجن
ريم:- شبيج ديالا يروحي شبيج تبجي. احجي ديالا
رهف:- ديالا امانه احجي راح اموت من الخوف
حجيت بغصه
- اهلي
صفنن اثنينهن يستوعبن الحجي
ريم:- شنو شبيهم اهلج
- حلمت بيهم. حلمت ابوي يعاتبني ويكلي ها بنيتي نسيتينا، والله اني مانسايتهم وكل ثانيه ولحضه اتذكرهم، مانسيهم اني
