#مراس_الدعجاء
للكاتبة هدهد
لا تنسون التصويت والمتابعة للحساب وتعليقاتكم الي احبهم 💓
✤———————————————✤
-احـبج يا كل واهسي وليلي الحلو
فتحت عيوني بكل توسع ما مستوعبه شگال وبقيت ارمش بوجهه مستغربه،
هو ضحك بوجهي وگال
-شبيج خنستي؟
-عثمان شگلت؟؟
-شگلت؟
-احجي صدك ، انت شگلت توك؟
ضحك وتقرب من وجهي ما يفصلنا الا مسافة صغيرة وگال كلمتين خلتني ارجف بمكاني من التأثر
-احبج ليلي
سحبت نفس واحس الدنيا صارت ورديه وابتسمت بوجهه حيل فرحانه ورديت
-احبك عثماني
ضحك وحضنّي وبدت ليلتنا الطويلة بكل خير
اكلنا وشفنا فلم وضحكنا وسهرنا وضربنا الدوام بعرض الحايط
بعض اللحظات مان گد ما هيّ حلوه ودك تسويلها ركن خاص بذاكرتك وتبقيها كل ما تزعل ترجع تتذكرهم وتفرح
بوقتها تمنيت نعيش بهاي اللحظة سنين وأحنا نعيش احلى لحظات حياتنا
-
واگفه بالمكتب أرتب بالأوراق بعد ما خلصت والصداع فاتكني فتك ومن الصبح ميته هلكانه احس روحي خايرة وتحركت للكافتيريا بس اول ما دخلت وشميت ريحة الاكل والناس گلبت معدتي وبسرعة ركضت للحمامات أرجع كل شي بمعدتي
بقيت لمده اتقيأ لحد ما حسيت روحي طلعت مع كل عصرة وانتهيت ،
سحبت كومة مناديل وبقيت أمسح دموعي الي طلعت و وگفت غسلت وجهي وأحس زاد صداعي
تلگتني وحده من البنات الي وياي بالمكتب اسمها فاطمة
-فاطمة: بسم الله عليج حبي شبيج؟
-ما اعرف ميته تعب وإرهاق يمكن ماخذه برد أمس
-فاطمة: شصار وياج حبيبي؟ تعالي ارتاحي
تمشيت وياها للمكتب وكل البنات اللي هناك حاوطني يسألون عن وضعي
-ها قلبي شبيج مو على بعضج؟
-ليالي: ما اعرف الصداع نهشني
-شعجب مو من عوايدج وجهج حيل اصفر اخذي اجازه
بين ما نسولف وحده من الموظفات شويه جبيرة بالعمر حجت
-ولج بس لا حامل؟
YOU ARE READING
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
