كل ليله هي ظلام

"البارت (7)"

"""""""""""""""""""""""
شلونك ؟
بالتراب شلون كَاضيها ؟
هيج بصُورتك ضليت احاجيها .
المفروض الوَرد يندفن بالبُستان .
شجابك للكُبور شَعرفك بيها ؟💔
""""""""""""""""""""""""""""""""""""

#كل ليله هي ظلام

بقلم زينب 🕊️

تصويت وتعليقاتكم الحلوه فضلا ورداتي 🌹

.

.

.

نور:: دخل سيف وراه غيداء دخلت حييل حضنت

امهه وكابلتهه وضلت تدك علا وجهه وتكول ماات يمه ماات كتله فؤاد مات وعمتي تريد تفهم السالفه

ومن كالتلهه كتله فؤاد شهكت حييل ووكعت بقيت متصنمه بمكاني وواكفه علا بايات الدرج الاولى

منصدمه حييل واكول لا فؤاد لا ميسويه ليش كتله ليش هيج يسوي ويدمر حياته ويصير مجرم بين الصدمه والتفكير حت دموعي تنزل بدون ما احس

طلع سيف والسلاح بأيده ولمن وصل للباب اجو ولد عمه وهما واسلحتهم منضرهم مرعب وحده يخليني

افكر واكول راح يكتلون اهلي كلهم ومنو اليكتلهم زوجي راح يكتلهم

فزيت من اجت عمتي جرتني من شعري وصعدت فوكايه وبدت تضرب بيه وتزلغ بوجهي شعري اخذته

كله بأيدهه حت كمت ما احس من الضرب دفعتني حيل طك ضهري بالدرج شاغت حت روحي كعدت

بالكاع اشهك وابجي اريد بس اكوم ما اكدر تفكيري كله يم اهلي وفؤاد ليش سوه هيج واني اصيح عليهه

-   شكوو عمه عوفيني اخخ يمه تعاليلي فؤاااد الحگلي يبووو

-   لجج كله من اخوووج العاار كتل ابني يا چلبه اليوم اربيج وين تروحين من ايدي

بالگوه خلصوني منهه  طلعت بره تصرخ

بقيت ابجي واشهك اريد اصعد للغرفه جسمي كله يرجف اخخ يا وجع كلبي هس شجاي يصير وين اهلي اريد اشوف واحد منهم اريد ياخذوني منا
ما اريد ابق غير يموتوني

غيداء وعمتي طلعن اخذوهن للمستشفى لزمت طرف الدرج ولازمه ضهري ووجهي كله تزلغ وضربات

ردت اصعد وسمعت هوست نسوان دخلت ويصرخن
درت وجهي عليهن شو هذن شافني وحدي واجت مرت عمته متشمته بيه وتكلي اهلج الكتلو وماراح يرحمونج وراح تتعذبين جا كتلوا اهلج ابنهم وراح تعيشين حالج حال الفصليه ما بيه بعد حت حيل

صعدت اول بايتين وسمعت صوت بنيه تكلي
يطلكها قابل تضل عنده لو يتزوج عليهه ويكسر خشمهه وخشم اهلهه

ردت اشوف منو هاي الحجت ولمحتهه زهراء واكفه منتجيه علا الحايط وبوجهه ابتسامه حقيره

وتحجي والنسوان يأيدنهه علا كلامهه رحت عليهه ركض ولزمتهه من شعرهه جريتهه والنسوان شو هجمن عليه وجرني منهه وهي تغلط وتسب باهلي