استغفرالله العظيم..
_
سهم: يلا يلا جاي
هيثم وهو يحرك سيارته: لا تتأخر
سام وهو يلف على سهم: يا سهم استعجل مجهزين فعاليات
سهم: طيب طيب
ركب سهم وشغّل السيارة فجأة سمع صوت محمد الي يركض ويناديه
محمد وهو يلهث من الركض: سهـــــم
سهم لف عليه: هلا
محمد: بروح معكم لو عندكم مكان فاضي
سهم: ايه تقدر تركب قدام فاضي
محمد بإبتسامة: أخيراً سيارة فاضيه
سهم بضحك: مسكين ما لقيت لك مكان
محمد وهو يلعب بشعره: والله شوف كلهم ما عندهم مكان يأخذوني معهم وهيثم سيارته كله مالية وفاهد ماخذ الرياجيل
سهم: اجل اركب
محمد ركب وشغل لهم شيله
ورا عند البنات:
الجود: يبنات شلون نسيت الجلسة هههههه
البندري: لانك تحبين السواقة اكثر منا
الجود: اظن!
لجين كانت تناظرها بحقد وساكته وعذاري ساكتة ما تبي سهم ينتبه عليها..
هيام: ورا عذاري ما نسمع صوتها!!
سهم لف نظره للمراية بسرعة يون سمع إسمها وجت عيونه لعيون عذاري وعطاها ذيك النظرات وهي انخرشت
عذاري: اصص بقص لسانتس لو ناديتيني شوفي نظرات المقفوص ذا
هيام انفجرت ضحك فجأة سكتت على قبصة ملاذ والبندري: ايييي حمارات
هنادي: بنات يلا نبدأ اللعبة
هدى وهي توزع الاكواب: البندري والجود عطوهم اخوانكم
البندري والجود: تم
لجيين: بناتت نلعب صراحة وجراءة؟!
هنادي: لا يا لجين نلعبها في البر احسن من هنا
لجين ونظراتها على الجود: طيب
وصلو البر نزلو ونزّلو اغراضهم والعيال كلهم مسكو الخيام يضبطونهم والبنات يساعدونهم والحريم يجهزون دلال القهاوي والشاهي والأغراض والرجال ماسكين الذبايح ما ارتاحو بعد ما خلصو جلسو كلهم يسولفون ويضحكون ويلعبون والعيال قامو عند الإسطبل..
إسطبل العيال:
فاهد بشهيق: الله اشتقت للخيول كم صار لي عنهم!
سام: اقول فاهد ليتك بس تجيب خيلك نجم هنا المز اخخ يهبللل
فاهد: يا غبائك بس وش يجيب نجم هنا
سام: صح صح صاحبه مو حق البر والطلعات الونيسه
فاهد: ايه زين انك فاهمني
سهم: يعيال نتسابق؟!
فاهد: حلوة الفكرة تم
سهم: يلا يعيال.. قاطّعه ابو محمد
ابو محمد: وين وين انا بتسابق معكم
هيثم بمزح: خالي انت خلاص قدك شايب
ابو محمد نزع عقاله ولحق هيثم الي يركض ويستنجد بسهم: انا اوريك اجل انا شايب هاه
هيثم بضحك واستنجاد: خاللللي تكفى خلاص آسف آسف
ابو محمد وقف وهو يصد عنه: عيال هالزمن صدق ما يستحون وقليلين حياء
سهم تقدم بضحك وباس راسه: اعذره وامسحه بوجهي يعمي
ابو محمد بإبتسامة: ايه والله انك كفو محد يجي على سهم بسم الله على وليدي بس
سهم لف لهم وقعد يلعب بحواجبه
هيثم بتكشير: خااااالييي لا تدلعه يقهررر شوف
ابو محمد: احسن محد طلب رايك
سهم بضحك: والله انك يا عمي محزمي ربي لا يحرمني منك
ابو محمد: آميييين وياك يارب
دخل الجد وبصوت علييي: أجمعييين يارب
الكل: آمييين
ابو محمد بمزح: وش بكم كأنكم جايين تصلون فيه شيء؟!
الجد: يلا يلا اركب يا سلطان نشوف سرعتك عزمت الحريم ترا
ابو محمد بإبتسامة: زين يلا يعيال جاهزين؟!
العيال: ايه جاهزين وانطلقو يتسابقون والحريم جلسو يتفرجون والحماس والتشجيع متواصل ..
بعد ما تعبو قررو ينزلون ويتغدون ويجلسون على شبة النار الهادية والشاي والفروة والسوالف الجميلة والسياسة وهكذا وعند الحريم كذلك..
عند البنات قبل غروب الشمس:
الجود والبندري طلعو واتجهو على إسطبل العيال لانهم ما يدرون وين إسطبلهم وركبو منهم الأبيض والبني الابيض يخص سهم والبني لفاهد..
الجود بحماس: يلا ننطلق!
البندري: يلا جاهزه؟
الجود: yes
البندري: واحد اثنين ثلاثه، وانطلقو يتسابقون جاهلين الشخص يلي يراقبهم سهم الي كان جاي يشوف خيوله لكن لقاهم يتسابقون وهو انبسط على المنظر
البندري بحماس: الجود نعدي من اربع حواجز!
الجود: تممامم
وعدو الحواجز الاربعة باقي حاجز واحد فقط والي هو قدام سهم وصلو عنده وقفزو الحاجز ووقفو وهم يضحكون وينزلون الخوذات من رؤسهم فجأة سمعو تصفيق ولفو شافو سهم ..
البندري بصدمة: ليش انت هنا؟!
الجود نزلت وصدت عنهم وطلعت وخلت البندري لحالها
البندري: يبقرة دقيقة بجي معتس
الجود لفت لها بضحك: تعاليي
سهم بإبتسامة: ماشاءالله أشوفكم متسابقات بخيولنا ليه!
الجود بغرور: عادي ما فيها شيء وفي الآخير الخيول راجعين لجدي
سهم عصب من أسلوبها: عدلي أسلوبتس في الحتسي لو سمحتي
الجود بحدّه: مهو كيفك احتسي زي ما ابي
سهم قرب منها بحدّه أكثر من حدّتها وناظر البندري: البندري روحي للبنات، ورجع ناظر الجود، مو إني عطيتس وجهّ تزودينه
الجود رجعت ورا وبقهر صرخت: وخررر لا تقرب منّت محرم لي البندري خذي أخوتس
البندري ناظرت سهم الي يناظرها بشرار: ااءء انا رايحة لو خلصتي تعالي
الجود بعصبيه: وشش اخلصص منه فكينني من اخوتس السربوت ذا
سهم: سربوتت بعد هاه انا اوريتس الحقيني عند الخيول بتغسلينه معيي
الجود جلست بعناد وحاطة رجل برجل: ما رح اروح وش بتسوي يعني؟
سهم لف عليها: تبيني أوريتس وش أسوي
الجود: ايه
سهم قرب منها وجاء بيمسك يدها واستوعب:قومي تعالي داخل
الجود:لا
سهم: قومي لا اكسر رأس عنادتس
الجود شافت البندري دخلت وخافت وبلعت ريقها: طيب
سهم ابتسم بإنتصار: أخيراً
الجود قامت وهي تمشي ما كأنها خايفه: وش تبي
سهم وهو صادّ عنها نظفي الخيول معي
الجود جلست بخوف بس الي ظاهر من الخارج إنها قويه وما تنكسر:لا ما ابي
سهم بعصبيّه:كلمتي وحده فاهمه
الجود بعِناد: لا منّي فاهمه
سهم تكّى على باب غرفة أحد الخيول وتنهد: ليه العناد
الجود بفهاوه: هاه؟! ..
_
يتبع..
أتمنى تستمتعون.
أنت تقرأ
يـــا سهــــَم طحت في حُبك والقلب عِشقك
Romance_ رواية مدن وديرة سعودية _ روايتنا تتكلم عن المدن وأهلها ومتلامس لعادات وتقاليد الديّار وجلسات سوالف وتجمعات في بيت الجد وتعاون العائلات وقضايا ومغامرات خفيفة وسهم والجود وحبهم..!!🔥 ملهمتنا الأولى اتمنى تنال إعجابكم ❤✍🏻. الكاتبة: مِسك بنت محمد
