သူ့ကိုယ်သူဘယ်သူများထင်နေတာလဲ။
ထိုအချိန်တွင် 'ဘိုဝမ်' မှာပြိုလဲလုဆဲဆဲဖြစ်နေသည်။သူ့တွင်ဤသား 'လစ်တဲဘိုဝမ်' တစ်ဦးတည်းသာရှိသည်။ 'လစ်တဲဘိုဝမ်' ကစိတ်ပျက်စရာကောင်းပြီး သူ၏စီးပွားရေးစွမ်းရည်များကို မဆက်ခံနိုင်ခဲ့ပေ။သူကပြသနာများစွာရှာခဲ့ပြီး 'ဘိုဝမ်' ကထိုပြသနာများကို အမြဲလိုက်လံဖြေရှင်းပေးရသည်။
သို့သော်လည်း 'လစ်တဲဘိုဝမ်' ကသူ့အားစိတ်ကျေနပ်အောင်မည်သို့လုပ်ရမည်မှန်းသိသည်။ သူကစားခဲ့ဖူးသောမိန်းမအားလုံးကို 'လစ်တဲဘိုဝမ်' ကယူဆောင်လာပေးခဲ့ခြင်းဖြစ်သည်။
'ဘိုဝမ်' ၏သီးသန့်ဆရာဝန်က 'ဘိုဝမ်'ကိုစမ်းသပ်မှုများပြုလုပ်ခဲ့ပြီးနောက် 'ဘိုဝမ်' ၏ခန္ဓာကိုယ်မှာပျက်စီးနေခဲ့ပြီဖြစ်သဖြင့် ကလေးနောက်ထပ်မရနိုင်တော့ကြောင်းသိရှိခဲ့ရသည်။ သူက 'လစ်တဲဘိုဝမ်' အပေါ်မှာအရှုံးမပေးချင်ခဲ့ပေ။
'ဘိုဝမ်' တွေးတောနေစဉ်အသံကအခန်း၏အခြားတစ်ဖက်မှထပ်မံထွက်ပေါ်လာခဲ့သည်။
"အခုဂိမ်းစတင်ပြီ၊ မင်းမှာ၂၉မိနစ်ကျန်ရှိတယ်"
သေခြင်းတရားသူကြီးက စာကြောင်းရိုးရိုးလေးနှစ်ကြောင်းသာ ပြောလိုက်သော်လည်း 'ဘိုဝမ်' မှာစိုးရိမ်သောကရောက်ကာ ရူးမလိုပင်ဖြစ်နေသည်။
သူမသေချင်သေးပေ။
သူနောက်ဆုံးမှ ဤနေရာသို့ ရောက်ရှိခဲ့သည်။သူ့မှာလူလေးစားသော အဆင့်အတန်းတစ်ခုရှိနေပြီး မိန်းမများစွာလည်းရှိသည်။ သူကယောကျာ်းတိုင်းလိုချင်တပ်မက်သောဘ၀အား ပိုင်ဆိုင်ထားပြီဖြစ်သည်။
သူယခုမှအသက်ငါးဆယ်ပင်မပြည့်သေးဘဲ ထိုအရာအားလုံးကိုလည်း အပြည့်အ၀မခံစားရသေးပါ။သူကအဘယ့်ကြောင့် ယခုကဲ့သို့သေရမည်နည်း!!
'ဘိုဝမ်' ကအတွေးထဲတွင်နစ်မြုပ်နေသည်။ သူဓာတ်လှေကားစီသို့ပြေးသွားလိုက်သော်လည်း ပိတ်ထားသည်ကိုတွေ့ရသည်။သူဓာတ်လှေကားတံခါးကိုရူးသွပ်စွာထုသော်လည်း တုံ့ပြန်မှုမရှိချေ။
"Shit!!Shit!!!Shit!!!"
ဘိုဝမ်ကလှေကားသို့ပြေးရင်းကျိန်ဆဲနေသည်။ သူ့ခန္ဓာကိုယ်ထဲမှ တဖြည်းဖြည်းပြင်းထန်လာသောနာကျင်မှုကို သူခံစားနေရသည်။
ВЫ ЧИТАЕТЕ
တိုက်ရိုက်ထုတ်လွှင့်မှု: သေခြင်း၏တရားစီရင်ရေးမှူး
Детектив / Триллерဇာတ်လမ်းအကျဉ်း ဂျက်သည် အခြားအပြိုင်ကမ္ဘာတစ်ခုသို့ရောက်ရှိသွားပြီး အပြစ်သားများအားနှိမ်းနင်းလျှင် ဆုရရှိသောတရားစီရင်ရေးစနစ်တစ်ခုတွင် ပိတ်မိသွားခဲ့သည်။ ဤသို့ဖြင့် တရားဥပဒေ၏ အထက်တွင်ရှိသော သေခြင်းတရားစီရင်ရေးမှူးတစ်ယောက်မွေးဖွားလာခဲ့သည်။ သေခြင်းတရားထ...