يـــا سهــــَم طحت في حُبك والقلب عِشقك

part 24

اللهم إنك عفوٌ تحبُ العفوَ فاعفُ عنّا
_
بعد رجوع أبطالنا من المكة الكل سرا لديّاره ومحتاسين بأشغالهم والصيام وهكذا ومن ضمنهم الجود والبندري هلكانات من الدوام والصيام لكن رغم الظروف مستمرات بهبالهم وطيشهم،
الجود: بنو طفشش
البندري بتفكير: خذي ذا اللابتوب وايبادتس وجوالتس وانا علي الشاي والمسكارات
الجود بشهقة:  وش مسكاراته وبعدين وش نسوي بكل هالأجهزه؟
البندري: نصور ونسوي لنا جو مكسرااااتتت خلاص
الجود: زين خذو الحفتهم ونزلو تحت للحوش وكان برد وهوائها عذب وبارد رتبو لهم الجلسة وحطو الطاولة الصغيرة ولفو الشال على انفسهم من البرد وجلسو يخططون على اي وضعية بيصورون الجلسة ويرسلونها للبنات
الجود: لا شوفي حطي الايباد الأسود هنا والرصاصي عندتس واللاب خليه في والوسط ويلا خذي جوالتس صوري وانا اصور من جهتي
البندري: زين والشاي
الجود: الشاي بيدتس الثانيه
البندري: والمكسرات نحطها على طرف اللاب شرأيتس
الجود: حلو صورو وحطوها استوري وهجمو عليهم البنات يتحلطمون
عذاري: بنات شوفو الجاحدات ما طرت عليهم الفكرة الا يوم رجعنا
ملاذ: عادي حنا بنتجمع في العيد لنا وفعالياتها اكثر وعاد فيها سهراتنا بتبدأ
هيام: ايه خليهم يستانسون اكيد طفشانات
عذاري: طيب وانا لحالي في البيت محد عندي
هيام بضحك: مقهورة عشان تسذا اويلي منتس
لجين: يالبييه وراكم يبنات ما عزمتوني
البندري: نسييييتت انكم في الرياض حياكم تعالو حنا طفشانات
الجود: حمااااسسس بنات خططت وش نسوي
هدى: جوجو امي تقول اتصلي عليها مشتاقة لتس
البندري بهمس: شعندهم صارو طيبيات معتس فجأه
الجود بضحك: مدري بشوف عاد هدى وفاهد الوحيدين الحليلين
البندري: ايه يووه رائد يتصل
الجود: اعع انتي ورائدتس
البندري: لا تصكينا عين يا بنت "غمزت وكملت " لا اصكه فيتس انتي وسهم
الجود رمت عليها المنديل: قمت قلب السوالف الي عندتس
البندري ضحكت وكملت طريقها: عاد تحمليني
الجود: بتحملتس لين ربي يفرجها وياخذتس رجلتس
البندري: عيببب يا ماما
الجود: خلاص رائد ياخذتس
البندري: ايه تسذا توتس بزر ما ينفع تقولينه
الجود: بنو توذلفي
البندري ضحكت ودخلت تكلم رائد
الجود اتصلت على العمة فهدة: هلا عميمتي
العمة فهدة: هلا هلا فيتس الا يا يمه الجود تعالو سيروو علينا وتسحرو عندي
الجود: والله يا عمة جدتي معيية نطلع من البيت حتى ما خلتنا نطلب
العمة فهدة ضحكت بحنيّة: يعمري عليتس اجل بجي انا
الجود: تمام توصلين بالسلامه
العمة فهدة: يلا مع السلامه وقفلت
الجود: علامها اتصلت تبيني اسير عندها غريبه

بيت العمة فهدة:
هدى: يمه ليه ما قلتي لها في الجوال؟
العمة فهدة: سكتي ابيها لأخوتس صايرة محلوة بزيادة ماشاءالله
لجين بغيرة وبنفس الوقت مستانسه: يمه متى نمشي
دخل فاهد وشافهم يتجهزون: على وين يمه؟
العمة فهدة بإبتسامة: بروح اخطب الجود لك
فاهد بحدّه: يمه ما ابيها افهميني
العمة فهدة: وخيير ان شاءلله ليه ما تبيها وش حلاتها ووش زينها بسم الله على بنت اخوي
فاهد: يمه ما قلت شيء افهمي ما ابيها
العمة فهدة حطت يد بيد وناظرته بغضب: ليه ما تبيها قول لي السبب!
فاهد اردف ونطق: يمه ترا سهم يبيها من وهو في الثانوية يحبها وش ابي بها دام في واحد يحبها
لجين: وهي ما تحبه ولا تبيه
فاهد ببرود وبصوت هامِس: هو يبيها وهذا يكفي وطلع فوق لغرفته
العمة فهدة لفت عليه: شوف يا فاهد ترا بخطب لك من بنات الجيران لو ما تبي الجود وهذا اخر كلامي ما ابي اعتراض
فاهد: بكيفتس يمه
العمة فهدة بفرح: وأخيراً خلاص يا بنات ما رح اروح انا
هدى: طيب حنا؟
العمة فهدة: روحو لهم باتسر اليوم لا صار ليل خلاص
لجين جلست بقهر: يمه حنا اتفقنا معهم اخرتها لا
العمة فهدة: لا يعني لاااا
لجين: يمهههه
العمة فهدة: افف منكم اقول شوفي فاهد يوديكم
ركضت هدى لغرفة فاهد: فاااهدد
فاهد فتح الباب بخوف: وش في بسم الله؟
هدى: لا بس امي تقول ودنا لبيت جدي
فاهد مسح وجهه ونطق: زين تجهزو
هدى باست راسه ونزلت: لجين يلا نمشي
فاهد لبس بلوفر اسود ورفع القبعة ونزل تحت: يلا مشينا
مشو البنات معه وصلو بيت الجد وكان الجلسة فاضيه
لجين بصراخ: يا اهللل البييت وينكم؟
الجود طلعت بضحك: هنيّا موجودين
لجين بضحك: زين على بالي انقرضتو
البنددري: لا وين بننقرض لو اننا من العصر الحجري
هدى بضحك: اشش ادخلو فاهد بيجي
البندري: تمام جووجو خذي الفرشة بندخله
الجود: يالله منتس دخلي شيلي حطي
البندري: وجع وش فيتس علي من اليوم حاقده!
هدى بمزح: تبي الفكة منتس
البندري: أصلاً بمشي لعالمي قريب
الجود: زين كذا بفتك منتس
لجين: اقول امشو امشو يا ورعات
دخلو داخل وقامو يسون لهم حلا خفيف بما ان باقي على السحور ساعه
الجود: بنات بحط جاك العلم
لجين: حطي احلى مسلسل صدز
هدى: انا بنت ابويي بنتتته
البندري: ندري انتس بنت ابوتس
هدى: وانتي حاقدة علي الحين عدّتس جوييّد
البندري: الله أعلم عنها ذي من اليوم تبي الفكة منيّ
جلسو البنات يتفرجون ويبلعون جت الجدة معصبه
الجدة وهي تدق الجود لانها ماسكة الريموت: وصمخ خفضي هالصوتت
الجود فزت بخوف: جدودتي شفيتس خوفتيني
الجدة: خفضي خفضي الصوت
الجود: ابشري خفضته وجلست الجدة معهم تتفرج وتذب بالأشكال
الجدة: علامه ذا شعره طويل كأنه بنيّه؟
الجود: قاعدين يمثلون حق ايام زمان يجده
الجدة: وذي لابسة برقعها في بيتها والثانية لا شال ولا هم يحزنون
البندري بضحك: جدة مو حقيقي ذول
الجدة: ايهه اقول صبي لي القهوة اشتهيته
هدى فاطسة ضحك قالب لونها احمر: جدتي اليوم ناوية علينا ما تخلينا نستمتع بالمسلسل نفس ما حنا ما خلينا تذوق طعم النوم بالراحه
الجدة: فاهمتني زين
هدى: صفقو صفقو جبت الصح
الجود: اقول قومو يلا نتسحر ما بقى شيء
الجدة: ايه تسنعو
دخلو المطبخ وصارو يتساعدون
الجود: بنات جهزت الماسكات وحركات
لجين: بنت ما رح ترجعون  البيت؟
الجود: سألت امي قالت اول يوم عيد في الرياض والثاني والثالث بعد بما ان اهل امي هنيّ
هدى: زين بنستمتع
البندري: مو بس الثالث بيقعدون نص الشهر لأن في عرس وحفلات بسيطه
الجود: يمه عرستس في العيد؟
البندري: ايه
هدى صرخت: بناتتتت احترقققق
البندري فزت: وش احترق
هدى وهي تعض اصبعها بخوف: حليب جدتي
الجود بضحك: ياويللللتسسس
هدى: اصص لا تجي جدتي وتصفقني
لجين: وبتطردتس
جت الجدة بخوف: وش ذي الريحة في شيء حرقتوه
الجود بلقافة: هدى حرقت حليبتس جده
الجدة: اشوف لا يكون حرقتؤ يدتس معه
هدى: لا ما حرقت بس الحليب احترق
الجدة: حصل خير انتبهو يبناتي وطلعت
هدى زفرت براحة: يووهه الحمدلله الا انتي تتعاليي ياملسونه
الجود ركضت برا المطبخ: خلاص خلاص آسفه
هدى: ملقوفة صدز
الجود وقفت فوق الكنب: تسذا ولا تسذا كان عرفت انتس انتي الي حرقتي
هدى رمت عليها النعال اكرمكم الله: هييييينن يا جوييّد ما رح تسلمين مني
الجود نطت من الكنب للدرج: انننننن ما تقدرين
هدى: جووووودددد..
_
يتبع..
حرقت عليكم المتعة وهدى حرقت حليب جدتها هههههههه