العقاب المتناقض

بارت 13

بنات قلبي لتنسون التصويت + متابعه لحسابي✨

#الكاتبه_اماني_المحنه✨

‏لا يشبه تفاصيلها اللطيفة ، سوى الورد 🌾💙.
Its subtle detail is nothing but rose

___________♡^

وكفت زمرد: اي والله ابوك ميت الله يرحمه من قبل لا تنولد شلون متعرف بهل شي

حط ايار ادينه على جتاف زمرد واردف مصدوم

: لعد والذكرياااات شنو وضعها فهميني زمرددددد..

زمرد: والله ما اعرف شلون افاتحك بالموضوع.. القصه مؤلمه كلش

ايار: احجي زمرد الله يخليج احجييي

زمرد: اني افضل تروح وتكعد انته وامك وتحجيلك احسن

ايار : مو كتلج امي تتكهرب لمن اجيب طاري ابويه شبيججج..

دارت وجه زمرد وحطت ايدها على راسها واردفت: يا ربي ساعدني

وكف ايار مقابيل وجه واردف

: اي شكووو غير افتهم مو راح اتخبل

اخذت زمرد نفس عميق ولزمت ادين ايار واردفت بهدوء

: تمام راح احجي بس اوعدني تضل هادء.. تعال نكعد على الجربايه احسن من الوكفه

كعدو على الجربايه وضلت زمرد لازمه ادينه حتى يحس بالامان و الحب وما يتهستر

ايار بفضول وخوف اردف: اي اسمعج

تنهدت زمرد وغمضت عيونها واخذت نفس عميق لصعوبة الموقف الي نحطت بي فتحت عيونها واردفت بصوت خافت

: يا الله هون علينه هل ليله..

باوعت للايار واردفت بحزن

: شوف عزيزي ابوك جان رجل طيب وخلوق والناس كلها تحبه وابوي منهم لان جان صديقه يرحون سوه للعسكريه لان جان عسكري...

: اي حلو كملي...

: بس.. اخر مره ابوك راح بيها للدوام بعد ما رجع

: شلون ما رجع لعد هوه مو يروح هوه وابوج سوه اكيد ابوج يعرف وين راح

: لا ابوي بأخر التحاق ما داوم لان جان مريض كلش وابوك راح وحده لكن لمن كملت الايام الي يقضيها بالدوام مارجع اتأخر بعد وضل تقريبا شهر ماكو مفقود امك بلغت عن اختفائه الغريب وطبعا جانت حامل بيك بوقتها فبلشت الشرطه تبحث عنه بس ما لكوله اثر

: اي وبعدين يعني وين راح؟ اني هذا الحجي كله ما سامعه الي اعرفه ابوي متوفي بس شوكت وشلون ما اعرف!

: اوف من امك شلون متحجيلك عن هل شي يربييي والله راح اتخبل

: هسه عوفينه من امي كملي فدوه شصار بعدين

: اي كتلك الشرطه بحثت عنه بس ما لكوله اثر بس بعد مرور 15 يوم من بحث الشرطه اجاهم رجل راعي لجمال يكول الجمل مالتي شمت ريحه واتبعتها فأني رحت وراها حتى ارجعها بس انصدمت لمن شفت راس بشر مقطوع بنص البزل..