روايـــــــة "رقـــــــــــــــص الســـــــــــــــراب"
بقلم اسيا الشمري
للتواصل انستا Asia__313
البارت الخامس والاربعون
متابعة للحساب والتصويت
والتعليق بين الفقـرات لطفآ
∞∞∞∞∞∞∞∞∞∞∞∞∞∞∞∞
حسيت روحي بلشت تنسحب مني شفته قرب شفته على ركبتي كلها ثواني وصار ضوة قوي بعيوني درت وجهي وشفت سيارة قاسم
سايق الحجية همين اندار هو شاف سيارة قاسم ضحك نزل ايده من حلكي شهكت اخذ نفس بأيد دافعني على السيارة وايد خلاها بالسيارة مدري شيدور باوعت على سيارة قاسم مبتسمة شفت بابها انفتح راح ينزل وينقذني
غابت ابتسامتي من شفت سايق الحجية شايل بأيده مسدس ووجهه على قاسم!
صحت بصوت عالي-لااا تجييي قاسم ارجع
ماحسيت غير سايق الحجية كام يركع رأسي بجامة السيارة
-لچ تخاااافين عليه تخاااافين على الخنزير
انداريت من سمعت صوت قاسم صرخت بوجهه
-لاااا تتقرررررب روووح قاسم ارجعع ارجعع
وقاسم ولا يهمه بعده يتقرب خلاص راح يموت
لزمت سايق الحجية من وجهه درته عليه
-اتطلك من قاسم وارجعلك بس لاتكتله
حچاها وهو مركز بعيوني-تحبينـه؟
هزيت رأسي بـ لا
-اني تزوجته حتى انتقم منه اكرهه هو باعني للحجية يمكن اكدر اتقبلك بس هو لا
عيونه صارن يلمعن بفرحة
-ممكن تتقبليني؟
نتزوج وتصير عدنا عائلة ؟
درت عيوني على قاسم يباوعلي مصدوم بكلامي توسلته بعيوني يوكف بمكانه ،تمنيت لويفهم اني دااحچي هيچ حتى سايق الحجية يهدئ واخذ المسدس من ايده
بس سايق الحجية چان بباله غير شيء
اندار على قاسم ورجع رفع المسدس بوجهه
يباوع عليه ويحچي
-لازم يتحاسب على اللي سواه بيچ
حسيت عيوني غوشت غمضتهن ونزلن دموعي مثل النهر صحيح اكره قاسم بس مااريده يموت تعودت اضوجه وانكد عليه ابچي واحچي بصوت مبحوح مااعرف كلامي راح يخلي سايق الحجي يفور من العصبية
-مااكدرر اعيش بدونه ،تعودت عليه اذا آذيته اتآذى
واذا مات يمكـن اموت وراه
مااحس غير رفع ايده وضربني على حلكي هي كلها لحظات واحسه انسحب مني ومااسمع بس صوت الضرب نزلت بالكاع منهـارة خليت ايدي على حلكي انترست دم
YOU ARE READING
رقص السراب
Romanceفتيـات جميلات وليالــي حمـراء وموسيقـى صاخبة يتبعهـا آثار في الجسـد والـروح واجسـاد متهالكـة في النهـار! عـن رجـال تركوا خلفهم مبادئهم وكراماتهم وأنسانيتهم عن رجـال قاموا بقطف الأزهـار البيضاء وقرروا تلطيخهن بـنقاط د.م! سيترتب مستقبلهن عليها فيما بع...
