#مراس_الدعجاء
للكاتبة هدهد
لا تنسون متابعة الحساب 💛
والتصويت والتعليق على كل فقرة احب تعليقاتكم 🎀
✤———————————————✤
رُغم فرحة الحمل والشعور المختلط بالفرح والخوف والحماس وكل شي
بدت معاناتي من الوحام اول 3 اشهر تدمرت
عفت شغلي من التعب وكله لو نايمة لو اكعد اتقيأ مباشرة
ضعفت حيل وصرت هزيلة
لو اشرب مي بس إطلعه من بطني وحرفيًا عشت على المغذيات وعثمان خطية حيل تعب وياي مستحيل انسى وگفته
كل وقته يروح الي حتى صار يقصر بدوامه وياخذ هواي اجازات ومرات أني اخلي غصب يروح لان شغله مهم ويحبه ما اريد ينطرد منه
جان يطبخ اشكال الوصفات حتى بلكي آكل واني لو اكل وحده منهم هم اذبها
عصاير طبيعية تارسه الثلاجة
دخلت فترة الله الي يعلم ردت اموت بيها
بس الحمدلله بنص شهري الثالث بديت أستعيد عافيتي وخلصت من المحاليل الي زرفت ايدي وشوهتها
بديت شويه شويه أميل للأكل أحسن وقلت التقيؤات عندي الحمدلله
بعدها بدت شغلة الوحام وماخليت حامض ما اشتهيته والكل من اهلي واهله يعرفون وما مخلين شي اشتهي ما يجيبوه
بحيث صار الكل اول ما يجينا يتطمنون كل واحد بيده علاگه ليمون هههههههههه
واني اگطع ليمون واحط فوگاه شطه وسماك واكل
سمنت بالشهر الخامس كُلش وطلعتلي كرشه صغيرونه
واگفه گدام المراية ولابسة تيشيرت ضيك صاير مرفوع فوك بطني ومبينها لان صايرة بارزة .. حاولت اشفطها بس ما گدرت وحسيت بأصابعه تتسلل من وراي وتحاوط بطني
-عاجبك الكرش؟
-يا كرش هذا أبننا
-هيج رأيك ؟
-شبيج متخبله؟ أكيد
-ما اريدددد اسمن شوف ملابسي صغرت عليه شلبس بعد؟
فرني تجاهه وباوع لجسمي من فوك لجوه يفكر وبعدها حجه
-ما أشوف إلا جمال بربج أسمني زيادة بعد
خزرته وضحك ورجعت احجي بقهر
YOU ARE READING
مراس الدعجاء
Actionمرات تندم أشد ندم على قرار تاخذة بدون تفكير -أي مثل حالتي هسه، حزام الكاميرا ملفوف على رگبتي وواگفه بمكان أظلم بعيد شوي عن الشارع الرئيسي الفارغ بهالمكان.. شلون انثولت وأجيت؟؟؟ خلي أوصف الكم المكان، گدامي سيارات سباق تتحضر حتى تنطلق وانا شنو دوري؟ أ...
