بنات قلبي لتنسون التصويت + متابعه لحسابي✨
#الكاتبه_اماني_المحنه✨
لقيتك بعد كل الخسّاير ، يا ربحي الأعظم ♥️.
♡'♡'♡'♡'♡''
ايار: شنووو!
سند: اي ولك شوف هاي مو زمرد لو اني غلطان!
وكف ايار على حيله والتفت لورا وجان يشوفها داخله بكل ثقه و نزاكه انعجب بمشيتها وهيبتها وسط كل هل حضور لدرجة انها لفتت انضار واهتمام كل الي موجودين... راحت يم المدير واردفت
: اجيت اسأل عن مستوى ايار الدراسي
باوع الها المدير وعدل نضارته واردف
: انتي... انتي زوجة..!
اردفت بثقه: اي اني زوجة ايار و مسؤوله عنه مثل ما هوه مسؤول عني
: اهلا وسهلا بيج، يعني الصراحه ايار حجالي عنج وانو تردين تكملين دراسه بس للصراحه متوقعت شكلج هيج، يعني اذا اعينج معلمه محد راح يشك بيج بسبب قوة شخصيتج والكاريزما مالتج بهرتيني صراحه..
: من ذوقك استاذ بس طبعا اني احب احصل على الشي بنجاحي وتعبي وجهدي ما يعجبني الشي الجاهز لان مابي طعم الانتصار..
: صح كلامج
: المهم ايار شلونه بالدراسه؟
: طبعا ايار تغير كلش وصار طالب مجتهد واتحسن هل سنه كلش زين..
باوعت زمرد للايار وابتسمت اله، ايار جان ممصدك عيونه من الفرحه، سند وكف يمه ضربه على جتفه وغمزله واردف
: والله هنيالك عليها حتى الام مو هيج تعتني بأبنها بعد شتريد الله عوضك احسن عوض..
ايهاب جان يباوع لزمرد ويكول بنفسه
: غريب اني هاي الملامح وين شايفها!
اردفت وحده من الطالبات الموجوده بالمدرسه وهيه تباوع لزمرد
: هيه هاي الي زوجها ايار.. واني كاتله نفسي علي
ردت صديقتها: شبيها تخبل زوجته والله لامتهن كلهن من جمال وثقه وشخصيه واناقه.. تجنن والله
ردت عليها بغيره: انجبي يالله محد راد رأيج
وكفت زمرد يم ايار واردفت
: شفت شلون المدير يمدح بيك لان تحسنت
ايار: اكلج هسه عوفينه من المدير، اريد اعرف انتي شعرفج اليوم اجتماع اولياء الامور!
: سمعتك انته وسند تحجون يم الباب
شهگ ايار لانه خاف انو سمعت كل حديثهم مال البارحه باوع لسند وحك راسه متوتر اقترب سند وسأل زمرد
: شلونج مرت اخوي العزيز
: هلا وغلا
: اا بلا زحمه عليج ممكن اعرف شنو سمعتي البارحه؟
YOU ARE READING
العقاب المتناقض
Romanceللحب حكايات مختلفه ومنها حكايتنا هذه التي بنيت على عقاب متناقض، و بسبب هذا العقاب ستبقى انت دائما شيئاً مختلفاً عن الجَميع وسأحبك وكّأن الكُون كُله قد اوصَانِي عليك ♥
