"ခွပ်...စောက်သုံးတစ်စက်မှမကျတဲ့ကောင်တွေ...မင်းတို့အကုန်သေနေ့စေ့ပြီ"
"မလုပ်ပါနဲ့...မလုပ်ပါနဲ့ သခင်ကြီးရယ် ကျွန်တော်တို့ကို ချမ်းသာပေးပါ"
ထိုအသံများသည် တော်ဝင်ပန်းမာန်အဖိုးဖြစ်သူ သခင်ကြီးတော်ဝင်သွေး၏ စံအိမ်မှထွက်ပေါ်လာသော အသံများပင်ဖြစ်သည်။သခင်ကြီးတော်ဝင်သွေး၏ ထိုးချက်များကြောင့် သူ့လူယုံနှစ်ယောက်၏မျက်နှာများသည်လည်း သွေးတလုံးလုံးနှင့်ကြည့်ရဆိုးနေလေပြီ။
"ငါက မင်းတို့ကို ဆူးမာန်ရစ်ခွေရဲ့အိမ်မှာ သူလျှိုအဖြစ် အားနေလို့ ထားထားတယ်များ ထင်နေတာလား...ဟမ်"
"မဟုတ်...မဟုတ်ပါဘူး"
"မဟုတ်ရင် ဘာဖြစ်လို့ မနေ့က ဆူးမာန်ရစ်ခွေ ဂေဟာကိုရောက်မလာခဲ့ရတာလဲ...ဟမ်...မင်းတို့ ငါ့ကို သစ္စာဖောက်လိုက်တာပဲ"
"မဟုတ်ဘူး...ကျွန်တော်တို့သေချာကြားလိုက်တာ သူသူ့လူယုံနဲ့ပြောနေတာကို တကယ်ကြားလိုက်ရတာ...ဒါပေမယ့် ဘာဖြစ်လို့ရောက်မလာလဲတော့ ကျွန်တော်တို့လည်းမသိပါဘူး...ကျွန်တော်တို့ကို ခွင့်လွှတ်ပါ...ရှိခိုးပြီး တောင်းပန်ပါတယ်"
"ဟုတ်ပါတယ်...ခွင့်လွှတ်ပါသခင်ကြီး"
"တောက်...အကုန်ထွက်သွားကြစမ်း"
မိမိ၏ခြေထောက်အားထိ၍ တောင်းပန်နေသူများအား အားရပါးရကန်ကျောက်ကာ မောင်းထုတ်လိုက်တော့သည်။
ထိုလူနှစ်ယောက်ထွက်သွားသည်အထိ မပြေသေးသော ဒေါသများအား ဧည့်ခန်းတွင်ရှိသော ပစ္စည်းများအပေါ်ပုံချနေပြန်၏။
ရစ်အား လှည့်စားရန် မြေးဖြစ်သူကိုလုပ်ခိုင်းထားသော်လည်း တော်တော်နှင့်အခြေအနေမထူးသည်ကြောင့် ရစ်တို့စံအိမ်ကို သူလျှိုများ လွှတ်ခဲ့သည်။ထိုသူလျှိုများ၏ သတင်းပေးချက်ကြောင့် ရစ်မွေးနေ့တွင် အလစ်ဝင်တိုက်ရန် ပြင်ဆင်ထားခဲ့ခြင်းပင်။သို့သော် သူတို့ထက်လျှင်သော ရစ်က ဂေဟာကိုမလာခဲ့ပေ။ရစ်ထက်ခြေတစ်လှမ်းနောက်ကျခဲ့ခြင်းကြောင့် သခင်ကြီးတော်ဝင်သွေး ဒေါသငယ်ထိတ်ရောက်နေတာဖြစ်သည်။
..................
"ဒီမှာမင်းတို့အတွက်ပိုက်ဆံ...နောက်ထပ်ထပ်ပတ်သတ်စရာအကြောင်းမရှိတော့ဘူး...ထွက်သွားလို့ရပြီ"
YOU ARE READING
"Yit"Is Your Husband
Romance"လောကကြီးမှာရှိတဲ့ လူတွေအကြောင်းကို ခင်ဗျားသိစရာမလိုဘူး တော်ဝင်ပန်းမာန်...ကျုပ်ဆိုတဲ့ ဆူးမာန်ရစ်ခွေက ခင်ဗျားရဲ့ယောင်္ကျားဖြစ်လာမယ့်သူ ဆိုတာကိုတော့ ခင်ဗျားခေါင်းထဲစွဲနေအောင်မှတ်ထား...Yit Is Your Husband" ဝတ္ထုပါအကြောင်းအရာများသည် စာရေးသူ၏ စိတ်ကူးယဉ်သ...
