بسم الله الرحمن الرحيم
روٌآيَهّ مًتٌآهّتٌيَ ✨
بًقُلَمً آيَآتٌ💚
،،،،،،،،،،،،،،
أرّوٌحً لَـ وٌيََنِ ؟
کُْلَشُيَ گبًّآلَيَ مًِنِ لَوٌّنِکْ ، أغُمًُض
وٌألَتٌِفُتٌ وٌآلَگآکْ کُْلَ آلَدٍِنِيَآ
" بًعٌِيَوٌنِکْ 🤎
،،،،،،،،،،،،،،،،،،،،
دخلت ونصدمت من شفت امير مگلوب على وجه ومفرفح رحت بسرعه شلته لكيته عركان ويبجي شلته وافتر بي شويه وسكت حطيتله الملهه بحلگه وصعدت يم اشهم
،،،،،،،،،،،،،،،،،
ريم:-
كاعده اخابر اسر يجيبلي كيكه ورهف كاعده كدامي سديته وحجيت
- كومي خلي ننزل جوه نشوف شكو ماكو
- يلا
كمنا نزلنه جوه يمكن ديالا بغرفتها كعدنه بالصاله عالشاشه شويه واندك الباب
- هاي منو اجه
كامت رهف وحجت
- خلي اكوم اشوف
- لالا اوكفي خلي اني اروح
رحت فتحت الباب طلعت بيت جيرانه ام عمر
- هلا خاله تفضلي
ام عمر:- تسلمين يروحي انتي
دخلت جوه وتلكتها رهف سلمت وكعدنه وام عمر هم كعدت باوعت لرهف وحجت
- انتي هم بنت ام اشهم
- لا خاله هاي اخت مرت اخويه
ام عمر:- ها، اللهم صلي على محمد يمه تخبلين نتي
رهف:- تسلمين خاله
باوعت ام عمر تلفت بالبيت وحجت بخفوف
ام عمر:- يمه عندي وليدي يدور بنيه حليوه مثلج، يدور وحده حنطاويه، شوفي شوفي خلي اشوفلج صورته
حجيت بصدمه
- لالا خاله ديري بالج تجيبين سيرت الزواج
باوعتلي وحجت بستغراب
ام عمر:- يا ليش
- انتي تدرين هاي عدها سبع خوان، وكلهم بالجيش، 3 بالحشد و3 قوات خاصه واحد منهم يداوك وي اخواني بالمركز ضابط
اباوع لام عمر وجها صار اصفر
ام عمر:- ي هلا بيهم،
حطيت شعري وره اذني وحجيت
- باعي خاله خلي احجيلج عنها، هاي فد يوم واحد شايفها بالمدرسه وداز امه تجي تخطبلهياه وخوانها من عرفو تخبلو شلون يجي وشلون شافها، وكضبو هاذا الي جاي يخطبها وذبو بالسجن وشبعو كتل بحيث ضل سبوع بالانعاش مايدري الشرجي وين الغربي وين
حطت ايدها على حلكها وحجت بصدمه
ام عمر:- يايا شمسوي هوه، يلا عيني لعد اني اروح
ضحكت وحجيت
- يا خاله ماشربتي جاي
