مالوّم قلبيِ يوم تولع في ههواكِ ، مَحّلاه وصّفِك يحرِك خافقي كُله

~ 18 ~

التكمله .. اخر الليل فـ بيت ابو جراح بعد ما رجعت الماس للبيت مع نياف ، نطقت تقول : افف للحين ما جاء ومحد جاء !!
قاطعها دخول وهج الي قالت : لموس ؟
فزت بخوف وقالت : يمهه خرشتييني
ضحكت تقول : قاعده لحالتس مستحيييل
الماس : لا وين توني رجعت من عند اهلي مستحيل اقعد لحالي
وهج : ايه ادري انس خوافه قلت مستحيل تقعد ، ايه وينه الأخ
الماس : افف اناا اسال عنه الحين
وهج : اجل انتظريه
الماس : الا تعالي شلون الشغل معاتس
وهج بتعب : اهخ متعب مررهه ، بس اسلي نفسي فيه
ضحكت الماس تقول : ايوا مافيه احد مني مناك ؟
ابتسمت تتذكر عقاب الي طرا فـ بالها وقالت : لا وين مافييه
الماس : امم يلا زين اطلعي ارتاحي
وهج : يلا يعيوني
طلعت وهج و طلعت كذلك الماس لغرفتها ، تفرفر وسط ملابسها و اخذت لها ملابس نوم شورت لونه ابيض مع تيشيرت كذلك ابيض عليه رسمة ورد ، و نثرت شعرها الي كان مربوط و تركته مفتوح ، تقدمت تقعد امام الطاوله ترسم بـ روقان و تغني بهدوء ، ضحكت تقول : خلل ارسم جرراحي
سحبت لها ورقه ثانيه و بدت ترسم بـ تدقيق و حماسها المبالغ لأجل تشوف النهايه ، دخل عليها جراح بهدوء و ابتسم يلمحها قاعده ترسم ، قرب يجي من وراءها و فتح عيونه يبتسم وهو يشوفها ترسمه صدق ، قرب يدفن راسه بوسط صدرها و يبوسها بـ حُب ، يشم ريحتها الي يحبهاا ، و نطق يقول : ياجعل محد يرسم غيرتس
ابتسمت بـ خجل تقول : شرايك ؟ ضبطتها صح
ناظرها و ابتسم يرد : صح
قامت تتذكر باقي رسماتها و قالت : جراح تعال بوريكك رسماتيي الباقي بعد
تقدم جراح يبدل ملابس الدوام و تقدم ينسدح على السرير ، فتح حضنه لها وقال : تعالي و وريني اشوفهم
ابتسمت و قربت تتمدد بوسط حضنه و بيدها الأوراق توريه ، و تشرح له و غيرها ، ابتسم وهو يشوفها تسولف و قعد يلعب بشعرها الي كان يععشق نعومته و لونه و نطقت تقول : وهذا خلصنا وش اكثر رسمه عجبتك
اخذ من يدينها الأوراق و سحب الورقه الي كانت توها راسمته هو فيها و نطق يقول : هذي
ضحكت تقول : امم ححلو حلو اهم شي عجبتك
ابتسم وقال : اييه ، م علينا وش سويتي عند أهلتس وشخبارهم
حطت راسها على صدره و غمضت عيونها تسولف و تقول : ابد والله الحمد لله كلنا بخير و امي كانت تسأل عنك
جراح : و العيال شصار عليهم مالهم حس
ضحكت تقول : اقولك مب فاضيين حتى انا م يبوني
ضحك يقول : افاا افا
الماس : و تخيل امي قعدت تسمي ولدنا بالمستقبل من الحيين
ابتسم وقال : ايوا وشهو ؟
الماس بـ ابتسامه : رعد على اسم بابا
ناظرها وقال : وانتي وش تبين ؟
الماس : إذا ولد نخليه رعد يابو رعد
ضحك وقال : ابد ابشري يا ام رعد
ابتسمت وقالت : والله حلوو ! رعد ولد جرااح شوف الفخاامه بسس
ناظرها جراح يقول : ومتى تبين يجي رعد ؟
فزت توخر من وسط حضنه وقالت : مب الحين طبعا !
جراح : ايه طيب متى يعني
الماس بربكه : يوه جراح فيه وقت باقي تونا
ابتسم يسحبها نحوه وقال بخبث : واذا انا قلت الحين ؟
الماس بتوتر : جراا..ح
قاطعها من طبع شفايفه على شفايفها ، بلعت ريقها وهي تستسلم له من حاوطها بـ جميع الأطراف ..
-
و صباح اليوم الثاني و بالمستشفى ، تحديداََ بـ غرفة قاعَد ، فز بـ الم يفتح عيونه و يشوف نفسه مرمي على السرير و لف يناظر و انصدم من شاف رهف الي كانت نايمه على الكرسي وهي متمسكه فـ يده ، زفر بهدوء وقال : رهف
فزت مفجوعه و ناظرت له تقول : يمه قاعَد بسم الله فيك شي ! يوجعك شي ؟
ابتسم وقال : لا لا ، وش صار انا ليه هنا !!
اخذت نفس بعمق و طاحت عينها على يدها الي متمسكه فـ يده و ابعدتها بـ احراج تقول : حادث الله يصلحكم انت و سطّام
فتح عيونه بصدمه يتذكر كلشي وقال : سطّام ! ايه سطّام وينه شفيه صار فيه شي !!!!
رهف : لا لا اهداا شفيك مافيه شي انت الي سووا لك عمليه ولازم ترتاح ، سطّام جاه كسر باليد و يقولون جروح خفيفه بس
زفر براحه وقال : غريبه محد جاء ما علمتوا احد ؟
ضحكت تقول : والله كلهم جوا عمي سهم و ابوي و امي بختصار كلهم بس تركي أخذهم للبيت صار لهم من امس هنا و ..
قاطعها يقول : ليه ما رجعتي معهم ؟
حكت شعرها تقول : ما وراي شي قلت اقعد دام محد عندك و سطّام ما ترك هيون يبيها عنده
ضحك بتعب يقول : و الوسخه ماجت تشوف اخوها ؟ وين عهدي بس وينهاا
رهف : عاد والله ما علمنا عقاب و عهد و نهى الا الحين
محد كان يدري الا حنا بس ، و جايين بالطريق
قاعَد : طيب خلاص ارجعي انتي ارتاحي بالبيت نايمه بالكرسي ليه
رهف : لو بـ الأرض بقعد عشانك !
ابتسم و قاطعهم دخول هياء الي نطقت تقول : صبااح الخيير يا وجييه الخيير
ابتسمت رهف تقول : ياهلا ياهلا
قربت هياء تضمه و نطقت تقول : اهخ وربي طلعت قلبي من مكانه احسب بيصير لك شي
قاعَد : هيون انفداتس بشويش
ضحكت تقول : اوجعتك ؟
قاعَد وهو يخفي الـ الم : لا م عليتس بس انتبهي ، ايوا علميني شخبار سطّام ؟
تنهدت تقول : يحياتي هو نايم
ضحك وقال : يحياتي اجل وانا م جيتي عندي هااه
غمزت له تضحك وقالت : رهووف عندكك م تركتك من امس وهي حالفه تقعد هنا
قرصتها بخجل وقالت : اص اص ، هذي جزااتيي بعد
قاعَد : اييه احسن منتس بعد
ضحكت رهف وقالت : سمعتيي
ضحكت هياء تقول : يعع مع نفسكم ، بروح انا تبون شي
ردوا بصوت واحد : لا
طلعت و قال قاعَد : متى بطلع ابي ارجع البيت عاد
رهف : سطّام اليوم بس انت بكره
زفر وقال : يليل مافييني شي ابرجع
نطقت بحده تقول : وش الي مافيني شي بتقعد يعني بتقعد منت رايح مكان الين هم يقولون لك مسموح تطلع فاهم ؟
ناظرها وهي تتكلم بجديه وقال : لهدرجه يعني خايفه علي يعني ؟
ضحكت تقول : لاا مو خايفه عليك
قاعَد : اجل خليني اطلع
زفرت وقالت : ايوا خايفه
ضحك وقال : اعترفتي حلو حلو
ضحكت و قربت منه تاخذ جوالها الي كان بـ الطاوله الي جمبه وقالت : طيب بطلع شوي بشوف سطّام
سحبها من يدها لـ عنده و طاحت بالسرير لعنده بعد ما اختل توازنها وقال : سطّام عنده هيون وانا ابيتس عندي
بلعت ريقها وهي تشوف نفسها قريبه منه مره نطقت بتوتر : بس هيون جت و شافتك وانا ما يصير اشوف اخوي ؟
ضحك وقال : ابد روحي شوفيه
ابتسمت تطلع و اتجهت لـ غرفة سطّام ، دخلت بهدوء و شافته نايم و قربت منه ، تقطع قلبها وهي تشوفه تعبان و نطقت : اهخ بس جعله ب عدوينكم هالتعب ولا فيكم
دخلت عليهم هياء و نطقت تقول : اووه رهف انتي هنا
فزت و قالت : ايه جيت اشوفه ، بس شسمه اسمعي برجع ببدل ملابسي و ثم بجيكم
قطبت حاجبها تقول : وليش تجين خلاص سطّام بيطلع اليوم خله يقوم بس
ناظرتها وقالت : بس قاعَد بعده موجود
ضربتها على كتفها وقالت : شعندتس مع قاعَد ؟ هاه
ضحكت وقالت بـ كل صراحه : والله يعيوني مب انتي لحالتسس الي تححبين
شهقت وقالت : اماننه انتي وقاعَدد ؟!؟!
ابتسمت وقالت : يمكن ليش لا
فزوا على صوت سطّام الي فز من أصواتهم وقال : شفيكم ؟
هياء : صححتت الدنيياا
انفجرت رهف تضحك وقالت : يووييلي ي هيااء لهدرجه تحبينه يعني
ابتسمت وقالت : احبه وبس ؟ الا اعششقه و اموت فييه
فتح عيونه يضحك وقال : طار التعب الي فيني كله
ضحكت رهف تقول : خخففييف
طلعت رهف و نطقت هياء : طيب يلا قم بترجع البيت
زفر وقال : مايصير اقعد بعد ؟
ناظرته وقالت : منجدك انت ، قاعَد يبي يطلع وانت تبي تقعد مخبوليين
ضحك وقال : ايه والله ابي اقعد اشوفتس عندي كل شوي وشلون
ضربته على كتفه وقالت : ي الوسخ زواجنا ما باقي عليه شي وراك كذا
وقف يقوم وقال : تعالي تعالي اسنديني عليتس بس
قربت تسنده عليها وقالت : ها خلاص ؟
وقف وقال : يلا زين مع من برجع
هياء : عقاب اخوي توه جاء
سطّام : طيب
-
و فـ ارجاء قصر آل حمد ، فـ الصاله تحديداََ
نطقت ام عقاب : متى بيجون ذول !
ابو عقاب : ي ليالي ولدتس ماهوب راجع
شهقت تقول : وشووو ولييه
ابو عقاب : اهدي ياحرمه اليوم سطّام راجع و بكره قاعَد
ام عقاب : طيب ودني عنده ابي اشوف ولدي ! محد عنده
ابو عقاب : عنده رهف بنت عمه
ام عقاب : وااذاا انا ابي اشوف ولديي
زفر وقال : طيب اللبسي عباتس مشينا
طلعت مسرعه و لبستها و اتجهوا طيران للـ مستشفى
-
و فـ بيت ابو جراح ، فزت وهج من صوت المنبه و قامت تشوف الوقت و انصدمت برعب تقول : يييمه تأخرت تأخرت يويلي من عقااب
مشت تركض للحمام ( يُكرم القارئ ) ، و خلصت تطلع اخذت لها توب ابيض فوقه جاكيت اسود خفيف ، مع بنطلون ابيض ، تقدمت امام المرايه تنثر شعرها القصير بهدوء و تحط لها ميكب خفيف و نزلت مسرعه تقول : يمهه ليه محد صححاانيي
فزت ام جراح تقول : نسيتس ي بنتي
تقدمت تاخذ لها كوب ماء وقالت : جراح وينه الحين يمه والله يويلي من المدير
ام جراح : اصبري طيب بدق عليه بعده نايم
شهقت وقالت : ناااييم !! م راح الدواامم ؟
ام جراح : بسم الله شفيتس انتي اصبري نشوفه
اما بـ غرفة جراح و الماس ، فزت الماس على صوت رنين جواله ، و فتحت عيونها تشوف نفسها بـ وسط أحضان جراح ، ابعدت بهدوء تهمس : جراح
لاحظت عدم رده و قالت : جرااحي
فز يفتح عينه يقول : يابعده
ابتسمت وقالت : قم قم جوالك يرن
قطب حاجبه يقول : ذا الوقت ؟
الماس : اي والله فزيت عليه
تقدم ياخذه و رد على امه يقول : ها يمه لبيه
ردت عليه تقول : وينك ود اختك الشركه
ناظر الساعه و فتح عيونه بصدمه وقال : جايكم
الماس : وشفيك
جراح : الوقت الوقت دوام المدير يدور الزله علي بنطرد انا شكلي خلااصص
ضحكت تقول : بسم الله اهداا رح رح اللبس الحق بس
جراح : طيب وانتي ما بتنزلين ؟
زفرت وقالت : الا بس مب الحين
جراح : ايه طيب
-
و بـ شركة ~ A.H.C ~ ، دخلوا تميم و حور يناظرون الشركه يمين يسار و قالت حور : يمه تميم ما شاء الله
ضحك يقول : وين نروح ححنا
تقدمت حور تكلم أقرب موظفه وقالت : لو سمحتي ، ممكن مكتب المدير ؟
ناظرت لها وقالت : باقي ما جاء
زفر تميم وقال : وش الي باقي ما جاء
تصادمت حور مع وهج وقالت : يمه اسفه
ابتسمت وهج وقالت : لا ابد ما صار شي
حور : اا شسمه بعرف وين مكتب المدير ؟ او اي شخص هنا يصير للمدير عاد
وهج : امشي معاي
مشوا تميم و حور وراءها يطلعون فوق و تقدمت بتدخل وقالت : غريبه باقي ما جاء ؟
حور : عاد حنا مقدمين نبي نتوظف و جينا عساس قالوا لنا نجي اليوم
وهج : طيب بدلكم على مكتبي ادخلوه وانا بشوف لكم احد
حور : تم
دخلوا حور و تميم لـ مكتب وهج وقالت وهج : ما شاء الله الشركه شكبرهاا يارب ننقبل عاد
تميم : ان شاء الله ان شاء الله
اما عند وهج الي راحت لـ مكتب عقاب و ابوه و عهد و نهى و قاعَد و ما كان اي احد موجود منهم ، قطبت حاجبها وقالت : يمه شفيهم محد موجود
اخذت جوالها ترفعه و دقت على عهد و ما كان فيه رد ، و دقت على عقاب الي استجاب لـ ردها وقالت : استاذ عقاب ؟
رد يقول : سمي ياوهج
ردت تقول : عدوك يسم ، اا ليه محد منكم موجود ؟
اخذ نفس وقال : والله ما ظنتي احد مننا بيجي اليوم
وهج بتوتر : ليه بسم الله ؟
عقاب : اخوي و ولد عمي بالمستشفى و كلنا عندهم ، إذا طلعت يمكن امر الشركه
وهج : اهاا سلامتهم ، قلت اسال لان فيه الي قدموا طلب ع الوظيفه
عقاب : طيب طيب شسمه اقعدي معهم مانيب مطول جاي انا طيب ؟
وهج : ابشر
قفلت الخط و اتجهت لـ غرفتها وقالت : اسمعوا توني داقه ع المدير عنده ظرف طارئ و طلع بس يقول انه جاي إذا م بيأخذ من وقتكم شي تقدرون تنتظرون ؟
ناظرت حور لـ تميم ونطق يقول : ابد ننتظر
-
و فـ بيت ابو جراح ، بـ غرفة الماس تحديدا ، قامت تفرفر وسط ملابسها و اخذت لها بنطلون وسيع لونه ابيض مع بلوفر سُكري ، رفعت شعرها تسويه ذيل حصان و حطت ميكب خفيف ، و رشت عطرها الهادي المفضل لها ، و نزلت للصاله و قالت : سلام
الدانه : عليكم السلام
الماس : دنوو متى رجعتي !
الدانه : توني والله و برجع من جديد
ناظرتها بحنيه وقالت : تبين اروح بدالتس ؟
حكت شعرها تقول : لموس والله تتعبين هناك
الماس : شدعوه اتعب عادي يعيوني
الدانه : اجل روحي انتي الحين و بالليل بجي انا
الماس : تمام .. مع من ؟ جراح مداوم مستحيل يخلوه يستأذن
الدانه : نايف نايف برا روحي
الماس : اها يلا طيب
تقدمت تطلع و اتجهت صوب السياره ، قطب نايف حاجبه وقال : الماس ؟
الماس : انا بروح بدال دانه خلها ترتاح شوي
نايف : اها زين
اتجهوا للـ مستشفى و ماكان بعيد جداََ ، شويات و وصلوا لـ مستشفى و نزلت الماس و ورائها نايف يوصلها للغرفه بحكم انها ماتعرف وينها ، طلعوا و أشر على الغرفه وقال : هذي هي
الماس : تمام ما قصرت ..
دخلت الماس للغرفه بهدوء ، ابتسمت ام جراح تناظرها وقالت : الماس ؟ ليه عذبتي نفستس يابنتي
ابتسمت الماس تقعد بالكرسي وقال : افا وش عذابه منتي احد غريب والله انتس مثل امي قلت اشوفتس و بالمره دنو ترتاح شوي و بالليل رايحه ان شاء الله
ابتسمت وقالت : ياحبيبتي انتي
نطقت الماس تقول : شخبارتس كيف تحسين نفستس ؟
ام جراح : ابد الحمدلله نتحسن شوي شوي
الماس : الله يقومتس بالسلامه و يرجعتس لنا سالمه
ام جراح بحنيه : امين يابنيتي الله يخليتس و يحفظتس و يرزقتس الذريه
ابتسمت تردد : امين يارب ..
-
بـ المستشفى تحديداََ ، دخلت رهف بعد ما رجعت للبيت و بدلت ملابسها و غيرها ، اخذت لها كوب قهوه و اتجهت لـ غرفة قاعَد ، و دخلت بهدوء ، ابتسمت وهي تشوفه نايم و قربت تقعد بالكرسي ترفع جوالها تفرفر فيه ، قاطعها دخول الدكتوره الاء الي قالت : السلام عليكم
ناظرتها رهف : عليكم السلام ؟ صار شي
الاء : لا ، جايه اشوف كيف يحس بـ شي يوجعه شي ؟ تبون شي
نظقت تقول : والله توني جيت و هذا هو نايم ، إذا فيه شي نقول لكم
الاء : تمام ..
طلعت الاء و زفرت رهف تلعب بـ جوالها ، ناظرها قاعَد من فتح عينه و لف عليها يقول : متى جيتي ؟
فزت تسكر جوالها وقالت : توني والله
قطب حاجبه يقول : وينس طولتي
حكت شعرها تقول : رجعت البيت بدلت ملابسي وجيت
زفر يقول : اها ، كان قعدتي ف البيت والله م يحتاج من امس وانتي هنيا
رهف : قاعَد خير وش ذا الكلام ! بقعد ما وراي شي انا كذا ولا كذا قاعده فاضيه لا شغل ولا مشغله
ابتسم وقال : يلا زين الي تبينه
-
يُتبع
-
( اتمنى البارت عجبكم ، اعذروني على القصور و الاخطاء الإملائية ، اضغطوا ع النجمه لأجل نكمل سوا و قراءه ممتعه حبايبي 🌷-)