شيزوفرينيا خاصة

الفصل السادس _ قرية الظلام

كان قرار مروان بالذهاب لتلك القرية قرار ليس بيده من الاساس..فلقد هدده ذلك الشخص المجهول الذي قد وضع حياة اهل مروان مقابل تنفيذ ما يريد..

الذهاب كان صعب نوعا ما فيها قرية بعيدة جدا عن محطة القطار..فلقد ظل مروان حوالي تسع ساعات كاملين في الشوارع ليعرف مكان تلك القرية..

كانت كل الامور طبيعية حتى رأه شخص يمشي في القرية..وبدون اي مقدمات قد صاح الشخص قائلا

"اخيرا..اخيرا يا كلب يا نجس لقيتك بنفسي تعالى دانا هموتك"

فر مروان هاربا من الرجل الذي يركض خلفة بسرعة رهيبة..كان خوف مروان كبير بسبب ان الشخص الذي يركض خلفه ليس بشخص واحد بل بعدة اشخاص..ظل الاشخاص يتزايدوا تدريجيا الي ان اصبحت القرية بأكملها تجري خلفه.. وهو لا يعرف ماذا فعل لكل هذا..

ظل راكضاً هكذا حتى وجد امامه بيت مفتوح وفتاة تأمره بالدخول فورا قبل ان يُقتل من الذين يركضون خلفه..دخل مروان واخذ بعض الماء لكي يشرب وصاحت فيه الست قائلة

الست : انت اي اللي جابك هنا تاني مش كنا خلصنا

مروان : انا اي وانتي اي ومين دول واي اللي بيحصل

الست : انت بتتريق عليا انا لو مكانك مكنتش عتبت البلد دي تاني انت ناسي انت عملت اي فينا وفي اهلنا

مروان : انا عملت اي طب نفسي افهم والله

الست : لا انت عارف انت عملت اي..عارف كويس كمان ولا نسيت يا سي داغر

مروان : انتي بتقولي اي داغر مين

الست : ايوة ايوة ايوة اعمل عليا الشويتين بتوعك بعد ما وعدتني بالجواز

مروان : انتي هبله يا ست انتي دانتي قد امي اوعد مين بالجواز ثم انا اصلا اول مره اشوفك والله

الست : انت عايز اي تاني يا داغر

مروان : طب بصي طب يا ست انتي طالما انتي مش مصدقة اني مش داغر هل بذمتك ده وش واحد او صوت واحد وعدك بالجواز زمان زي مانتي قولتي..انتي بتهزري

الست : الصراحة في دي عندك حق انت فعلا شكل وشك صغر كده ليه

مروان : يا ست انتي بتقولي اي هو فيه حد شكل وشة بيصغر انتي بتتكلمي بجد

الست : يعني انت بجد مش داغر

مروان : وربنا ولا اعرفه ممكن تقوليله اي اللي حصل

الست : اصل انت شبهه اوي يمكن الناس اللي بره فاكرينك هو برضك اصل انت مش عارف داغر عمل فينا اي زمان

مروان : لا عارف حوار الحريقة وكده

الست : الله طب مانت عارف اهو يبقى انت داغر

مروان : يا ستي الله يكرمك اعرف اي بس انا جاتلي رسالة من واحد اني اجي هنا وبيهددني بأمي وابويا لو مجيتش هنا هيدبحني وانا جيت ومش عارف اعمل اي

الست : لا في دي مقدرش افيديك انا مش عارفة انت بتتكلم عن اي اصلا

مروان : طب مانا مش هينفع اخرج بره الناس اللي بره دي لو خرجت ليهم هيقتلوني

الست : خلاص خلاص فيه باب وراني هديك حاجه تحطها على وشك وتتنكر كده وتخرج وخلاص وشوف انت هتعمل اي

مروان : ابقى شاكر ليكي جدا والله.

عندما ذهبت السيدة لتعطي مروان بعض الملابس لكي يتخفى بها...وصلت رسالة الي مروان تقول

مجهول : الست هتقوم دلوقتي تجيبلك الحاجات عايزك تاخدها وع الفجر كده تروح بيت*****هتلاقي فيه سرداب جنب منه افتحة وانزل ومتخفش البيت لو سألت عليه اي حد هيدلك عليه

مروان : انت عرفت ازاي بحوار الست ده

مجهول : تؤ تؤ يا مارو مش احنا اتفقنا اننا مش بنسأل عيب كده

مروان : اما نشوف انت حكايتك اي

خرج مروان ليلا وتوجه الي المكان المراد حينما سأل عنه بعض الاشخاص ووجد بالفعل السرداب..نزل الي اسفل فوجد شموع في كل مكان وصور لمروان وهو صغير معلقة على الحائط..ووجد كرسي في منتصف المكان امام مرآه شبه محطمة وسمع صوت يقول له..

_اقعد يا مارو على الكرسي اقعد_

*انتهى الفصل السادس*