مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 2 ~

اليوم الثاني ..
صحت الماس على صوت امها تقومها ، زفرت وقالت : يمه شوي بس
ام نياف : هالحين الاقيتس تحت
تنهدت بتعب وقالت : زين
دخلت تاخذ لها شور سريع ، طلعت تفرفر وسط ملابسها لبست تيشرت ابيض مع بنطلون اسود و تركت شعرها مفتوح و حطت ميكب خفيف جدا ، و نزلت مسرعه
..
ام نياف : على وين ؟؟
الماس : الاسطبل
ام نياف : تعالي افطري ي بنت
قربت تاخذ لها اكل على السريع وقالت : خواني وين
ام نياف : نياف ب المجلس روحي معاه
الماس : خلاص تم
مشت للمجلس وقالت : نيوف
فز وقال : ها
الماس : ودني الاسطبل
ابتسم وقال : اشوفتس رايقه هاليوم
ضحكت وقالت : مره
نياف : اجل انتظرس ف السياره
الماس : مشينا مخلصه نفسي خلاص
نياف : اجل مشينا
ركبوا للسياره و قعدوا يسولفون لين م وصلوا ، ضحك نياف وقال : اوباا
الماس : وش
نياف اشر على السياره الي قدامه وقال : ذي سيارة جراح شكله هنا
الماس بصدمه : كذاب !!
نياف : انزلي انزلي بنزل معاس
الماس : ذا م وراه دوام ؟
نياف : مب الحين دوامه
الماس : زين انت رح له وانا بهرب ل عند نجم
نياف : ايه زين
مشت مسرعه الين وصلت صوب خيلها ~ نجم ~
ابتسمت بحنيه و قربت ل عنده ، وقالت : نجمميي ياكثر الشووق ، ضحكت من تشوفه يحرك راسه ، أخذته للـ خارج و انسحبت ببطء لـ منطقه كانت فارغه ركبت عليه وقالت بكل قوه وثقه فيه : يلااا
ابتسمت بـحُب من بدأ نجم يركض بها ، و شعرها الي تناثر على وجهها ، حست بـ الحريّه و الراحه
~
اما عند جراح و نياف
جراح : وش جابك هنا انت
نياف : الماس هنا
قطب حاجبه وقال : وينها
نياف : هجت عند خيلها
ابتسم و ركب فوق خيله ~ وهاج ~ وقال : اجل استأذنك انا و وهاج رايحين ناخذ فره
ضحك وقال : زين حفظك الله
طار وهاج بـ جراح بكل قوه و عزم ، بلع ريقه وهو يتذكر ملامح وجهها الطفوليه الي استوطنت أعماقه ، ابتسم بخفه و سرعان م لمحها من بعيد وهي راكبه فـ خيلها ضحك يبي يسبقها بدون م تحس فيه و شد على وهاج و تقدموا لين م وصل لها ، كان بينهم مسافه و كان جراح متلثم لأجل م تعرفه ، ناظر وراه وقال لها : وريني سرعتس
قطبت الماس حاجبها و شدت على نجم و كملوا الين م توقفوا عند آخر شي ، قرب جراح من خيلها وقال : ها مو ناويه نكمل ؟
الماس : انت شتبي ؟ رح كمل لحالك
ابتسم في داخله وقال : ليه ليه !
الماس : استحي ع دمك تجي عند بنات الناس ! اذلف من هنا بس
نزل من خيله وقال : واذا م ذلفت ؟
الماس بـ عصبيه : ترا اخوي و خطيبي هنا ! قسم بالله اناديهم عليك
ضحك ينزل اللثمه وقال : مقدر عليتس ي العصبيه
بلعت ريقها بصدمه من شافت جراح أمامها ، تبي تستوعب هي بحلم ولا علم ، ضحك وقال : وش فيتس انا جراح هذاني خطيبتس
ضحكت وقالت : وتررتننيي ياخيي
ابتسم وقال : نكمل ؟
جلست تلقط انفاسها وقالت : اصبر خل نجم يستريح شوي
قطب حاجبه وقال : نجم ؟
أشرت على خيلها وقالت : ايه اسمه نجم
ضحك وقال : عاشت الاسامي
ابتسمت وقالت : عاشت ايامك
ركبت خيلها من شافته ركب خيله و اخذت تمشي بهدوء من بدت تسولف مع جراح بشويش ، ابتسمت وقالت : شسم خيلك
جراح : وهاج
ابتسمت بذهول وقالت : وااو
ابتسم يناظرها بهدوء وقال : م هقيت انتس بتجين اليوم
الماس : عساس انا كنت ادري انك هنا
ضحك وقال : والله عاد اذا ضاقت بي الدنيا او مليت اجي هنا
فزت وقالت : ليه الحين ضايق ؟
ابتسم وقال : لا ابد ملان
زفرت براحه وقالت : ايه زين
جراح : اجل انا رايح ادخل وهاج و بمشي وراي دوام
ابتسمت وقالت : خلاص زين استودعتك الله
ارتعش قلبه من سمعها تستودعه ، ابتسم و لف يقول لها : وانتي لا تطولين ها
ضحكت وقالت : ابد ان شاء الله
~
فـ شركة ~ A.C.H ~
عقاب الي كان يدور حول الشركه ، مشى مستعجل يبي يدخل مكتبه و صدمت فيه وهج الي كانت كذلك مستعجله ، و لفت بـ عصبيه وقالت : وجع ان شاء الله
ضحك بصدمه وقال : وشو وجع ترا انتي الي صادمتني !
وهج بـ استفزاز : طيب م اقصد
قاطعهم صوت ابو عقاب الي قال : شصاير هنا ؟
عقاب : ابد يبه م صار شي
فتحت عيونها بصدمه و انسحبت بعيد عنهم و صادفت العامله الي كانت تنظف وقالت : اسمعي بسالس عن شي
العامله : تفضلي ؟
وهج أشرت بيدها على عقاب وقالت : مين هذا ؟
العامله : هذا المدير عقاب م تعرفيه ؟
قطبت حاجبها وقالت : كيف مدير !! مو المدير سهم
العامله : ايوا صح المدير هو سهم بس كذلك عقاب يكون المدير الي تحته
وهج : وش يصير عقاب ل سهم ؟
العامله : قاعَد و عقاب هم عيال المدير سهم
شهقت بصدمه وقالت : يراسيي
العامله : و ولد عمهم سطّام يشتغل هنا اليد اليُمنى ل المدير عقاب بس انسحب و رجع ل شغله ف الطب
وهج : اها تمام
انسحبت وهج لـ مكتبها وهي تفكر بينها وبين نفسها وقالت في نفسها : ما شاء الله والله عندهم خير !
صدت بعدم اهميه و كملت شغلها
-
فـ المستشفى تحديداََ
زفر وائل وقال : دكتوره عاليه
فزت عُلا وقالت بـ عصبيه : عاليه ميييننن اسمي عُلااا
ضحك وائل وقال : تعرفين ليه هياء كلمت المدير وقالت انها م تبي تكون معي ؟
عاليه : لا والله
وائل : وش بينها هي و سطّام
عُلا : ترا ولد عمها ! او بـ الأصح حيصير خطيبها
فتح عيونه بصدمه وقال : أحلفي !!!
عُلا بـ تعجب : اسمع دكتور وائل انا م اقصد شي بس واضح عليك م تبيهم سوا ، اتركهم بحالهم خلاص خلنا نركز ف الشغل لان حركاتك ذي م حتخلي احد يشتغل معاك ! زي م راحت هياء حيروح الكل
صد بعدم اهميه و طلع من مكتبه
اما عند هياء الي كانت فـ مكتبها تشتغل بـ الكمبيوتر ، قامت بملل و طلعت تاخذ لها قهوه ، صادفت الطبيبه الاء الي قالت : دكتوره هيااء تعالي ضروري
هياء : ايش فيه ؟
الطبيبه الاء : عندنا حالة تمزق ف الاربطه
ركضت هياء و اتجهت مع الاء الى الغرفه ، دخلت لعندهم وقالت : السلام عليكم
ردوا عليها السلام وقالت ام يوسف : يادكتوره تكفين شوفي ولدي شفيه
هياء : استهدوا بالله شي بسيط ما يحتاج كل هالخوف نضمد رجله ( وانتم بالكرامه ) و م عليه شي ان شاء الله
ارتاحت ام يوسف وقالت : وكم بيقعد مربّط ؟
هياء : اسبوع ب الكثير و ترجعون ل عندنا نفكه
طلعت هياء و اتجهت لـ ال كافتيريا من حست بـ ضيقه و كتمه ، قعدت بـ أقرب مقعد كانت الطبيبه الاء هناك ، خذت كوب مويه تشرب وقالت الاء : هيون شفيك ؟
هياء : مدري مدري حسيت بـ كتمه فجأه
الاء : بسم الله عليك ! اطلعي شمي هواء شوي
هياء : روحي كملي شغلتس م عليتس
الاء : اكيد ؟
هياء : اكيد
قامت الاء و اتجهت لـ مكتبها و انسحبت هياء تمشي شوي رغم التعب الي تحس فيه ، صادفها الدكتور وائل وقال : دكتوره هياء !
ناظرته هياء من حست الدنيا بدت تظلم وقالت بصوت عالي : سـ..طا..م
قرب الدكتور وائل و انصدم من طاحت هياء مغمى عليها ، رفعها بـ حضنه و قام وقال بصوت عالي : عُلااا الحقيي علييناا
انصدمت عُلا من المنظر الي قدامها : هياااء ! شفيهاا
الدكتور وائل اتجه بأقصى سرعه لـ أقرب مصعد ، دخل و صادف سطّام الي كان متواجد بـ المصعد و فتح عيونه بصدمه من شاف وائل ماسك هياء وقال : ابن ابوي صدق !
خرجوا من المصعد و أخذوا هياء لأقرب غرفه موجوده
-
فـ ارجاء قصر آل حمد  ...
نزلت عهد بملل وقالت : نوني
فزت نهى وقالت : لبيه ؟
عهد : تكفيين ملل ! هيون مداومه و رهف طلعت بـ سيارتها تتمشى
شهقت نهى وقالت : احلفييي ! الوسخه طلعت و م علمتنا
ضحكت عهد وقالت : شنسوي عاد مشينا الحوش
نهى : يوه تكفين حتى الحوش مليت منه !
عهد : وش الحل طيب
نهى : نادي خويتس وهج تجينا
عهد : مداومه ف الشركه اليوم !
نهى ضحكت و غمزت لـ عهد وقالت : شرايتس نروح لها نسوي لها سبرايز
عهد بحماس : قدااام
نهى : سريناا
~
فـ بيت ابو عباس
دخل عباس وقال : ييمه الحقي
ام عباس : ها شفيك
عباس : جراح ! خطب له وحده
شهقت ام عباس وقالت : وشهووو ؟؟ ومن بنته ذيي
عباس : م ادري دقي عليهم اسألي
رفعت جوالها و دقت على ام جراح ، دقايق و ردت عليها ، نطقت : السلام
ام جراح : عليكم السلام ، يهلا
ام عباس بغرور : هلا فيتس ، شخبارس
ام جراح : بخير الحمد لله
ام عباس : ايه ، وصلتنا اخبار جراحوه خطب له وحده
ام جراح بتوتر : ايوا عسى م شر ؟
ام عباس : ابد بس بنت من ذي
ام جراح : بنت رعد جماعتنا
ام عباس بصدمه : رعد م غيره !
ام جراح : ايه
ام عباس بضحك : ايه زين مبروك مبروك
ام جراح : الله يبارك فيتس
قفلت ام عباس الخط وقالت صفاء : يمه مين البنت
ام عباس بقرف : اخت نياف ذيك الي دايما عندهم
شهقت وقالت : المااس !!! خييير يمه
ابتسم عباس وقال : عندس خطه يمه ؟
ضربته على كتفه وقالت : خل يتزوجها و تقعد اقل معاه اقل شي اسبوع ولا اسبوعين ب الكثير و بتذلف ل اهلها
ضحك بخبث وقال : وش الي فبالتس
ضحكت و غمزت له وقالت : انت تدري
ابتسم وقال : ازهليني
صفاء : يمه !! خذا له بنت الناس ولا خذا له بنت عمه ؟ وش ناقصني انا
ام عباس : اسكتي انتي م تسمعيني اقول بتذلف بيت أهلها
صفاء بقهر : طيب
~
فـ شركة ~ A.C.H ~ تحديداََ
دخلوا نهى و عهد بكامل كشختهم ، و صادفوا السكرتيره وقالت عهد : لو سمحتي
السكرتيره : تفضلي اختي ؟
عهد : ابي مكتب عقاب
السكرتيره بـ استغراب : عفوا مين انتي ؟
ضحكت عهد وقالت : قلت ابي مكتب عقاب ليه تسألين
نهى : عهد اهجدي !
السكرتيره : طب مين انتي ؟ و ثاني شي اسمه المدير عقاب مو عقاب !
عهد : قلت لس وين مكتب عقاب م تفهمين ؟
السكرتيره بـ استفزاز : واذا م دليتك وش بتسوين !
قاطعهم وجود قاعَد وقال ب استغراب : عهد ؟
السكرتيره : استاذ قاعَد مين هذي
عهد : قاعَد ! تخيل صار لي ساعه اقول وين مكتب عقاب و ذي تستعبط م تبي تدلني
قاعَد عقد حاجبه و لف على السكرتيره وقال : وجدان ؟ وليه ان شاء الله م تدلينها !!
السكرتيره ب تمثيل براءه : مين ذي طيب
عهد بـ عصبيه : انا اخت قاعَد و اخت عقاب و بنت مدير الشركه ! الحين تدرين بحرف واحد اقدر اخلي ابوي يطردس من الشركه ؟
السكرتيره بتوتر : تفضلي معاي أدلك على مكتب الاستاذ عقاب
ضحكت نهى وقالت : امشي عهد
~
فـ المستشفى تحديداََ
متجمعين حول هياء الي فتحت عيونها و شافت عُلا جمبها ، نطقت بتعب : عُلا انا شجايبني هنا ؟
عُلا : هيون انتي طحتي علينا فجأه ، م كليتي شي من الصبح !
زفرت و قالت : طيب
ضربتها على كتفها بـ خفه وقالت : تدرين ان الدكتور وائل الي جابتس ل هنا
شهقت وقالت : كذابه ! احد شافنا ؟؟
ضحكت وقالت : ايه ايه شافنا سطّام
تنهدت وقالت : طيب خلاص روحي كملي شغلتس انتي
عُلا : طيب يعيوني إذا تبين شي علميني ها
دخل عليهم وائل مسرع وقال : هياء ؟ فيك شي
بطلت حاجبها وقالت : لا لا م عليك
عُلا برعب : ااء ترا الدكتور سطّام جاي
وائل : واذا جاء ؟ خله يجي
قاطعهم دخوله و قال : تقدرون تكملون شغلكم انا معها
طلع وائل بقرف و طلعت معاه عُلا ، تقدم سطّام و قرب لها ، مسك يدينها و باسها بقوه وقال : سلامات !
ابتسمت وقالت : الله يسلمك .
سطّام : قومي اكلي لس كم شي و بعدين باخذس للبيت
هياء : يوه سطّام م فيني شي خلاص بكمل
سطّام بحده : ي امي انتي تراس لاحقه على الشغل والله ! ارتاحي اليوم ف البيت
زفرت وقالت : عشانك بس زين !
ابتسم وقال : طيب ، و شسمه ذا وائل معاد ابي اشوفه عندس ! تراه مب عاجبني
ضحكت بخفه وقالت : ليه ؟
سطّام : وشو ليه ! الرجال خذاتس لين هنا ي هياء !! مسكتس شفته قدام عيني وش ذا
هياء : روق روق م صار شي بعدين م قصر جابني لين هنا استهدي بالله
زفر وقال : طيب بقوم اجيب لس شي تاكلينه
شدت على يده وقالت : مابي مابي باكل فالبيت
سطّام : ايه زين مشينا
~
و فـ بيت ابو نياف
دخلت الماس و شافت كل احد قاعد بصوب ، طلعت لـ غرفتها و انسدحت على السرير براحه ، ابتسمت وهي تفكر بـ جراح و قاطع تفكيرها صوت طق الباب ، زفرت وقالت : من
ام نياف : انا ي بنيتي
الماس : ادخلي يمه
دخلت ام نياف وقالت : ها شصار معاتس ؟
الماس بهدوء : وش صار ؟ م صار شي رحت و رجعت
ام نياف : ايه زين
طلعت ام نياف و دخلت الماس فـ نومه تريح راسها
~
فـ قصر آل حمد ..
دخلت هياء و وراءها سطّام
تركي : شصار وراكم رجعتوا ؟
سطّام : تركي تعال شوي
دخلت هياء للصاله و طلعوا سطّام و تركي للحوش
تركي : اسلم ؟
سطّام : شسمه هياء طاحت علينا ب المستشفى
تركي : اما ! و فيها شي؟
سطّام : الظاهر انها مو ماكله شي من الصبح
تركي : ايه زين م عليك خلها علينا ، باخذ لها اكل و بعلم خالتي و عمي
ابتسم وقال : اي زين نفداك
انسحب تركي للصاله و اتجه سطّام راجع للـ مستشفى
دخل تركي و قال : هياء !
فزت وقالت : هلا
تركي : شتبين تاكلين
هياء : تركي والله نفسيتي ماش
تركي : ي هياء توس راجعه و سطّام يقول منتي ماكله شي اكلي لس شي وانا بقوم اعلم خالتي عنس
هياء : طيب
~
يُتبع
~
( يهلا والله ، ي حبايبي الدعم مره ماش شدوا الدعم و اضغطوا على النجمه عشان نكمل سوا نفداكم 🤍🤍. )