رقص السراب

البارت السادس والعشرون

روايـــــــة   "رقــــــــــــص الســـــــــــراب"

بقلم اسيا الشمري
للتواصل Asia__313

البــارت السادس والعشرون
متابعة للحساب والتصويت والتعليق بين الفقـرات لطفآ
∞∞∞∞∞∞∞∞∞∞∞∞∞∞∞∞∞

لو أني أعرف خاتمتي ما كنت بدأت ...

- نزار قباني

...........      ..........

""ضحــى""
اباوع على نفسي بالمرايـا كُلش حابة الفستان اللي لابسته انداريت لمريم اسئلها واني اعرف شنو جوابها بس حتى ارضي غروري

-مريم باوعيلي هذا الفستان حلو مو

-اممم يي يلوكلچ الأسـود

-اشيل شعري لو اعوفه مفتـوح

-شعندچ رايحة اذا هي حتى الحجية مادازة عليچ

حچيت واني دا اخلي حمـرة باللون الأحمـر الداكن -ادورلـي صيده

-ههههههههه يا خوفي انتِ تنصادين

-هه مو بالحيـف لچ اني ضحـاوي

-لو بس اعرف شداتصخمين لوو ما داتجمعين فلوس حريتچ شتسووين بالصيدات لعد

بأستعجـال-بعديـن افهمچ بعديـن هسا عندي شغل

تقربت عليه حضنتني بادلتها بحب
-اهتمي بنفسچ ضحاوي لاتخلين بالي عليچ

-حبييي مرايـم الحلوو نااامي واطمئني
محد يگدر عليه اني

مريم راحت واني لبست كعبي انتظر سايق الحجية يوصل دكت عليه سُرى صوتها مدري شلونه
-شكوو شبيچ
-مابيه شي انتِ شلونچ زينة هم اكو احد خابرچ

حچيت بأستعجال-لا منو يخابرني بعده الولد اللي هددنا مامحددة موعد استلم بي الفلوس منه
-ليش مستعجلة شعندچ
-السايق على وصول اريد اروح اشوف الحجية اليوم
-لااا لا تروحين اليـوم اخذيلچ فترة اسبوعين شهر شعندچ رايحـة

-هاي شبيچ عندي مبلغ اريد اوصله الهـا وبلكت اشوفلي واحد زوج يطلعني انومه واشوف بلكت عنده شي ابوكه
-الحجية من تجي للسكن انطيها المبلغ هالفترة لاتطلعين من السكن
-اهووووو سُرى شلحيتيي ماتكليلي يلااا الساايق وصل بعدين احچي ويـاچ
هستوها تريد تحچي قاطعتها يمعووودة شبيچ لاحكين على الحچي شنووو راح اطيير لو انتِ تطيرين يلاا عمري نحچي بعدين

وصلت للملهى صعدت لغرفة الحجية
-مسـاچ اللّه بالخيـر حجية سعاد

خليت الفلوس على ميزها باوعت عليهن
بعدم اهتمام
-لشوكت تبقين تنطيني هالتفاليس