روايـــــــة "رقـــــــــــــــص الســـــــــــــــراب"
بقلم اسيا الشمري
للتواصل Asia__313
البارت السابـع
متابعة للحساب والتصويت والتعليق بين
الفقـرات لطفآ
∞∞∞∞∞∞∞∞∞∞∞∞∞∞∞∞
امشي خطـوة يجوز يطلع مو سـراب وتنفتحلك عيـن ماي وترتوي! يمكن تلاگـي بطريقك حـب عظيم ليش گاضيها بغرفتك منطـوي يجوز تلگـى بصفحـة مضمون الكتـاب بغير صفحة تشوف مفهوم الطوي وميز الأيام اللي يمـرن عليك وعيش باچر ولا تعيش البارحة وفتش بحيطان بيتك تلگى باب گبل لا يندك أريدك فاتحـه والمواقـف عيشهـا وخلكك طويــل حتى تتحمل وجعها وتحتـوي
...... ........ ..........
مريـــم
غمضت عيونـي اتمنى اللي شفته حلـم مو حقيقة هذا الرجال نفسه اللي چان يباوعلي البارحة گضى الليل ويايـه! شلون هيچ اعصر برأسي اريـد اتذكر شي مدا اتذكـر شي فتحت عيونـي من جديد وهم شفتـه! نزلت دمعة حـارة من عيني حرگت خدي!
دمعـة خسارة
سحبت ايديه مني وگمت حاولت الملم ما تبقى مني بس اني ما بقى مني شي ضعـت صرت رشة تراب رشوني وتوذرت! گعدت الملم ملابسي اللي متناثرة بالغرفة لبستهن واني قرفانـة من نفسي!
سمعت صوت هذا الرجال گال ها گاعـدة بالله اني شستفاديت البارحة منچ خبصتني الحجية سعاد بيچ ودفعت كومة فلوس عليچ بس عبالك نايملي ويه جثـة! بعد اذا اطلعچ لا تشربين هواي
كلمة لا تشربين هواي! بقت تتردد برأسي واستغربت منها يعني اللي شربته البارحة واللي قبلها هذا عـ..رك!
شنو هاي الأنتقالة من بنية طالبة مؤدبة محترمة الى وحدة رقاصة وشرابة عرك ووو .... ما گدرت انطق هالكلمة يعز عليه انطقها مريم القديمة ما تريدها مريم القديمة چانت تريد تعيش عيشة طيبة شريفة ما تريد يستمتع بجسمها الرايح والجاي! مريم القديمة طفلة يتيمة مظلومة مغتصبة من قبل عمهـا بس هسه اه شصرت من وراك يا عمي شوفني شصرت رجال غريب يگول دفعت بيچ هواي!
صرت اتسعر وانبـاع
وصلني هذا الرجال للسكن الصبح اغلب البنات نايمات دخلت للحمام فتحت الدوش اني ولابسة ملابسي! وما حاسة بشي حتى الماي ما احس بي لما بللني! چان شتاء نزعت ملابسي وفتحت الماي البـارد وباوعت على الأثـار اللي بجسمي من ليلة البارحـة! اغسل بيهن وافرك بيهن كل حيلي ما راحن! بنص الماي البارد وما احس على شي چان كل همي يروحن هالأثار اللي بجسمي بس ما راحن زلغت جسمي وصار يطلع منه دم وهم ما اختفن!
طلعت من الحمام ارجف تغطيت ونمت طول اسبوع اني مريضة ومسخنـة شوية شوية صرت زينة شگد تمنيت امـوت وما متت ! كم مـرة رحت خليت السچينة على وريدي بس اخااف! ما اگدر انتحر اني اخاف من الموت! هو لو ما اخاف منه چان واجهته وخليتهم يگتلوني احسن من هذا العذاب!
YOU ARE READING
رقص السراب
Romanceفتيـات جميلات وليالــي حمـراء وموسيقـى صاخبة يتبعهـا آثار في الجسـد والـروح واجسـاد متهالكـة في النهـار! عـن رجـال تركوا خلفهم مبادئهم وكراماتهم وأنسانيتهم عن رجـال قاموا بقطف الأزهـار البيضاء وقرروا تلطيخهن بـنقاط د.م! سيترتب مستقبلهن عليها فيما بع...
