#مراس_الدعجاء
للكاتبة هدهد
لا تنسون التصويت والمتابعة للحساب وتعليقاتكم الي احبهم 🌿🎀
✤———————————————✤
-سمي وأدخلي بيتج
درت وجهي اله متصنمة وحجيت
-بيتي؟
أبتسم وحضن أيدي
-بيتنا
سحبني وياه لجوة وشفت بأيده الثانية جنطة مال ديباج جبير واستغربت
تجولت واندارت عيوني بكل البيت وجان حلو حيل وأثاثه مميز
فتح باب غرفة ودخل وتعجبت بجمالها .. جانت غرفة نوم وكل شي بيها بس ناقصها غطاء الجرباية وهو حجه يقاطع تأملي
-عاونيني
حط الجنطة الي بأيدة بالكاع وفتحها جان ديباج عرسان ابيض سادة بس شكلة يجنن
وجان شتوي
طلع الجرجف اول شي ومده الي وگال
-حطي من يمج واني احطه من يمي
-ها؟
-سهله اوگفي من هالجهه
تحركت وياه وبدينا نرتب بالجرباية والديباج واني ما مستوعبه حتى
صحيت من صفنتي واحنه نحط بالكوشات كآخر لمسه وهو فتح واحد من المجرات وطلع معطر وبدأ يرش بأنحاء الغرفة كلها
-عثمان فهمني من وين اجه هذا البيت؟
ابتسم ورجع المعطر بعد ما خلص وباوعلي
-هذا بيتي مشتري من فترة كم شهر حتى نتزوج بي
فتحت عيوني توني استوعب وحجيت
-ليش لعد توني اعرف؟
-مفاجأه
هزيت راسي وهو سحب أيدي يحجي
-هنا راح نسوي ليلة عرسنا ما نروح للفندق
حاولت اغلس على كلماته من خجلي من الموضوع وبعدت نظراتي لغير مكان
هو ابتسم وگال
-تريدين تأكلين شي هنا؟
-لا خلينا نطلع
جنت أحس بخجل وتوتر واني مستوعبه انهُ هذا بيتنا والمكان الي راح نصنع بي لحظاتنا كلها.. هز راسه وأبتسم وطلعنا وهو ما ترك أيدي
ŞİMDİ OKUDUĞUN
مراس الدعجاء
Aksiyonمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
