خلصت اسيل دروسها و راحت لسريرها تحاول تنام بس ما قدرت
شافت الساعه و كانت قريب ل5 الصباح قررت ما تنام و تشوف لها فلم الين يقرب وقت الدوام و فعلا بعد ساعتين
كانت جاهزه و راحت للمدرسه
دخلت و اتجهت لفصلها زي العاده و الارهاق قاتلها
كان الفصل فاضي و يادوب بنتين ثلاث الموجودين ناظرت مكان وسن و ميرال و حصلته فاضي فناظرت في مكان إثم ف لاحظت فيه اشياء فوق طاولتها قربت بفضول ف حصلت ورد و كم هديه
تجاهلت الموضوع و راحت لمكانها حطت شنطتها و طلعت برا الفصل
شافت ميرال و وسن وهم داخلين و معهم اكياس و واضح هدايا و بعدهم بوقت قصير دخلت إثم للمدرسه
ضلت مطنشه و تناظر بالبنات الي بالساحه
لاحظت ان مجرد إثم دخلت الفصل بدا صراخ واضح جاي من الفصل
كانت بتدخل بس اصرت على نفسها انها ما تهتم ولو ان الفضول قاتلها
مر الوقت و دق الجرس دخلت فصلها و لاحضت ان ال Confetti Blaster متناثره بكل مكان عرفت لحضتها انهم يحتفلون بشيء بس ما تدري وش يكون
دخلت و دخلت بعدها الاستاذه الي هزئت البنات على وصاخة الفصل
ضلت جالسه بمكانها وهي تحس باحد يناظرها و كانت تعرف عدل مين ذا الشخص بس لفت حتى تتاكد و زي ما توقعت ماكان الا إثم الي مسنده راسها على يدها و تناظر باسيل
بعدت اسيل عيونها و ضلت تحاول تركز مع الاستاذه
مرت الحصه و لسوأ حظ اسيل ان ما كان عندهم استاذه يعني وقتها فاضي و ما فيه شي تسويه
ضلت جالسه مكانها و تناظر بالبنات
لفتها من بين ازعاج الفصل ضحك الثلاثي مع بعض و كيف انهم مجتمعين و يسولفون ولا كانهم غلطو عليها ولا سوو شي
نزلت راسها على الطاوله وهي تحس بارهاق من كل شي نومها ملخبط و مو اكله شي من يومين و نفسيتها تعبانه و تحس بملل ولا تعرف وش تسوي
نزلت راسها على امل تنام و يمر الوقت بسرعه بس حتى النوم ما رضى يجيها
كانت تحس بضيق و غصه من شعورها و مشاعرها المتلخبطه بنص ضيقتها و محاولاتها انها تبعد الافكار عن بالها حست باحد يجلس جنبها ما اهتمت من يكون و ما رفعت راسها حتى تشوف بس لما حست بطبطبة احد على كتفها رفعت راسها و ناظرت بذا الشخص الي ما كان الا إثم الي جالسه جنبها و مبتسمه لها
إثم : شدعوه ميلادي و ما تجيبين لي هديه
حست اسيل بغصتها تزيد و اخر شي جا في بالها ان إثم جايه تعاتبها علشان هديه رغم الي هي مسويته
ظلت تناظرها وهي ساكته وتحاول تفهم ليش إثم جايه تسوي ذا الشيء
إثم : وش فيك ساكته ؟ شكلك ما تدرين ان اليوم ميلادي
كانت اسيل تحاول تمنع دموعها تنزل كل مرا تتضايق من تصرفات أثم اكثر
إثم : فيك شي
هزت اسيل راسها بنفي و بعدت عيونها عن إثم و نطقت بصوت خفيف تحاول فيه تخفي الغصه و الضيق الي تحس فيه : ما يهمني
إثم : افا اخر شي توقعته
سكتت اسيل و نزلت راسها على الطاوله و إثم قامت راجعه لمكانها
كانت اسيل تقنع نفسها ان ما لازم تبكي على كل شي و لازم تنسى كل الي صار و تعتبر نفسها طالبه جديده ما تعرف احد بذي المدرسه و تتعرف من جديد على صحبات بدل الي كانو عندها
للحضه خطر في بالها ترجع لمدرستها القديمه و لصحباتها القدام حتى ترتاح من الي هي فيه و تنسى كل شي صار معها بذي المدرسه
بس خطتها تبخرت مجرد حست بشخص يدق كتفها
رفعت راسها بانزعاج من الشخص الي خرب عليها خطتها
ناظرت بالبنت الي ما كانت الا إثم و جايتها بنفس ابتسامتها الاولى
إثم : جابو البنات كيكه حتى يحتفلو فيني فقلت اعطيك قطعه منها حتى تشاركيني في يومي ذا
