لتنسون التصويت + متابعه لحسابي✨
#الكاتبه_اماني_المحنه✨
⇜✎
• مادمت احبك لا يهمونك الغير
لك الوفاء والشوق والحب كله♥️..ء
_-_-_-_-_-'&'
باوعت عبير يمنه ويسره تتأكد من الشارع خاف احد يشوفها وهيه رايحه يم ايهاب وصلت للمكان الي ايهاب هوه شافها وكف على حيله وصارو واحد مقابيل الثاني رفعت راسها عبير لان ايهاب جان اطول منها واردفت
: انته شسوي هناااا، شنو تريد تسويلي فضيحه، جان عليه دين الك ودفعته بعد خلص ماكو شي يربطنه سوه روح منا لتجي بعد، احاجيك رد عليه ليش صافننن.. ردد يمعودد جاي تخوفني بنضراتك شبيكككك...
ايهاب لمن شاف عيونها سرح بغير عالم غاص بجمال عيونها وسوادهن ما بعد نضراته عنهن هيه تكلمه بينما هوه غارق بتفاصيلها الجميله حس نبضات قلبه تسارعت وكأن قلبه راح يطلع من صدره
و بوسط هل تأمل شاف عبير دارت وجه معصبه، رجع طبيعي واردف
: لا لحضه وين رايحه؟
عبير بعصبيه: صارلي ساعه احجي وياك وانته بغير عالم..
ايهاب: اسف والله اعذريني شردت شويه
عبير: جاوب هسه ليش جاي لهنا؟
ايهاب: شلونج...؟
عبير بتعجب: ليش هل سؤال؟
ايهاب: بس جاوبي الله عليج
عبير: تره اعرف ليش تسأل عن حالي
ايهاب: شعرفتي؟
عبير: عرفت انته الي انقذتني بهذيج الليله
ايهاب: منو كلج!
عبير: عرفت وخلص..
ايهاب: خو ما ضجتي مني؟
عبير: طبعا اضوج.. يعني منو سمحلك تشيلني.. اني افضل الموت على هل شي..
ايهاب: لالا انتي فاهمه غلط تره والله مجان قصدي نيه سيئه، بس يعني مو معقوله اشوف الباب مفتوح وصوت بجي البنات وانتي غاركه بدمج ومحد يمج شي اكيد اتصرف خو ما اخليج تموتين كدام بناتج شسالفه...
عبير باوعت علي بأهتمام واردفت
: ليش كلما اطيح بورطه الكاك انته كدامي؟ معقوله الصدف هيج تسوي! مثل الي نقرا بالقصص..
ايهاب مكدر يكلها انه دوم يجي يم بيتها بس ابتسم ورد
: كلشي توقعي، ولتنسين انو القلب يحس
عبير: وليش قلبك يحس بيه؟
ايهاب: ماعرف... بس اتوقع السبب بعيونج لان بيهن طاقه غريبه تسحبني الج...
عبير ابتعدت خطوتين لوره خجلانه واردف
: تماام الضاهر كثرنه كلام... ارجع لبيتك لا تتمرض.... مع السلامه.. وشكرا على انقاذي.. افضالك عليه ما انساها...
YOU ARE READING
العقاب المتناقض
Romanceللحب حكايات مختلفه ومنها حكايتنا هذه التي بنيت على عقاب متناقض، و بسبب هذا العقاب ستبقى انت دائما شيئاً مختلفاً عن الجَميع وسأحبك وكّأن الكُون كُله قد اوصَانِي عليك ♥
