كل ليله هي ظلام

البارت "(12)"

""""""""""""""""""""""""""
وصل بيه التعب احسد ال بتابوت
–يراودني المغيسل من بعد واحه –
من گد العذاب الضگته والوعات
–احس اهل المگابر حيل مرتاحه –
"""""""""""""""""""""""""""""""""""

#كل ليله هي ظلام

بقلمي ::‏ زينب 🦋

نور ::توجهت ناحيه الباب التفتت وراي ماشفت احد وبهدوء بدون اي صوت فتحت باب اابيت الرئيسي وطلعت

رگضت بكل ما عندي سرعه الشارع فارغ وبس صوت الكلاب تنبح بس ما عندي اي مشاعر خوف

امشي الى لا شيء ما اعرف وين اروح وشسوي صرت بعيده عن البيت وصلت شارع عام وبس سيارات تمشي سريع

وگفت تكسي واني جسمي يرجف وما اعرف وين اروح وافكر اذا لگاني سيف يگطعني ويذبني للجلاب اللي بالشارع

وگفت التكسي صعدت وياه وهو مستغرب صعدت والرجفه بجسمي وگلتله يوديني علا المكان اللي بيه اهلي ما اخذت وقت هوايه ووصلت

نطيته الكروه وهو عيونه تراقبني بقه واگف منتضرني وين اريد اروح توجهت علا بيت اهلي واني خايفه دگيت الباب محد فتح

باوعت للبيت من بره ضلمه ودگيت مره ثانيه وثالثه عالباب ومحد فتحلي الدنيا ضلمه واني وحدي بالشارع ابجي وادموعي ما نشفت

توجهت امشي لبيت عمي ابو سمر هما اقرب اليه
تمشيت وفتت بدربونه ضلمه ضليت خايفه وارجف

لمن وصلت بيتهم دگيت الباب هوايه ومحد فتحه
دگيت الجرس مرتين شويه  وسمعت خطوات تتقرب يم الباب

رجعت لوره وسمعت قفل الباب نفتح واللي طلع عمي ابو سمر نصدم لمن شافني ونتر بوجهي شجاابج

-  عمو وين اهلي ليش ادگ الباب ومحد يفتحهه عموو ما الي احد والله ذلوني وتزوج سيف عليه تزوج عمو گلي شأسوي واهلي وينهم

- شوفي نور اهلج راحوا غير محافضه واني متبري منج ما اتدخل بيج خووش والدرب الجابج يردج

ما اريد مشاكل من وراج وتدرين برجلج سيف اذا لكاج يمي يسويلي مشاكل واني ما عايز هوه مشكله اهلج
وخلصنه منهم وسافروا واني وعمج حسين زوجج گال الا تتبرون منهه تره ما تخلصون مني

وارجعي لبيت رجلج اني ما مسؤول بيج ارجعي خووش

ورگع الباب بوجهي بقيت مصدومه بمكاني وادگ
بالباب وصحت عموو الله يخليك بس گلي وين مكان اهلي

حباب عموو والله لو امووت وما ارجع لسيف هوه تزوج وما ارجعله عمو بس دليني مكان اهلي واني اروح

رجع فتح الباب وهو يفشر عليه وعبالك وحده غريبه گدامه مو بنت اخو

انطاني عنوان اهلي فرحت واخيرا راح اروحلكم
وگفت بوجه عمو وگلتله انت بلا شرف وما عندك غيره خليهه ببالك ما عندك غيره