Jannat e Hayat (Humain×Khadija ff) [ONGOING]

Part 6

Writers:
Amna
Wafa
Anisa
____________________________________

"Kal Anaya or Abdullah aa rahe hain" wo nashte ki table par un dono ko bata rahi thi

"Shukar h kisi k paas time nikal aaya humse milne ka" Humain gehra sans le kar bola

"Jub tumhari shadi hogi tab puchenge k tumahre paas kitna time h hamaray lie" Salar ne apne khane se nazar hata kar uski taraf dekte hue kaha

"Kam az kam maheene me aik dafa to banda milne a hi jata h or ab jub Anaya log a hi rahe hain to Raeesa or Hasham ko bhi bula lein..JB to wese hi Pakistan urh gaya h pata nahi kab ayega" wo nashta khatam karne k bad ab table se uth khara hua tha

"Han ye bhi theek h,me call krti hun Raeesa ko" Imama ne kaha

"Chalein Allah Hafiz dua karega din acha guzre" wo darwaze ki taraf barha

"Roz karte hain acha nahi guzarta kia?" Salar k kehne par wo peeche palta

"Guzarta h... lekin aaj kal k din thore ajeeb hain islie keh dia"

"Kese ajeeb?" Imama ne sawal kia

"Aik new employee ne join kia h or use office ka koi kaam nahi aata na hi office k discipline k bare me kuch pata h use" usne gehra sans bharte kaha

"Kisi ko jane baghair hum ye nahi keh sakte k use kuch nahi aata..kia pata use aata ho..or tum se bhi acha aata ho lekin wo kar nahi raha ho filhal k-"

"Rahi-" Salar ki baat mukammal hone se pehle usne taseeh ki

"Larki h?" Sawal Imama ne kia tha

"Ji"

"Jo bhi h employees ko ziada tough time mat dia karo" Salar ne keh kar dobara nashtay ki janib rukh kia

"Okay.." usne gehra sans bhara "Allah Hafiz" wo kehta hua darwaze se bahar nikal k joote pehenne laga tha

"Naam kia h uska?" Imama uske peeche peeche darwaze tak ayi thi

"DJ" jhuk k joote pehente usne dheemi awaz me kaha tha or shayad use khud bhi apni awaz nahi ayi thi to Imama ko kese aati

"Kia?"

Wo joote pehenta ek jhatke se seedha khara hua

"Khadija.." usne apna bag Imama k hath se lete hue kaha

"Sacchi? Pakistani h?" Imama ko yakeenan behad khushi hui thi

"Ji" usne itna hi jawab dia tha

"Kisi din milwana mujhe"

"Ji" jawab phir wohi tha

"Interview ho gaya to me jaun?" usne muskurate hue pucha

"Ji bilkul Allah ki Amaan me" wo bhi muskura di...wo ab office k raste par tha

*********************************
Office aane k bad se hi uska mood kharab tha..wo kal wali baat nahi bhooli thi

"As'Salam O Aleikum" wo apni chair pe bethi thi jub uske peeche wali table se use awaz ayi

Usne mur k ek jhatke se peeche dekha

"Walekum Assalam" wo keh k wapas aage murti apne kaam me lag gai

"Puchengi nahi kon ho, kese ho, kiyun ho, kia ho" wo apni chair se khara hota haste hue bolta uske pas a khara hua tha

Wo gehra sans leti peeche muri..ek nazar uske chehre pe dali..thora or aage barhi

"Nahi" or wo keh k dobara palat kr apne kaam me lag gayi

"Ji me bilkul theek aap kesi hain?" wo yakeenan baaz nahi aya tha

"Allah k karam se theek or logo k karam se kharab" wo use dekhe baghair boli

"To...kia karti hain aap?" wo wahin khara us se sawal kar raha tha

"Dimagh kharab" is baar wo mur kar boli thi

"Itni frustrated kiyun hain aap kheriyat?"

"Mujhe nafrat h un logo se jo dekhte hue bhi puchte hain 'kia kr rahi ho?' matlab banda puche bhutte bhoon rahi hun khaenge?" wo yakeenan is waqt bohat frustrated thi...or wo khilkhila k hasa tha..jis pe use or ziada tap chari thi

"Itne maze ki batein karti hain aap" wo apni hasi control karte bola

"Is se pehle k ye maze ki batein koi a k hamare hi mu me thoos de apna kaam karein"

"Oho aapne mujhe baaton me laga dia me to sirf ye puchne aya tha k company k CEO yani Boss ko dekha h aapne?" wo chand lamhe baad yakdam bola

Usne aankhein band kar k is dafa lamba gehra sans lia

"Ji dekha h" wo kaam chor k peeche mur kar us se baaton me masroof ho chuki thi, jaanti thi usne na talaya to wo bhi baaz nahi ayega

"To abhi kahan hain wo?" usne sawal kia

"I don't know"

"Lekin abhi aapne kaha aapne dekha h" wo uljha

"Kai baar dekha h kaha h mene, unka pata pata h mujhe ye nahi kaha"

"Intelligent" wo muskuraya

"Ab aapki ijazat se me kaam kar lun?"

"Lagta h aap bhi nayi hain yahan" usne kaha

" 'BHI?' " usne sawal kia

"Ji mene bhi aaj join kia h" usne khushi se bataya

"Oh..mujhe laga aap pehle se hain mene hi dhiyan nahi dia aap pe" wo hath me kuch files uthaye chair se khari hoti files par nazrein doranay lagi

"Me pehle office me job kar chuka hun mera ab yahan transfer ho gaya h" usne bataya

"To aap k lie to masla hi nahi hoga saray kaam minto me done, ha?" wo use itna bhi bura nahi laga tha

"Ji exactly..or agar aapko bhi koi help chahie ho to I'm just here" usne apni table ki taraf ishra kia

"Thank you" wo muskurai

"My pleasure" wo bhi muskurate hue us se batein karne me masroof tha
____________________________________

Target: 1k reads. Then i'll update the next part.

Plz don't ask me when will i upload another part. Me har part k neeche likhti hun k next part target complete hone par ayega. Abhi story writing complete nahi hui h, humne jitne parts likkhay hain wo sub hum aik sath upload nahi kar saktay! Kabhi story aage likhne k lie pichle kuch parts me changes karne partay hain, edit karna parta h. If you want k parts jaldi aye, target jaldi poora ho to you've to share the story.And plz plz don't leave negative comments! It's only disappoints and demotivates us. We're trying our best from almost an year now! Agar koi ghisi piti si typical story chahie to wo me do din me likh dun, but ye story hum thori different likhna chah rahe hain. We also want k story jaldi khatam ho, believe me it's really difficult to write a story and specially jab uspar negative comments bhi hon. Plz compromise! I hope you guys understand. Believe me, story will be worth reading. JazakAllah 🤍

Show some love by voting and also do comments :)

Hope You Enjoyed♥︎